RCB: బెంగళూరు- కోల్కతా మ్యాచ్ రద్దు.. ఫ్యాన్స్ కోసం ఆర్సీబీ కీలక నిర్ణయం!
ఇండియన్ ప్రీమియర్ లీగ్లో 58వ మ్యాచ్లో కోల్కతా నైట్ రైడర్స్, రాయల్ చాలెంజర్స్ బెంగళూరు మధ్య శనివారం భారీ వర్షం కారణంగా ఒక్క బంతి కూడా వేయకుండా రద్దు అయింది. మ్యాచ్ను ఆసక్తిగా చూద్దామని చిన్నస్వామి స్టేడియానికి వచ్చిన అభిమానులకు ఇది పెద్ద షాక్.
- Author : Gopichand
Date : 18-05-2025 - 6:40 IST
Published By : Hashtagu Telugu Desk
RCB: ఇండియన్ ప్రీమియర్ లీగ్లో 58వ మ్యాచ్లో కోల్కతా నైట్ రైడర్స్, రాయల్ చాలెంజర్స్ బెంగళూరు మధ్య శనివారం భారీ వర్షం కారణంగా ఒక్క బంతి కూడా వేయకుండా రద్దు అయింది. మ్యాచ్ను ఆసక్తిగా చూద్దామని చిన్నస్వామి స్టేడియానికి వచ్చిన అభిమానులకు ఇది పెద్ద షాక్. ఎందుకంటే బెంగళూరులో తదుపరి మ్యాచ్ కోసం అభిమానులు శుక్రవారం వరకు వేచి ఉండాలి. రాయల్ చాలెంజర్స్ బెంగళూరు (RCB) ఆదివారం ఎం చిన్నస్వామి స్టేడియంలో కోల్కతా నైట్ రైడర్స్తో వర్షం కారణంగా రద్దైన మ్యాచ్ టికెట్ల మొత్తం మొత్తాన్ని రీఫండ్ చేస్తామని ప్రకటించింది.
రాయల్ చాలెంజర్స్ బెంగళూరు ఒక ప్రకటనలో ఇలా తెలిపింది. ‘‘మే 17, 2025న ఆర్సీబీ- కేకేఆర్ మధ్య జరగాల్సిన మ్యాచ్ దురదృష్టకర వాతావరణం కారణంగా రద్దు చేయబడినందున అన్ని చెల్లుబాటు అయ్యే టికెట్ హోల్డర్లు పూర్తి రీఫండ్కు అర్హులు‘‘ అని పేర్కొంది.
🚨 𝐈𝐦𝐩𝐨𝐫𝐭𝐚𝐧𝐭 𝐀𝐧𝐧𝐨𝐮𝐧𝐜𝐞𝐦𝐞𝐧𝐭: 𝐓𝐢𝐜𝐤𝐞𝐭 𝐑𝐞𝐟𝐮𝐧𝐝 𝐟𝐨𝐫 𝐑𝐂𝐁 𝐯𝐬 𝐊𝐊𝐑 🎟️
As the game between RCB and KKR on 17th May 2025 was abandoned due to inclement weather, all valid ticket holders are eligible for a full refund.
Digital ticket holders will… pic.twitter.com/Wfpub1p5h3
— Royal Challengers Bengaluru (@RCBTweets) May 18, 2025
‘‘డిజిటల్ టికెట్ హోల్డర్లకు టికెట్ బుకింగ్ కోసం ఉపయోగించిన ఖాతాలో 10 పని దినాల్లో రీఫండ్ అందుతుంది. మే 31 వరకు రీఫండ్ అందకపోతే మీ బుకింగ్ వివరాలతో refund@ticketgenie.in కు ఇమెయిల్ పంపడం ద్వారా సమస్యను పరిష్కరించుకోండి’’ అని పేర్కొంది. రాయల్ చాలెంజర్స్ బెంగళూరు- కోల్కతా నైట్ రైడర్స్ మధ్య శనివారం జరగాల్సిన ఇండియన్ ప్రీమియర్ లీగ్ మ్యాచ్ వర్షం కారణంగా రాత్రి 10:24 గంటలకు ఫీల్డ్ అంపైర్లు చివరి తనిఖీ చేసి మ్యాచ్ను రద్దు చేసినట్లు అధికారికంగా ప్రకటించారు. దీంతో కోల్కతా నైట్ రైడర్స్ ప్లేఆఫ్ రేసు నుంచి వైదొలిగింది. అయితే ఆర్సీబీ 17 పాయింట్లతో ప్లేఆఫ్కు మరింత దగ్గరైంది. ప్రస్తుతం పాయింట్ల టేబుల్లో ఆర్సీబీ అగ్రస్థానంలో ఉంది.
Also Read: Liquor Prices: తెలంగాణలోని మద్యం ప్రియులకు బ్యాడ్ న్యూస్.. ఫుల్ బాటిల్పై భారీగా పెంపు!
ఆర్సీబీ ఇలా ఐపీఎల్ ప్లేఆఫ్కు మరో అడుగు దగ్గరైంది. అయితే కేకేఆర్ రేసు నుంచి వైదొలిగింది. ఆర్సీబీ ఇప్పుడు 12 మ్యాచ్లలో 17 పాయింట్లతో ఉంది. మిగిలిన రెండు మ్యాచ్లలో ఒక్క విజయం సాధిస్తే ప్లేఆఫ్లో స్థానం ఖాయం. ప్రస్తుతం ఆర్సీబీ గుజరాత్ టైటాన్స్ (16 పాయింట్లు) కంటే ముందుంది. ఆర్సీబీ మే 23న తమ హోమ్ గ్రౌండ్లో సన్రైజర్స్ హైదరాబాద్తో తలపడనుంది. ఆ తర్వాత మే 27న లక్నో సూపర్ జెయింట్స్తో మ్యాచ్ జరగనుంది.
Follow us
