WTC Prize Money: డ‌బ్ల్యూటీసీ ఫైన‌ల్‌.. ఏయే జ‌ట్టుకు ఎంత ప్రైజ్‌మ‌నీ అంటే?

WTC Prize Money: దక్షిణాఫ్రికా ఆస్ట్రేలియాను ఓడించి మొదటిసారిగా వరల్డ్ టెస్ట్ ఛాంపియన్‌షిప్ (WTC) టైటిల్‌ను సొంతం చేసుకుంది. అయితే ఈసారి భారత జట్టు WTC ఫైనల్‌లో స్థానం సంపాదించలేకపోయింది. అయినప్పటికీ భారత్‌కు ప్రైజ్‌మ‌నీ ల‌భించింది. WTC 2023-2025 కోసం మొత్తం ప్రైజ్‌మ‌నీ (WTC Prize Money) 5.76 మిలియన్ అమెరికన్ డాలర్లుగా ఐసీసీ ప్ర‌క‌టించింది. ఈసారి టైటిల్ గెలుచుకున్న దక్షిణాఫ్రికా జట్టు 3.6 మిలియన్ డాలర్లు పొందింది. ఇక రన్నరప్‌గా నిలిచిన‌ ఆస్ట్రేలియా జట్టు 2.16 మిలియన్ డాలర్లు అందుకుంది.

భారత జట్టు ఈసారి వరల్డ్ టెస్ట్ ఛాంపియన్‌షిప్ పాయింట్స్ టేబుల్‌లో మూడవ స్థానంలో నిలిచింది. దీని కారణంగా టీమ్ ఇండియాకు 1.44 మిలియన్ డాలర్లు ల‌భించాయి. ఇది భారతీయ రూపాయల్లో సుమారు 12 కోట్ల రూపాయలు. అదే సమయంలో నాల్గవ స్థానంలో నిలిచిన న్యూజిలాండ్‌ 1.20 మిలియన్ డాలర్లు ద‌క్కించుకుంది. ఇంగ్లాండ్ జట్టు ICC వరల్డ్ టెస్ట్ ఛాంపియన్‌షిప్ 2023-2025లో ఐదవ స్థానాన్ని సొంతం చేసుకుంది. దీనితో ఆ జ‌ట్టుకు 9,60,000 డాలర్లు లభించాయి. ఆరవ స్థానంలో నిలిచిన శ్రీలంక జట్టుకు 8,40,000 అమెరికన్ డాలర్లు బహుమతిగా లభించాయి.

Also Read: Iran- Israel War: సామాన్యుల‌పై ధ‌ర‌ల భారం.. వీటి రేట్లు భారీగా పెరిగే ఛాన్స్‌!

ఏడవ స్థానంలో ఉన్న బంగ్లాదేశ్‌కు 7,20,000 డాలర్లు, ఎనిమిదవ స్థానంలో నిలిచిన వెస్టిండీస్ జట్టుకు 6 లక్షల డాలర్లు లభించాయి. ఇక పాకిస్తాన్ జట్టు తొమ్మిదవ స్థానంలో నిలిచి 4,80 అమెరి,000కన్ డాలర్లు పొందింది. WTC 2023-2025లో భారత్ 19 టెస్ట్ మ్యాచ్‌లు ఆడింది. వీటిలో తొమ్మిది గెలిచింది. అంతేకాకుండా, టీమ్ ఇండియా ఎనిమిది మ్యాచ్‌లలో ఓడిపోయింది. రెండు మ్యాచ్‌లు డ్రాగా ముగిశాయి.

దక్షిణాఫ్రికా 27 సంవత్సరాల తర్వాత టైటిల్ గెలుచుకుంది

ఆస్ట్రేలియా-దక్షిణాఫ్రికా మధ్య జరిగిన WTC ఫైనల్ మ్యాచ్ గురించి మాట్లాడితే.. ఆస్ట్రేలియా జట్టు తమ మొదటి ఇన్నింగ్స్‌లో కేవలం 212 పరుగులు చేసింది. దీనికి బ‌దులుగా దక్షిణాఫ్రికా జట్టు 138 పరుగులకే ఆలౌట్ అయింది. దీనితో ఆస్ట్రేలియాకు మొదటి ఇన్నింగ్స్ ఆధారంగా 74 పరుగుల ఆధిక్యం లభించింది. ఆస్ట్రేలియా తమ రెండవ ఇన్నింగ్స్‌లో 207 పరుగులు చేసింది. దీని తర్వాత దక్షిణాఫ్రికాకు విజయం కోసం 282 పరుగుల లక్ష్యం లభించింది. లార్డ్స్ మైదానంలో ఈ లక్ష్యం అంత సులభం కాదు. అయినప్పటికీ సౌతాఫ్రికా ఓపెన‌ర్‌ ఎడెన్ మార్క్‌రమ్ 136, కెప్టెన్ టెంబా బవుమా 66 పరుగుల ఇన్నింగ్స్ ఆఫ్రికాకు విజయాన్ని అందించడంలో కీలక పాత్ర పోషించాయి. మొదటి WTC టైటిల్‌ను న్యూజిలాండ్ సొంతం చేసుకుంది. రెండవ టైటిల్‌ను ఆస్ట్రేలియా గెలుచుకుంది. ఇక భారత్ ఈ రెండు సార్లూ రన్నరప్‌గా నిలిచింది.