భారత్- వెస్టిండీస్ మ్యాచ్కు వర్షం ముప్పు.. మ్యాచ్ రద్దయితే ఏమవుతుంది?
ఈ మ్యాచ్ కోసం టీమ్ ఇండియా సంపూర్ణంగా సిద్ధం కావాల్సి ఉంది. హోమ్ గ్రౌండ్ అడ్వాంటేజ్ భారత్కు ఉన్నప్పటికీ ప్రకృతి కరుణించకపోతే మాత్రం అది భారత్కు చాలా ప్రతికూలంగా మారుతుంది.
- Author : Gopi
Date : 27-02-2026 - 3:04 IST
Published By : Hashtagu Telugu Desk
T20 World Cup: టీ20 ప్రపంచకప్ 2026 ఇప్పుడు అత్యంత ఉత్కంఠభరితమైన దశకు చేరుకుంది. ఇప్పటికే గ్రూప్-1 నుండి దక్షిణాఫ్రికా జట్టు సెమీ ఫైనల్స్కు అర్హత సాధించి తన స్థానాన్ని సుస్థిరం చేసుకుంది. ఇక రెండో సెమీ ఫైనలిస్ట్ ఎవరో తేల్చడానికి భారత్, వెస్టిండీస్ జట్ల మధ్య భారీ పోరు జరగనుంది. ఈ నిర్ణయాత్మక మ్యాచ్ మార్చి 1, 2026న కోల్కతా వేదికగా జరగనుంది. ఈ మ్యాచ్లో గెలిచిన జట్టు నేరుగా సెమీ ఫైనల్స్లోకి ప్రవేశిస్తుంది. కాబట్టి క్రీడాభిమానులందరి చూపు ఇప్పుడు ఈ కీలక పోరుపైనే ఉంది.
అయితే టీ20 ప్రపంచకప్లో గతంలో కూడా వర్షం కారణంగా అనేక మ్యాచ్లు రద్దయిన సందర్భాలు ఉన్నాయి. కోల్కతాలో జరగబోయే ఈ కీలక మ్యాచ్కు కూడా వర్షం ముప్పు పొంచి ఉందనే ఆందోళన అభిమానుల్లో ఉంది. ఒకవేళ వర్షం కారణంగా ఈ మ్యాచ్ రద్దయితే సెమీస్కు ఎవరు వెళ్తారనేది ఇప్పుడు అతి పెద్ద ప్రశ్నగా మారింది.
మ్యాచ్ రద్దయితే ఏమవుతుంది?
ఐసీసీ (ICC) నిబంధనల ప్రకారం.. ఒకవేళ మ్యాచ్ రద్దయితే రెండు జట్లకు ఒక్కో పాయింట్ కేటాయిస్తారు. ప్రస్తుతం పాయింట్ల పట్టికను పరిశీలిస్తే నికర రన్ రేట్ (Net Run Rate- NRR) పరంగా వెస్టిండీస్ జట్టు టీమ్ ఇండియా కంటే మెరుగైన స్థితిలో ఉంది. ప్రస్తుతం గ్రూప్-A పట్టికలో టీమ్ ఇండియా మూడవ స్థానంలో ఉండగా, వెస్టిండీస్ రెండో స్థానంలో కొనసాగుతోంది.
Also Read: Varanasi Movie: ‘వారణాసి’ మూవీ షూటింగ్ గురించి కీలక అప్డేట్ ఇచ్చిన ప్రియాంక చోప్రా
ఈ మ్యాచ్ రద్దయి పాయింట్లు పంచుకుంటే నికర రన్ రేట్లో ఎటువంటి మార్పు ఉండదు. పాయింట్ల పరంగా సమానంగా ఉన్నప్పటికీ మెరుగైన రన్ రేట్ ఉన్న వెస్టిండీస్ జట్టు పట్టికలో రెండో స్థానంలోనే ఉంటుంది. దీనివల్ల వెస్టిండీస్ జట్టు సెమీ ఫైనల్స్కు అర్హత సాధిస్తుంది. అదే సమయంలో టీమ్ ఇండియా సెమీస్ రేసు నుండి నిష్క్రమించాల్సి వస్తుంది. అంటే వర్షం వల్ల మ్యాచ్ రద్దయితే టీమ్ ఇండియా టోర్నీ నుండి దాదాపుగా నిష్క్రమించినట్టే.
ఈ మ్యాచ్ కోసం టీమ్ ఇండియా సంపూర్ణంగా సిద్ధం కావాల్సి ఉంది. హోమ్ గ్రౌండ్ అడ్వాంటేజ్ భారత్కు ఉన్నప్పటికీ ప్రకృతి కరుణించకపోతే మాత్రం అది భారత్కు చాలా ప్రతికూలంగా మారుతుంది. కేవలం మైదానంలో విజయం సాధించడం ఒక్కటే టీమ్ ఇండియాను తదుపరి దశకు తీసుకెళ్లగలదు. ఈ మహా పోరులో వర్షం అంతరాయం కలిగించకూడదని కోట్లాది మంది భారత క్రికెట్ అభిమానులు కోరుకుంటున్నారు. భారత్ తన ఆశలను సజీవంగా ఉంచుకోవాలంటే ఈ మ్యాచ్లో విజయం సాధించడం తప్పనిసరి.
Follow us
