Asia Cup: ఆసియా కప్ కి ముందు టీమిండియాకి షాక్.. ఆందోళన కలిగిస్తున్న కేఎల్ రాహుల్ ఫిట్ నెస్..!?
ఆసియా కప్ 2023 (Asia Cup) కోసం 17 మంది సభ్యులతో కూడిన భారత జట్టును ఆగస్టు 21న ఢిల్లీలో ఏర్పాటు చేసిన విలేకరుల సమావేశంలో చీఫ్ సెలెక్టర్ అజిత్ అగార్కర్ ప్రకటించారు.
- By Gopichand Published Date - 12:29 PM, Tue - 22 August 23
Asia Cup: ఆసియా కప్ 2023 (Asia Cup) కోసం 17 మంది సభ్యులతో కూడిన భారత జట్టును ఆగస్టు 21న ఢిల్లీలో ఏర్పాటు చేసిన విలేకరుల సమావేశంలో చీఫ్ సెలెక్టర్ అజిత్ అగార్కర్ ప్రకటించారు. చాలా కాలం తర్వాత శ్రేయాస్ అయ్యర్, KL రాహుల్ తిరిగి జట్టులోకి వచ్చారు. అభిమానులందరూ ఆసియా కప్ లో పాక్ తో మ్యాచ్ కోసం ఆసక్తిగా ఎదురుచూస్తున్నారు. అయితే పాకిస్థాన్తో ఆసియా కప్లో తమ తొలి మ్యాచ్కు ముందు భారత జట్టు ఇప్పుడు కొత్త సమస్యను ఎదుర్కోవలసి వస్తుంది.
టీమ్ ఇండియా చీఫ్ సెలెక్టర్ అజిత్ అగార్కర్ ఆసియా కప్ కోసం జట్టును ప్రకటించినప్పుడు విలేకరుల సమావేశంలో ప్రతి ఒక్కరికీ KL రాహుల్ ఫిట్నెస్ గురించి పెద్ద అప్డేట్ ఇచ్చాడు. రాహుల్కు ఇటీవల చిన్న గాయం తగిలిందని, ఇది అతని పాత గాయానికి పూర్తి భిన్నంగా ఉందని అగార్కర్ చెప్పారు. ఇలాంటి పరిస్థితుల్లో మొదటి 1 లేదా 2 మ్యాచ్లు ఆడడం అతనికి కష్టమే. అందుకే బ్యాకప్ ప్లేయర్గా సంజూ శాంసన్ను జట్టులోకి తీసుకోవాలని నిర్ణయించుకున్నామని తెలిపారు.
Also Read: Rohit Sharma: ఈసారి వన్డే వరల్డ్ కప్ కొట్టడమే లక్ష్యం.. రోహిత్ శర్మ కీలక వ్యాఖ్యలు..!
కేఎల్ రాహుల్ పూర్తిగా ఫిట్గా లేకపోవడం భారత జట్టుకు పెద్ద ఆందోళన కలిగించే అంశం. నిజానికి ఆసియా కప్ ద్వారా టీమ్ ఇండియా రాబోయే వన్డే ప్రపంచకప్కు కూడా తన సన్నాహాలను బలోపేతం చేసుకోవాలనుకుంటోంది. ఇటువంటి పరిస్థితిలో రాహుల్ నంబర్-4 స్థానంలో ఆడటం దాదాపు ఖాయమని భావించారు. అయితే రాహుల్ దెబ్బతో మరోసారి జట్టు బ్యాటింగ్ ఆర్డర్లో మార్పు వచ్చే అవకాశం ఉంది.
శ్రేయాస్ అయ్యర్ పూర్తిగా ఫిట్
KL రాహుల్ ఫిట్నెస్ గురించి సమాచారం ఇవ్వడంతో పాటుశ్రేయాస్ అయ్యర్ ఫిట్నెస్ గురించి కూడా చెప్పాడు అగార్కర్. అతను పూర్తిగా ఫిట్గా ఉన్నట్లు ప్రకటించాడు. అదే సమయంలో సెప్టెంబర్ 2న పాకిస్థాన్తో జరిగే తొలి మ్యాచ్లో ఇషాన్ కిషన్ వికెట్ కీపర్ బ్యాట్స్మెన్గా ఆడటం దాదాపు ఖాయమైనట్లు సమాచారం. వెస్టిండీస్తో జరిగిన వన్డే సిరీస్లోని మూడు మ్యాచ్ల్లోనూ ఇషాన్ అద్భుత ప్రదర్శన చేశాడు.
Related News
Virat Kohli Record: T20 ప్రపంచ కప్ గేమ్ల్లో కోహ్లీ రికార్డులు ఇవే.. లెక్కలు చూస్తే ఆశ్చర్యపోవాల్సిందే..!
కొద్ది రోజుల క్రితం విరాట్ కోహ్లీ స్లో స్ట్రైక్ రేట్తో ఆడుతున్నాడని ట్రోల్ చేశారు. ఇటీవల 67 బంతుల్లోనే సెంచరీ చేసి ఐపీఎల్ చరిత్రలో అత్యంత స్లో సెంచరీ సాధించిన ఘనత కోహ్లిదే.