Royal Challengers Bengaluru: ఐపీఎల్‌లో సంచ‌ల‌నం.. 9 సంవత్సరాల తర్వాత ఫైన‌ల్‌కు చేరిన ఆర్సీబీ!
పంజాబ్ కింగ్స్ మొదటి క్వాలిఫయర్ మ్యాచ్‌లో 8 వికెట్ల తేడాతో ఓడినప్పటికీ.. వారు ఐపీఎల్ 2025 నుంచి నిష్క్ర‌మించ‌లేదు. పాయింట్ల టేబుల్‌లో టాప్-2లో ఫినిష్ చేసిన ప్రయోజనం పంజాబ్‌కు లభిస్తుంది.
- By Gopichand Published Date - 10:31 PM, Thu - 29 May 25
Royal Challengers Bengaluru: ఐపీఎల్ 2025 మొదటి క్వాలిఫయర్ మ్యాచ్‌లో రాయల్ ఛాలెంజర్స్ బెంగళూరు (Royal Challengers Bengaluru).. పంజాబ్ కింగ్స్‌ను 8 వికెట్ల తేడాతో చిత్తు చేసింది. దీంతో బెంగళూరు 9 సంవత్సరాల తర్వాత ఐపీఎల్ ఫైనల్‌లోకి ప్రవేశించింది. ఇంతకు ముందు ఆర్సీబీ 2016లో ఐపీఎల్ ఫైనల్ మ్యాచ్ ఆడింది. ఈ మ్యాచ్‌లో పంజాబ్ మొదట బ్యాటింగ్ చేస్తూ కేవలం 101 పరుగులకే ఆలౌట్ అయింది. దీనికి జవాబుగా ఆర్సీబీ 10 ఓవర్లు మిగిలి ఉండగానే భారీ విజయాన్ని నమోదు చేసింది.
9 సంవత్సరాల తర్వాత ఫైనల్‌లో ఆర్సీబీ
రాయల్ ఛాలెంజర్స్ బెంగళూరు చివరిసారిగా 2016లో ఐపీఎల్ ఫైనల్ ఆడింది. ఆ తర్వాత బెంగళూరు పలుమార్లు ప్లేఆఫ్స్‌కు చేరినప్పటికీ ఫైనల్ వరకు చేరుకోలేకపోయింది. బెంగళూరు విజయానికి సుయాష్ శర్మ, జోష్ హాజెల్‌వుడ్ పునాది వేశారు. ఈ ఇద్ద‌రూ మూడేసి వికెట్లు తీశారు. ఛేజింగ్ స‌మ‌యంలో ఫిల్ సాల్ట్ మిగిలిన కసరత్తును పూర్తి చేశాడు. అతను 27 బంతుల్లో అజేయంగా 56 పరుగులు చేశాడు.
Also Read: Nothing Phone 2 : అమెజాన్ లో భారీగా తగ్గిన నథింగ్ ఫోన్ 2 ధర..కొనేవారికి ఇదే మంచి ఛాన్స్
రాయల్ ఛాలెంజర్స్ బెంగళూరు విజయానికి ముగ్గురు ప్రధాన హీరోలు
కెప్టెన్ రజత్ పాటిదార్ మొదట బౌలింగ్ ఎంచుకున్న నిర్ణయాన్ని సుయాష్ శర్మ, జోష్ హాజెల్‌వుడ్ సరైనదిగా నిరూపించారు. సుయాష్ శర్మ 3 ఓవర్లలో 17 పరుగులు ఇచ్చి 3 వికెట్లు తీశాడు. మరోవైపు జోష్ హాజెల్‌వుడ్ కూడా విధ్వంసం సృష్టించి 3.1 ఓవర్లలో 21 పరుగులు ఇచ్చి 3 వికెట్లు పడగొట్టాడు. వారి బ‌ల‌మైన బౌలింగ్ ఫలితంగానే పంజాబ్ సొంత మైదానంలో కేవలం 101 పరుగులకు కుప్పకూలింది. ఆర్సీబీ బ్యాటింగ్ సమయం వచ్చినప్పుడు ఫిల్ సాల్ట్ 56 పరుగులతో అద‌ర‌గొట్టాడు.
Full scenes guru. 😍
— Royal Challengers Bengaluru (@RCBTweets) May 29, 2025
పంజాబ్ ఇంకా టోర్నమెంట్ నుంచి బయటకు వెళ్ళలేదు
పంజాబ్ కింగ్స్ మొదటి క్వాలిఫయర్ మ్యాచ్‌లో 8 వికెట్ల తేడాతో ఓడినప్పటికీ.. వారు ఐపీఎల్ 2025 నుంచి నిష్క్ర‌మించ‌లేదు. పాయింట్ల టేబుల్‌లో టాప్-2లో ఫినిష్ చేసిన ప్రయోజనం పంజాబ్‌కు లభిస్తుంది. ఇప్పుడు పంజాబ్ కింగ్స్ రెండవ క్వాలిఫయర్ మ్యాచ్‌లో గుజరాత్ టైటాన్స్- ముంబై ఇండియన్స్ మధ్య జ‌రిగే పోరు తర్వాత జ‌ర‌గ‌బోయే ఎలిమినేటర్ మ్యాచ్‌లో విజేతతో (ఎలిమినేటర్ మ్యాచ్‌లో గెలుపొందిన జ‌ట్టు) తలపడనుంది.
