Heart Attack: హార్ట్ ఎటాక్ వస్తుందని తెలిపే సిగ్నల్ ఇదే .. గుర్తించకపోతే అంతే !!

Heart Attack

ఇటీవలి కాలంలో గుండె సంబంధిత వ్యాధులు వేగంగా పెరుగుతున్నాయి. ముఖ్యంగా చిన్న వయసులోనే హార్ట్ ఎటాక్ కేసులు ఎక్కువవుతుండటం ఆందోళన కలిగిస్తోంది. చాలా మంది ఛాతీలో తీవ్రమైన నొప్పి వచ్చినప్పుడు మాత్రమే గుండెపోటు అనుకుంటారు. కానీ వైద్యులు చెబుతున్నదేమిటంటే, గుండె సమస్యల మొదటి సంకేతాలు చాలాసార్లు సైలెంట్‌గా, తేలికగా కనిపిస్తాయి. ఢిల్లీలోని ఫోర్టిస్ హాస్పిటల్ కార్డియాలజిస్ట్ డాక్టర్ ప్రమోద్ కుమార్ ప్రకారం, గుండెపై ఒత్తిడి మొదలైనప్పుడు అలసట మొదటి హెచ్చరికగా కనిపిస్తుంది. ఎంత విశ్రాంతి తీసుకున్నా అలసటగా, బద్ధకంగా అనిపిస్తే అది గుండె బలహీనత సంకేతం కావచ్చు. గుండె బాడీకి సరిపడా రక్తం పంపించలేకపోతే అవయవాలకు ఆక్సిజన్ తక్కువగా అందుతుంది, దాంతో శరీరం అలసటగా మారుతుంది.

Samineni Ramarao : సీపీఎం నేత దారుణ హత్య

కొన్నిసార్లు తీవ్రమైన ఛాతీ నొప్పి లేకుండానే హార్ట్ ఎటాక్ వస్తుంది. దానినే వైద్యులు ‘సైలెంట్ హార్ట్ ఎటాక్’ అంటారు. స్వల్ప అలసట, వికారం, భుజం లేదా దవడ నొప్పి, ఛాతీలో మంట వంటి చిన్న లక్షణాలే ఈ సైలెంట్ ఎటాక్ సూచనలుగా ఉంటాయి. ఇవి సాధారణ సమస్యలుగా భావించి నిర్లక్ష్యం చేస్తే గుండెకు తీవ్ర నష్టం వాటిల్లుతుంది. ముఖ్యంగా మహిళల్లో ఈ రిస్క్ ఎక్కువగా ఉంటుంది. పురుషుల్లో సాధారణంగా ఛాతీ నొప్పి ప్రధాన లక్షణం కాగా, మహిళల్లో నడుం నొప్పి, అలసట, శ్వాసలో ఇబ్బంది వంటి లక్షణాలు కనిపిస్తాయి. మెనోపాజ్ అయిన తర్వాత మహిళల్లో లక్షణాలు స్పష్టంగా కనిపించకపోవడం వల్ల వారు ఆలస్యంగా డాక్టర్‌ను సంప్రదిస్తారు. ఈ ఆలస్యం ప్రాణాపాయానికి దారితీసే అవకాశం ఉంది.

Nirmala Sitharaman: కేంద్ర ఆర్థిక మంత్రి నిర్మలా సీతారామన్‌కు త‌ప్పిన ప్ర‌మాదం..!

గుండె ఆరోగ్యాన్ని కాపాడుకోవడానికి లైఫ్‌స్టైల్‌లో మార్పులు అనివార్యం. రోజువారీ వ్యాయామం, సరిగ్గా సమతుల్య ఆహారం తీసుకోవడం, ధూమపానం మానేయడం, మద్యపానాన్ని దూరం పెట్టడం అత్యవసరం. ఒత్తిడిని నియంత్రించడం, తగినంత నిద్ర, మానసిక ప్రశాంతత కూడా గుండెకు అవసరం. డయాబెటిస్, హై బీపీ వంటి వ్యాధులు ఉన్నవారు వాటిని క్రమం తప్పకుండా చెక్ చేయించుకోవాలి. శరీరంలో అలసట, శ్వాస ఇబ్బంది, కాళ్ల వాపు, ఇర్రెగ్యులర్ హార్ట్ బీట్ వంటి లక్షణాలు కనబడితే వెంటనే డాక్టర్‌ను సంప్రదించడం చాలా ముఖ్యం. ఈసీజీ, ఎకో టెస్టులు, రెగ్యులర్ చెకప్‌ల ద్వారా ముందస్తుగా సమస్యను గుర్తిస్తే గుండెపోటు వంటి ప్రాణాపాయ పరిస్థితులను నివారించవచ్చు. గుండె మన శరీరానికి ఇంధనం — దాన్ని సంరక్షించడం మన బాధ్యత.

Follow us