Shubman Gill: ఛాంపియన్స్ ట్రోఫీకి ముందు చ‌రిత్ర సృష్టించిన శుభ్‌మన్ గిల్!
ఇంగ్లండ్‌తో ఆడిన మూడు వన్డేల సిరీస్‌లో శుభ్‌మన్ గిల్ ప్రదర్శన చాలా అద్భుతంగా ఉంది. ఈ సిరీస్‌లో గిల్ 2 అర్ధ సెంచరీలు, ఒక సెంచరీ సాధించాడు.
- By Gopichand Published Date - 03:46 PM, Wed - 19 February 25
Shubman Gill: ఛాంపియన్స్ ట్రోఫీలో టీమిండియా తన తొలి మ్యాచ్‌ని ఫిబ్రవరి 20న అంటే రేపు ఆడనుంది. అంతకు ముందు ఐసీసీ తాజాగా విడుదల చేసిన వన్డే బ్యాట్స్‌మెన్ ర్యాంకింగ్స్‌లో టీమిండియా పవర్‌ఫుల్ బ్యాట్స్‌మెన్ శుభ్‌మన్ గిల్ (Shubman Gill) ప్రదర్శన కనిపించింది. రోహిత్ శర్మ, బాబర్ ఆజం వంటి ఆటగాళ్లను వెన‌క్కి నెట్టి శుభ్‌మన్ గిల్ వన్డేల్లో నంబర్-1 బ్యాట్స్‌మెన్‌గా నిలిచాడు.
ఇంగ్లండ్‌పై అద్భుత ప్రదర్శన
ఇటీవల, ఇంగ్లండ్‌తో ఆడిన మూడు వన్డేల సిరీస్‌లో శుభ్‌మన్ గిల్ ప్రదర్శన చాలా అద్భుతంగా ఉంది. ఈ సిరీస్‌లో గిల్ 2 అర్ధ సెంచరీలు, ఒక సెంచరీ సాధించాడు. ఇంగ్లండ్‌తో జరిగిన మూడు మ్యాచ్‌ల్లో గిల్ 229 పరుగులు చేశాడు. చివరి వన్డే మ్యాచ్‌లో 112 పరుగుల ఇన్నింగ్స్ ఆడాడు. ఇది కాకుండా తొలి మ్యాచ్‌లో 87 పరుగులు, రెండో మ్యాచ్‌లో 60 పరుగులు చేశాడు. శుభమాన్ గిల్ ప్రస్తుతం 796 రేటింగ్ పాయింట్లతో ఉన్నాడు. వన్డేల్లో గిల్ రెండోసారి నంబర్-1 బ్యాట్స్‌మెన్‌గా నిలిచాడు.
Also Read: Minister Jupally: ఎమ్మెల్సీ ఎన్నికలను ప్రతిష్టాత్మకంగా తీసుకోవాలి: మంత్రి జూపల్లి కృష్ణారావు
ఐసీసీ తాజాగా విడుదల చేసిన వన్డే బ్యాట్స్‌మెన్ ర్యాంకింగ్స్‌లో పాకిస్థాన్ స్టార్ బ్యాట్స్‌మెన్ బాబర్ అజామ్ ఇప్పుడు రెండో స్థానానికి పడిపోయాడు. ప్రస్తుతం బాబర్ ఆజం 773 రేటింగ్ పాయింట్లను కలిగి ఉన్నాడు. గత కొన్ని మ్యాచ్‌ల్లో బాబర్ ప్రదర్శన ప్రత్యేకంగా ఏమీ లేదు. చాలా కాలం తర్వాత బాబర్ నంబర్-2కి పడిపోయాడు. బాబర్ ఇప్పుడు గిల్ కంటే 23 రేటింగ్ పాయింట్లు ముందు ఉన్నాడు.
రోహిత్ శర్మ మూడో స్థానంలో నిలిచాడు
ఐసీసీ తాజా బ్యాటింగ్ ర్యాంకింగ్స్‌లో టీమిండియా కెప్టెన్ రోహిత్ శర్మ మూడో స్థానంలో కొనసాగుతున్నాడు. ప్రస్తుతం రోహిత్ 761 రేటింగ్ పాయింట్లతో ఉన్నాడు. దీంతో పాటు దక్షిణాఫ్రికాకు చెందిన హెన్రిచ్ క్లాసెన్ 756 రేటింగ్ పాయింట్లతో నాలుగో స్థానంలో, డారిల్ మిచెల్ 756 రేటింగ్ పాయింట్లతో ఐదో స్థానంలో ఉన్నారు.
