అండర్ 19 వరల్డ్ కప్ ఫైన‌ల్ మ్యాచ్‌.. విధ్వంసం సృష్టించిన వైభవ్ సూర్యవంశీ!

World Cup Final Score

Vaibhav Suryavanshi: అండర్ 19 వరల్డ్ కప్ 2026 ఫైనల్ మ్యాచ్‌లో 14 ఏళ్ల వైభవ్ సూర్యవంశీ తన బ్యాట్‌తో విధ్వంసం సృష్టించాడు. ఇంగ్లాండ్‌తో జరుగుతున్న టైటిల్ పోరులో వైభవ్ తన మెరుపు బ్యాటింగ్‌తో అందరి మనసు గెలుచుకున్నాడు. కేవలం 80 బంతుల్లోనే ఫోర్లు, సిక్సర్ల వర్షం కురిపిస్తూ 175 పరుగుల భారీ ఇన్నింగ్స్ ఆడాడు.

ఈ 14 ఏళ్ల బ్యాటర్ 218 స్ట్రైక్ రేట్‌తో ఆడుతూ 15 ఫోర్లు, 15 సిక్సర్లు బాదాడు. అండర్-19 వరల్డ్ కప్ ఫైనల్ చరిత్రలోనే అత్యంత వేగవంతమైన సెంచరీని వైభవ్ నమోదు చేశాడు. దీనితో పాటు అత్యంత వేగంగా 150 పరుగులు చేసిన బ్యాటర్‌గా కూడా రికార్డు సృష్టించాడు.

Also Read: సేవ్ అమెరికా చట్టం అంటే ఏమిటి?

వైభవ్ సృష్టించిన సునామీ

ఫైనల్ మ్యాచ్‌లో టీమ్ ఇండియా కెప్టెన్ ఆయుష్ మ్హాత్రే టాస్ గెలిచి మొదట బ్యాటింగ్ ఎంచుకున్నాడు. కెప్టెన్ తీసుకున్న ఈ నిర్ణయం సరైనదని వైభవ్ సూర్యవంశీ నిరూపించాడు. మొదటి బంతి నుండే ఈ 14 ఏళ్ల బ్యాటర్ అద్భుతమైన లయలో కనిపించాడు. ఇంగ్లీష్ బౌలింగ్ ఎటాక్‌తో ఆడుకున్నాడు. ఆరోన్ జార్జ్ తక్కువ పరుగులకే పెవిలియన్ చేరినప్పటికీ.. వైభవ్ మాత్రం ఒక వైపు నుండి తన తుఫాను బ్యాటింగ్‌ను కొనసాగించాడు.

అతను అండర్-19 వరల్డ్ కప్ చరిత్రలో రెండో అత్యంత వేగవంతమైన, ఫైనల్ మ్యాచ్‌లలో అత్యంత వేగవంతమైన సెంచరీని పూర్తి చేశాడు. తన సెంచరీ మార్కును చేరుకోవడానికి అతను కేవలం 55 బంతులు మాత్రమే తీసుకున్నాడు. మొత్తం 80 బంతులు ఎదుర్కొన్న వైభవ్ 175 పరుగుల అద్భుతమైన ఇన్నింగ్స్ ఆడాడు. అయితే తృటిలో డబుల్ సెంచరీ చేసే అవకాశాన్ని కోల్పోయాడు.

అత్యంత వేగవంతమైన 150 పరుగులు

అండర్-19 వరల్డ్ కప్ చరిత్రలో అత్యంత వేగంగా 150 పరుగులు చేసిన బ్యాటర్‌గా వైభవ్ సూర్యవంశీ రికార్డు సృష్టించాడు. ఈ 14 ఏళ్ల కుర్రాడు కేవలం 71 బంతుల్లోనే 150 పరుగుల మైలురాయిని అందుకున్నాడు. దీనితో పాటు, అండర్-19 ఇన్నింగ్స్‌లో అత్యధిక సిక్సర్లు బాదిన బ్యాటర్‌గా కూడా నిలిచాడు. దీని ద్వారా అతను 18 ఏళ్ల పాత రికార్డును బద్దలు కొట్టాడు. 2008లో మైఖేల్ హిల్ నమీబియాపై ఆడిన ఇన్నింగ్స్‌లో 12 సిక్సర్లు బాదాడు, ఇప్పుడు వైభవ్ 15 సిక్సర్లతో ఆ రికార్డును చెరిపివేశాడు.

Follow us