IND vs ENG Test Series: భారత్ పై ఇంగ్లాండ్ ఓటమికి ప్రధాన కారణాలు ఇవే
ఇంగ్లిష్ జట్టు ధర్మశాలలో కూడా పరువు కాపాడుకోలేకపోయింది. సిరీస్‌లోని ఐదో టెస్టు మ్యాచ్‌లో టీమిండియా 64 పరుగుల తేడాతో ఘన విజయం సాధించింది. రెండో ఇన్నింగ్స్ లో అశ్విన్ చెలరేగడంతో ఇంగ్లండ్ బ్యాట్స్ మెన్లు పూర్తిగా చేతులెత్తేశారు. ఫలితంగా ఇంగ్లాండ్ 195 పరుగులకే కుప్పకూలింది.
- By Praveen Aluthuru Published Date - 05:15 PM, Sat - 9 March 24
IND vs ENG Test Series: ఇంగ్లిష్ జట్టు ధర్మశాలలో కూడా పరువు కాపాడుకోలేకపోయింది. సిరీస్‌లోని ఐదో టెస్టు మ్యాచ్‌లో టీమిండియా 64 పరుగుల తేడాతో ఘన విజయం సాధించింది. రెండో ఇన్నింగ్స్ లో అశ్విన్ చెలరేగడంతో ఇంగ్లండ్ బ్యాట్స్ మెన్లు పూర్తిగా చేతులెత్తేశారు. ఫలితంగా ఇంగ్లాండ్ 195 పరుగులకే కుప్పకూలింది.
బేస్ బాల్ విధానం ఆధారంగా భారత గడ్డపై టెస్టు సిరీస్ గెలవాలన్న బెన్ స్టోక్స్ కల చెదిరిపోయింది. ఐదు కారణాల వల్ల ఇంగ్లండ్ టెస్టు సిరీస్‌ను 4-1తో కోల్పోయింది. ఇంగ్లండ్ బేస్ బాల్ విధానం ఆధారంగా ప్రపంచ క్రికెట్‌లో సంచలనం సృష్టించింది. బెన్ స్టోక్స్ నాయకత్వంలో ఇంగ్లీష్ జట్టు బేస్ బాల్ విధానం ద్వారా భారత కోటను బద్దలు కొట్టడంలో విజయం సాధిస్తారని విశ్వసించారు. వేగంగా పరుగులు చేయడానికి ప్రయత్నించిన ఇంగ్లండ్ బ్యాట్స్మెన్లు ప్రతి టెస్ట్ మ్యాచ్‌లో తమ వికెట్లను త్వరగా కోల్పోయారు.దాని కారణంగా స్టోక్స్ సేన ఓటమి చవిచూడాల్సి వచ్చింది.
ఈ టెస్టు సిరీస్‌లో ఇంగ్లండ్ ఫాస్ట్‌ బౌలర్లు మొదట ధీమాగా కన్పించారు. కాగా జేమ్స్ అండర్సన్ దారుణంగా విఫలమయ్యాడు. అండర్సన్ ఈ సిరీస్‌లో వికెట్ల కోసం ప్రయత్నించినా ఫలితం లేకపోయింది. అదే సమయంలో మార్క్ వుడ్ మరియు ఆలీ రాబిన్సన్ కూడా అంచనాలను అందుకోలేకపోయారు.ప్రపంచవ్యాప్తంగా తన కెప్టెన్సీతో ప్రశంసలు అందుకున్న బెన్ స్టోక్స్. భారత్‌లో కెప్టెన్‌గా ఘోరంగా విఫలమయ్యాడు. స్టోక్స్ బౌలర్లను సరిగా ఉపయోగించుకోలేకపోయాడు. అతని వ్యూహం ఎవరికీ అర్థం కాలేదు. కెప్టెన్సీతో పాటు బ్యాటింగ్‌లో కూడా స్టోక్స్ నిరాశపరిచాడు.
టెస్టు సిరీస్‌లో ఇంగ్లండ్ జట్టు అద్భుత విజయంతో శుభారంభం చేసింది. ఆ తర్వాత నాలుగు టెస్టుల్లో ఆ జట్టు వరుస పరాజయాలను చవిచూడాల్సి వచ్చింది. అయితే, ప్రతి టెస్ట్ మ్యాచ్‌లో ఇంగ్లండ్‌కు మ్యాచ్‌పై ఆధిపత్యం చెలాయించడాన్ని అనేక అవకాశాలు వచ్చాయి, కానీ వాటిని సద్వినియోగం చేసుకోవడంలో విఫలమయ్యారు. శుభారంభాన్ని భారీ ఇన్నింగ్స్‌గా మార్చడంలో ఆ జట్టు బ్యాట్స్‌మెన్ విఫలమవగా, బౌలర్లు భాగస్వామ్యాన్ని ఛేదించడంలో విఫలమయ్యారు.
ఈ టెస్టు సిరీస్‌లో ఇంగ్లండ్ బ్యాట్స్మెన్లు ఆకట్టుకోలేకపోయారు. జో రూట్ మరియు ఆలీ పోప్ తప్ప జట్టులోని మిగతా బ్యాట్స్మెన్లు ఒక్క సెంచరీ కూడా చేయలేకపోయారు. బెన్ స్టోక్స్ ఘోరంగా విఫలమయ్యాడు. జానీ బెయిర్‌స్టో పరిస్థితి కూడా అలాగే ఉంది. మొదటి టెస్టులో పోప్ ఆకట్టుకున్నాడు, ఆ తర్వాత ఆ స్థాయి ప్రదర్శన ఇవ్వలేకపోయాడు.
Also Read: Aara Mastan Survey : టీడీపీ+బిజెపి.. లాభమా?.. నష్టమా..? ఆరా మస్తాన్ సర్వే ఏం చెబుతోంది..?
