Yuvraj Singh Prediction: భారత్-పాకిస్థాన్ మ్యాచ్‌కు ముందు యువరాజ్ సింగ్ భారీ అంచనా!
భారత్-పాకిస్థాన్ మ్యాచ్‌పై ఇరు దేశాల మాజీ క్రికెటర్లు తమ అభిప్రాయాలను వెల్లడిస్తున్నారు. ఇప్పుడు భారత మాజీ క్రికెటర్ యువరాజ్ సింగ్ జియో హాట్‌స్టార్ గ్రేటెస్ట్ రివాల్రీ రిటర్న్స్ ఎపిసోడ్‌లో కీల‌క వ్యాఖ్య‌లు చేశాడు.
- By Gopichand Published Date - 01:27 PM, Sat - 22 February 25
Yuvraj Singh Prediction: ఫిబ్రవరి 23న భారత్-పాకిస్థాన్ మధ్య హైవోల్టేజీ మ్యాచ్ జరగనుంది. ఈ మ్యాచ్ దుబాయ్ ఇంటర్నేషనల్ స్టేడియంలో జరగనుంది. దీని కోసం ఇరు జట్లు దుబాయ్‌లో ముమ్మరంగా ప్రాక్టీస్ చేస్తున్నాయి. ఈ టోర్నీలో ఇప్పటి వరకు ఇరు జట్లు ఒక్కో మ్యాచ్ ఆడాయి. తొలి మ్యాచ్‌లో టీమిండియా విజయం సాధించగా, తొలి మ్యాచ్‌లో పాకిస్థాన్ ఓటమి చవిచూడాల్సి వచ్చింది. రేపు జ‌ర‌గ‌బోయే భారత్- పాక్‌ మ్యాచ్‌కి సంబంధించి టీమిండియా మాజీ వెటరన్ క్రికెటర్ యువరాజ్ సింగ్ (Yuvraj Singh Prediction).. కెప్టెన్ రోహిత్ శర్మ గురించి పెద్ద అంచనా వేసాడు.
యువరాజ్ సింగ్ పెద్ద ప్రకటన
భారత్-పాకిస్థాన్ మ్యాచ్‌పై ఇరు దేశాల మాజీ క్రికెటర్లు తమ అభిప్రాయాలను వెల్లడిస్తున్నారు. ఇప్పుడు భారత మాజీ క్రికెటర్ యువరాజ్ సింగ్ జియో హాట్‌స్టార్ గ్రేటెస్ట్ రివాల్రీ రిటర్న్స్ ఎపిసోడ్‌లో కీల‌క వ్యాఖ్య‌లు చేశాడు. రోహిత్ శర్మ ఫామ్‌లో ఉంటే అతను 60 బంతుల్లో కూడా సెంచరీ సాధించగలడు. ఒక్కసారి రోహిత్ బ్యాట్ మంచి ఫామ్‌లో ఉంటే అతను ఫోర్లతోనే కాకుండా సిక్సర్లతో కూడా ఆటను ముందుకు తీసుకువెళతాడు. రోహిత్ అత్యుత్తమ షార్ట్ బాల్ ప్లేయర్ అని ప్ర‌శంసించాడు.
Also Read: Jagan Marks Justice: వంశీ, పిన్నెల్లికి ఒక రూల్‌.. నందిగంకి మరో రూల్‌, జగన్‌ మార్క్‌ న్యాయం!
యువరాజ్ ఇంకా మాట్లాడుతూ.. రోహిత్‌కు ఎవరైనా గంటకు 145 నుండి 150 కిమీ వేగంతో బౌలింగ్ చేస్త అతను సులభంగా హుక్ చేయగల సామర్థ్యం కలిగి ఉంటాడు. అతని స్ట్రైక్ రేట్ ఎల్లప్పుడూ 120 నుండి 140 మధ్య ఉంటుంది. అతను ఒంటరిగా మ్యాచ్‌ను గెలిపించ‌గ‌ల‌డు.
గత మ్యాచ్‌లో 41 పరుగులు చేశాడు
రోహిత్ శర్మ నెమ్మదిగా ఫామ్‌లోకి వస్తున్నాడు. ఇంగ్లండ్‌తో జరిగిన వన్డే సిరీస్‌లో రోహిత్ అద్భుత సెంచరీ సాధించాడు. దీని తర్వాత బంగ్లాదేశ్‌తో జరిగిన ఛాంపియన్స్ ట్రోఫీ తొలి మ్యాచ్‌లో కెప్టెన్ రోహిత్ 36 బంతుల్లో 41 పరుగులతో ఇన్నింగ్స్ ఆడాడు. ఇప్పుడు అభిమానులు పాకిస్తాన్‌పై హిట్‌మ్యాన్ నుండి గొప్ప ఇన్నింగ్స్‌ను ఆశిస్తున్నారు.
పాకిస్థాన్‌పై రోహిత్ అద్భుతమైన రికార్డు
వన్డే క్రికెట్‌లో పాకిస్థాన్‌పై రోహిత్ శర్మకు అద్భుతమైన రికార్డు ఉంది. ఇప్పటివరకు రోహిత్ పాకిస్తాన్‌తో 19 వన్డే మ్యాచ్‌లు ఆడాడు. ఇందులో భారత కెప్టెన్ బ్యాటింగ్ చేస్తూ 873 పరుగులు చేశాడు. ఈ సమయంలో అతను 2 సెంచరీలు, 8 అర్ధ సెంచరీలు సాధించాడు.
