Australia Beat India: ఆస్ట్రేలియా చేతిలో భారత్ ఘోర ఓట‌మి!

Cricket Matches

Australia Beat India: రెండవ టీ20 మ్యాచ్‌లో ఆస్ట్రేలియా 4 వికెట్ల తేడాతో భారత్‌ను (Australia Beat India) ఓడించింది. జస్పీత్ బుమ్రా, వరుణ్ చక్రవర్తి ఆస్ట్రేలియాను కట్టడి చేయడానికి గట్టి ప్రయత్నం చేసినప్పటికీ 4 వికెట్ల తేడాతో ఆ జట్టు గెలవకుండా ఆపలేకపోయారు. భారత్ మొదట బ్యాటింగ్ చేసి కేవలం 125 పరుగులు మాత్రమే చేయగా, కంగారూ జట్టు ఈ చిన్న లక్ష్యాన్ని 40 బంతులు మిగిలి ఉండగానే ఛేదించింది.

ఆస్ట్రేలియా ముందు 126 పరుగుల చిన్న లక్ష్యం ఉంది. ట్రావిస్ హెడ్, మిచెల్ మార్ష్ ల ఓపెనింగ్ జోడీ కేవలం 4 ఓవర్లలోనే ఆస్ట్రేలియా స్కోరును 50 దాటించింది. హెడ్ 15 బంతుల్లో 28 పరుగులు చేసి అవుట్ కాగా, మరోవైపు కెప్టెన్ మిచెల్ మార్ష్ 26 బంతుల్లో 46 పరుగుల మెరుపు ఇన్నింగ్స్ ఆడాడు. ఈ సమయంలో మార్ష్ 2 ఫోర్లు, నాలుగు భారీ సిక్సర్లు కొట్టాడు.

Also Read: Heart Attack: హార్ట్ ఎటాక్ వస్తుందని తెలిపే సిగ్నల్ ఇదే .. గుర్తించకపోతే అంతే !!

బుమ్రా-చక్రవర్తి ప్రయత్నం వృథా

జస్‌ప్రీత్ బుమ్రా, వరుణ్ చక్రవర్తి ఆస్ట్రేలియాను తక్కువ స్కోరుకే పరిమితం చేయడానికి తీవ్రంగా ప్రయత్నించారు. బుమ్రా 4 ఓవర్లలో కేవలం 26 పరుగులు ఇచ్చి 2 వికెట్లు తీశాడు. మరొకవైపు చక్రవర్తి 4 ఓవర్లలో కేవలం 23 పరుగులు మాత్రమే ఇచ్చి రెండు వికెట్లు పడగొట్టాడు. ఇతర బౌలర్లు పెద్దగా ప్రభావం చూపలేకపోయారు. కుల్దీప్ యాదవ్ 2 వికెట్లు తీసినప్పటికీ, చాలా ఖరీదైన బౌలర్‌గా నిరూపించుకున్నాడు.

భారత జట్టు మొదట బ్యాటింగ్‌కు వచ్చినప్పుడు కేవలం అభిషేక్ శర్మ, హర్షిత్ రాణా మాత్రమే చెప్పుకోదగిన స్కోరు చేయగలిగారు. అభిషేక్ మెరుపు వేగంతో 68 పరుగులు చేసి ఇన్నింగ్స్‌కు ఊపునివ్వగా మరోవైపు హర్షిత్ రాణా ఏడో స్థానంలో బ్యాటింగ్ చేస్తూ 35 పరుగులు చేశాడు. అయితే హర్షిత్ బౌలింగ్‌లో మాత్రం చాలా ఖరీదైనవాడిగా నిరూపించుకున్నాడు. కేవలం 2 ఓవర్లలోనే హర్షిత్ 27 పరుగులు సమర్పించుకున్నాడు.

నాలుగేళ్ల తర్వాత ఆస్ట్రేలియా విజయం

ఆస్ట్రేలియా తన సొంతగడ్డపై భారత జట్టును ఒక టీ20 మ్యాచ్‌లో ఓడించడం ఐదేళ్ల తర్వాత ఇదే మొదటిసారి. చివరిసారిగా ఆస్ట్రేలియా డిసెంబర్ 2020లో సిడ్నీలో తమ స్వదేశంలో భారత్‌ను ఓడించింది. టీ20 అంతర్జాతీయ క్రికెట్‌లో టీమ్ ఇండియాపై ఆస్ట్రేలియాకు ఇది మొత్తం 12వ విజయం.

Follow us