Mohammed Shami Brother: క్రికెట్ లోకి ఎంట్రీ ఇచ్చిన టీమిండియా ఫాస్ట్ బౌలర్ షమీ తమ్ముడు..!

Maxresdefault

Mohammed Shami Brother: మహ్మద్ షమీ వలె అతని తమ్ముడు (Mohammed Shami Brother) మహ్మద్ కైఫ్ కూడా ఫాస్ట్ బౌలర్, ప్రొఫెషనల్ క్రికెట్ ఆడతాడు. 27 ఏళ్ల కైఫ్ సుదీర్ఘ పోరాటం తర్వాత ఎట్టకేలకు బెంగాల్ తరఫున రంజీ అరంగేట్రం చేశాడు. అంతర్జాతీయ క్రికెట్‌కు ముందు మహ్మద్ షమీ కూడా బెంగాల్ తరఫున ఫస్ట్ క్లాస్ క్రికెట్ ఆడాడు. ఇప్పుడు కైఫ్ కూడా అన్నయ్య షమీ బాటలోనే పయనిస్తున్నట్లు తెలుస్తోంది. తన సోదరుడి రంజీ అరంగేట్రంతో మహమ్మద్ షమీ చాలా సంతోషంగా కనిపించాడు.

సోదరుడు కైఫ్‌ను అభినందిస్తూ.. షమీ సోషల్ మీడియాలో ఓ పోస్ట్ చేశాడు. “సుదీర్ఘ పోరాటం తర్వాత ఎట్టకేలకు బెంగాల్‌కు రంజీ ట్రోఫీ క్యాప్ లభించింది. చీర్స్! అద్భుతమైన అచీవ్‌మెంట్! అభినందనలు. నీ భవిష్యత్తు కోసం నేనుశుభాకాంక్షలు తెలుపుతున్నాను. మీ 100% ఇవ్వండి. కష్టపడి పని చేయండి. బాగా చేస్తూ ఉండండి.” అంటూ మహ్మద్ షమీ తన తమ్ముడికి పోస్ట్ ద్వారా శుభాకాంక్షలు చెప్పాడు.

ఈ పోస్ట్‌పై ఆసక్తికర స్పందనలు వచ్చాయి

సోషల్ మీడియాలో షమీ చేసిన పోస్ట్‌పై చాలా అద్భుతమైన స్పందనలు కనిపించాయి. భారత మాజీ ఆల్ రౌండర్ ఇర్ఫాన్ పఠాన్ వ్యాఖ్యానిస్తూ ‘గుడ్ లక్’ అని రాశాడు. ఇది కాకుండా గుజరాత్ టైటాన్స్ షమీ పోస్ట్‌పై వ్యాఖ్యానిస్తూ “బడే మియాన్, బడే మియాన్. ఛోటే మియాన్ సుభాన్ అల్లా” ​​అని రాసింది. మహ్మద్ షమీ వలె మహ్మద్ కైఫ్ కూడా ఫాస్ట్ బౌలర్ రాణించి టీమిండియాలోకి రావాలని కొందరు అభిమానులు పేర్కొన్నారు. మహ్మద్ షమీ వలె బౌలింగ్ చేస్తావని ఆశిస్తున్నాం అని కొందరు రాసుకొచ్చారు.

Also Read: American Cricket Team : టీ20 వరల్డ్ కప్‌లో అమెరికా కెప్టెన్ మనోడే.. మోనాంక్ కెరీర్ గ్రాఫ్ ఇదిగో

ఆంధ్రాపై రంజీ అరంగేట్రం

షమీ సోదరుడు కైఫ్ ఆంధ్రాపై రంజీ అరంగేట్రం చేశాడు. విశాఖపట్నంలోని రాజశేఖరరెడ్డి ఏసీఏ-వీడీసీఏ క్రికెట్ స్టేడియంలో ఆంధ్రాతో జరుగుతున్న మ్యాచ్‌లో కైఫ్ బెంగాల్ ప్లేయింగ్ ఎలెవన్‌లో చేరాడు. ఈ మ్యాచ్‌లో మొదటి రోజు ఆట ముగిసే సమయానికి ముందుగా బ్యాటింగ్ చేసిన బెంగాల్ 4 వికెట్ల నష్టానికి 289 పరుగులు చేసింది.

We’re now on WhatsApp. Click to Join.

ఇప్పటివరకు కైఫ్ కెరీర్ సాగింది ఇలా

మహ్మద్ షమీ తమ్ముడు రంజీ అరంగేట్రానికి ముందు తన కెరీర్‌లో 9 లిస్ట్-ఎ మ్యాచ్‌లు ఆడాడు. ఈ మ్యాచ్‌లలో 9 ఇన్నింగ్స్‌లలో బౌలింగ్ చేస్తున్నప్పుడు అతను 26.33 సగటుతో 12 వికెట్లు తీసుకున్నాడు. బ్యాటింగ్ చేస్తూ 5 ఇన్నింగ్స్‌లలో 23 పరుగులు చేశాడు.

Follow us