Indian Captains: టీమిండియా తరపున ఒకే టెస్ట్ సిరీస్లో అత్యధిక పరుగులు సాధించిన ఆటగాళ్లు వీరే!
భారత క్రికెట్లో 'లిటిల్ మాస్టర్'గా పిలవబడే సునీల్ గవాస్కర్ 1978లో వెస్టిండీస్తో జరిగిన 6 మ్యాచ్ల సిరీస్లో 732 పరుగులు సాధించారు. ఆయన సగటు 91.50. ఇది ఇప్పటికీ ఒక బెంచ్మార్క్గా పరిగణించబడుతుంది.
- Author : Gopichand
Date : 10-07-2025 - 3:02 IST
Published By : Hashtagu Telugu Desk
Indian Captains: భారత టెస్ట్ క్రికెట్లో ఎన్నో సందర్భాలు వచ్చాయి. ఇక్కడ కెప్టెన్లు జట్టును నడిపించడమే కాకుండా బ్యాట్తో కూడా అద్భుతంగా రాణించారు. ఈ రోజు మనం ఐదుగురు భారత కెప్టెన్ల (Indian Captains) గురించి మాట్లాడబోతున్నాం. వారు ఒకే టెస్ట్ సిరీస్లో అత్యధిక పరుగులు సాధించిన భారత ఆటగాళ్లుగా నిలిచారు.
సునీల్ గవాస్కర్
భారత క్రికెట్లో ‘లిటిల్ మాస్టర్’గా పిలవబడే సునీల్ గవాస్కర్ 1978లో వెస్టిండీస్తో జరిగిన 6 మ్యాచ్ల సిరీస్లో 732 పరుగులు సాధించారు. ఆయన సగటు 91.50. ఇది ఇప్పటికీ ఒక బెంచ్మార్క్గా పరిగణించబడుతుంది. ఆ సిరీస్లో గవాస్కర్ మూడు శతకాలు కూడా సాధించారు. ఒంటరిగా భారత బ్యాటింగ్కు వెన్నెముకగా నిలిచారు.
విరాట్ కోహ్లీ
విరాట్ కోహ్లీ 2016లో ఇంగ్లాండ్తో జరిగిన 5 టెస్ట్ మ్యాచ్ల హోమ్ సిరీస్లో 655 పరుగులు సాధించారు. ఆయన 109.16 అద్భుతమైన సగటుతో పరుగులు చేసి, ఆధునిక క్రికెట్లో ఎందుకు తనను బాద్షా అని పిలుస్తారో నిరూపించారు. ఆయన కెప్టెన్సీ తర్వాత టెస్ట్ క్రికెట్లో ఒక కొత్త యుగం ప్రారంభమైంది.
Also Read: Alimony : వరకట్నం నేరం అయితే, భరణం అడగడం చట్టబద్ధమైనదేనా?
విరాట్ కోహ్లీ
కోహ్లీ ఒక సంవత్సరం తర్వాత మరోసారి శ్రీలంకతో జరిగిన టెస్ట్ సిరీస్లో తన బ్యాట్తో విధ్వంసం సృష్టించారు. 2017 టెస్ట్ సిరీస్లో ఆయన కేవలం 3 మ్యాచ్లలో 610 పరుగులు సాధించారు. అది కూడా 152.50 సగటుతో. ఈ ప్రదర్శన భారత కెప్టెన్సీ చరిత్రలో అత్యంత ప్రభావశీల బ్యాటింగ్ సిరీస్లలో ఒకటిగా పరిగణించబడుతుంది.
విరాట్ కోహ్లీ
ఈ జాబితాలో మూడవ స్థానంలో కూడా విరాట్ కోహ్లీ పేరు ఉంది. 2018లో ఇంగ్లాండ్తో కఠినమైన విదేశీ పరిస్థితులలో విరాట్ అద్భుతమైన బ్యాటింగ్ చేసి, కెప్టెన్గా జట్టుకు బలమైన స్కోర్ను అందించారు. ఆయన 5 టెస్ట్ మ్యాచ్లలో 593 పరుగులు సాధించారు. ఇందులో ఆయన సగటు 59.30గా ఉంది. ఈ సిరీస్ తర్వాత కోహ్లీ బ్యాటింగ్, కెప్టెన్సీకి విశేషంగా ప్రశంసలు లభించాయి.
శుభ్మన్ గిల్
ఈ జాబితాలో సరికొత్త పేరు భారత టెస్ట్ కెప్టెన్ శుభ్మన్ గిల్. ఆయన ఇటీవల 2025లో ఇంగ్లాండ్తో జరిగిన సిరీస్లో అద్భత ప్రదర్శన చేశారు. గిల్ ఈ సిరీస్లో మొదటి మూడు మ్యాచ్లలో 485 పరుగులు సాధించారు. ప్రస్తుతం ఆయన సగటు 146.25గా ఉంది. ఈ సమయంలో ఒక డబుల్ సెంచరీ కూడా సాధించారు. కెప్టెన్గా తన మొదటి పెద్ద టెస్ట్ సిరీస్ను గుర్తుండిపోయేలా చేశారు. ఈ సిరీస్లో ఇంకా మూడు మ్యాచ్లు మిగిలి ఉన్నాయి.
Follow us
