T20 World Cup: టీ20 ప్రపంచ కప్ కోసం బంగ్లాదేశ్ తుది జట్టు ఇదే
టీ20 ప్రపంచకప్ కోసం బంగ్లాదేశ్ క్రికెట్ జట్టును బీసీబీ ప్రకటించింది. బంగ్లాదేశ్ జట్టుకు నజ్ముల్ హుస్సేన్ శాంటో కెప్టెన్‌గా వ్యవహరించగా, షకీబ్ అల్ హసన్ తిరిగి వచ్చాడు. స్టార్ ఆల్ రౌండర్ షకీబ్ అల్ హసన్ తిరిగి జట్టులోకి రావడంతో ఆ జట్టు బలంగా తయారైంది.
- By Praveen Aluthuru Published Date - 04:42 PM, Tue - 14 May 24
T20 World Cup: టీ20 ప్రపంచకప్ కోసం బంగ్లాదేశ్ క్రికెట్ జట్టును బీసీబీ ప్రకటించింది. బంగ్లాదేశ్ జట్టుకు నజ్ముల్ హుస్సేన్ శాంటో కెప్టెన్‌గా వ్యవహరించగా, షకీబ్ అల్ హసన్ తిరిగి వచ్చాడు. స్టార్ ఆల్ రౌండర్ షకీబ్ అల్ హసన్ తిరిగి జట్టులోకి రావడంతో ఆ జట్టు బలంగా తయారైంది.
వాస్తవానికి టి20 ప్రపంచ కప్ 2024 కోసం బంగ్లాదేశ్ ప్రకటించిన 15 మంది సభ్యుల జట్టులో పెద్దగా మార్పులు కనిపించలేదు. జింబాబ్వేతో జరిగిన సిరీస్‌లో అద్భుత ప్రదర్శన చేసిన తంజీమ్ హసన్ షకీబ్‌కు జట్టులో చోటు దక్కింది. అతనితో పాటు, జింబాబ్వేతో జరిగిన చివరి రెండు టెస్టుల సిరీస్‌లో విశ్రాంతి తీసుకున్న లెఫ్ట్ ఆర్మ్ షోరిఫుల్ ఇస్లామ్‌ను సెలక్టర్లు జట్టులోకి తీసుకున్నారు. ఈ మెగా ఈవెంట్‌కు అఫీఫ్ హుస్సేన్ మరియు హసన్ మహమూద్‌లను రిజర్వ్ ప్లేయర్‌లుగా ఉంచారు.
Bangladesh Squad | ICC Men’s T20 World Cup West Indies & USA 2024 🫶 🇧🇩 #BCB #Cricket #T20WorldCup 2024 pic.twitter.com/GKJ89MzeLL
— Bangladesh Cricket (@BCBtigers) May 14, 2024
టీ20 ప్రపంచకప్ లో బంగ్లాదేశ్ జట్టు గ్రూప్-డిలో ఉంది. బంగ్లాదేశ్‌తో పాటు దక్షిణాఫ్రికా, శ్రీలంక, నెదర్లాండ్స్, నేపాల్ జట్లు గ్రూప్-డిలో ఉన్నాయి. కాగా టీ20 ప్రపంచకప్ లో బంగ్లాదేశ్ తొలి మ్యాచ్ జూన్ 7న శ్రీలంకతో జరగనుంది.
బంగ్లాదేశ్ జట్టు: నజ్ముల్ హొస్సేన్ శాంటో (కెప్టెన్), తస్కిన్ అహ్మద్ (వైస్ కెప్టెన్), లిటన్ దాస్, సౌమ్య సర్కార్, తంజీద్ హసన్ తమీమ్, షకీబ్ అల్ హసన్, తౌహీద్ హృదయ్, మహ్మదుల్లా రియాద్, జాకర్ అలీ అనిక్, తన్వీర్ ఇస్లాం, షాక్ మహిదీ హసన్, రిషాద్ హసన్, రెహమాన్, నాయిస్ ఇస్లాం, తంజీమ్ హసన్ సాకిబ్.
