నేటి నుంచి టీ20 వరల్డ్‌కప్ ప్రారంభం..

Icc T20 World Cup 2026

ICC T20 World Cup 2026  భారత్, పాక్ మ్యాచ్‌లతో ఐసీసీ టీ 20 వరల్డ్ కప్ 2026 ఇవాళ నుంచి ఘనంగా ప్రారంభం కానుంది. తొలి రోజు గ్రూప్ – ఏలోని నాలుగు జట్ల మధ్య రెండు మ్యాచ్‌లు జరగనున్నాయి. ఆరంభ మ్యాచ్ పాకిస్తాన్ – నెదర్లాండ్స్ మధ్య జరగనుండగా, రెండో మ్యాచ్ భారత్ – యూఎస్ఏ మధ్య జరగనుంది. ఉదయం 11 గంటలకు పాక్ – నెదర్లాండ్స్ మ్యాచ్, రాత్రి 7 గంటలకు భారత్ – అమెరికా మ్యాచ్‌కు షెడ్యూల్ ఖరారైంది.

• ఐసీసీ టీ 20 వరల్డ్‌కప్ ఇవాల్టితో ప్రారంభం
• తొలి మ్యాచ్ పాకిస్తాన్ – నెదర్లాండ్స్
• రాత్రి 7 గంటలకు భారత్ – యూఎస్ఏ మ్యాచ్

ఐసీసీ టీ 20 వరల్డ్‌కప్ 2026 నేటి నుంచి అట్టహాసంగా ప్రారంభం అవుతోంది. మొత్తం 20 జట్లు పాల్గొనే ఈ మెగా టోర్నీలో టీమిండియా డిఫెండింగ్ ఛాంపియన్‌గా బరిలోకి దిగుతోంది. భారత్, శ్రీలంక వేదికగా జరుగుతున్న ఈ వరల్డ్‌కప్‌ ఫిబ్రరి 7 నుంచి మార్చి 8 వరకు జరుగుతుంది. మొత్తం నాలుగు గ్రూపులుగా జట్లను విభజించి.. గ్రూప్, సూపర్ 8 ఇలా మ్యాచ్‌లను ఐసీసీ నిర్వహిస్తోంది.

తొలిరోజే భారత్, పాకిస్తాన్ మ్యాచ్‌లు ఉండటం విశేషం. మొదటి రోజు రెండు మ్యాచ్‌లు నిర్వహించేలా ఐసీసీ ప్రణాళిక సిద్ధం చేసింది. ఉదయం 11 గంటలకు తొలి మ్యాచ్, రాత్రి 7 గంటలకు రెండో మ్యాచ్ జరగుంది. గ్రూప్‌ ఏలోని జట్లకే తొలి రోజులు మ్యాచ్‌లు జరగనుండటం విశేషం.

పాకిస్తాన్ జట్టు భారత్‌లో మ్యాచ్‌లు ఆడేందుకు నిరాకరించడంతో శ్రీలంక వేదికగా నిర్వహించేలా ఐసీసీ సిద్ధం చేసింది. మరోవైపు శ్రీలంక ఆడే గ్రూప్ మ్యాచ్‌లన్నీ కూడా ఆ దేశం వేదికగానే జరగనున్నాయి. బంగ్లాదేశ్ జట్టు భారత్‌కు వచ్చేందుకు నిరాకరించడంతో టీ20 వరల్డ్‌కప్ నుంచి తొలగించి, ఆ జట్టు స్థానంలో స్కాట్లాండ్‌కు ఐసీసీ అవకాశం ఇచ్చింది.

పాకిస్తాన్ – నెదర్లాండ్స్ మ్యాచ్‌తో ఐసీసీ టీ20 వరల్డ్‌కప్‌కు శంఖారావం పూరించనున్నారు. కొలంబోలోని ఎస్ఎస్‌సీ గ్రౌండ్‌ వేదికగా ఈ ఓపెనింగ్ మ్యాచ్ జరగనుంది. ఉదయం 11 గంటలకు తొలి పోరుకు పాక్ – డచ్ జట్లు సిద్ధమయ్యాయి. ఇటీవల ఆస్ట్రేలియాతో జరిగిన టీ20 సిరీస్‌ను 3-0తో సొంతం చేసుకుని పాకిస్తాన్ మంచి జోష్‌తో ఈ మెగా టోర్నీలో అడుగుపెట్టింది.

పాకిస్తాన్ ప్లేయింగ్ 11 అంచనా

సాహిబ్‌జాదా ఫర్హాన్, సైమ్ అయూబ్, సల్మాన్ ఆఘా (కెప్టెన్), బాబర్ ఆజమ్, ఫఖర్ జమాన్ / షాదాబ్ ఖాన్, ఉస్మాన్ ఖాన్ (వికెట్ కీపర్), మొహమ్మద్ నవాజ్, షాహీన్ షా అఫ్రిది, సల్మాన్ మిర్జా, ఉస్మాన్ తారిక్, అబ్రార్ అహ్మద్.

నెదర్లాండ్స్ ప్లేయింగ్ 11 అంచనా

మైకేల్ లెవిట్, మ్యాక్స్ ఓడౌడ్, కాలిన్ అకర్మన్, స్కాట్ ఎడ్వర్డ్స్ (కెప్టెన్, వికెట్ కీపర్), బాస్ డి లీడ్, జాక్ లయన్-కాచెట్, లోగన్ వాన్ బీక్, రూలాఫ్ వాన్ డెర్ మెర్వే, కైల్ క్లైన్, ఆర్యన్ దత్, పాల్ వాన్ మీకీరెన్.

తొలి రోజు రెండో మ్యాచ్ భారత్ – యూఎస్ఏ మధ్య జరగనుంది. ముంబైలోని వాంఖడే స్టేడియం ఈ మ్యాచ్‌కు వేదికగా మారింది. డిఫెండింగ్ ఛాంపియన్ హోదాలో భారత్ అడుగుపెడుతుండగా.. టీ20 వరల్డ్‌కప్ 2024లో సత్తా చాటి మళ్లీ తామేంటో నిరూపించుకునేందుకు యూఎస్ఏ రెడీ అయింది. రాత్రి 7 గంటలకు ఈ మ్యాచ్ ప్రారంభం కానుంది.

టీమిండియా జట్టు అంచనా

ఇషాన్ కిషన్ (వికెట్ కీపర్), అభిషేక్ శర్మ, సూర్యకుమార్ యాదవ్ (కెప్టెన్), తిలక్ వర్మ, రింకూ సింగ్, హార్దిక్ పాండ్యా, అక్షర్ పటేల్, జస్ప్రీత్ బుమ్రా, అర్ష్‌దీప్ సింగ్, వరుణ్ చక్రవర్తి.

యూఎస్ఏ జట్టు అంచనా

మోనాంక్ పటేల్ (కెప్టెన్), ఆండ్రీస్ గౌస్ (వికెట్ కీపర్), సాయితేజ ముక్కమల్ల, షయాన్ జహంగీర్, మిలింద్ కుమార్, శుభమ్ రంజనే, హర్మీత్ సింగ్, మొహమ్మద్ మొహ్సిన్, అలీఖాన్, నోస్తుష్ కెన్జిగే, సౌరభ్ నేత్రవల్కర్.

Follow us