Gujarat Titans: గుజరాత్ టైటాన్స్‌కు గట్టి ఎదురుదెబ్బ.. కీలక ఆటగాడు దూరం!

Glenn Phillips

Gujarat Titans: ఐపీఎల్ 2025లో అద్భుత ప్రదర్శన చేస్తున్న గుజరాత్ టైటాన్స్ (Gujarat Titans) జట్టుకు పెద్ద ఎదురుదెబ్బ తగిలింది. జట్టు స్టార్ ఆల్‌రౌండర్ గ్లెన్ ఫిలిప్స్ జట్టును వీడినట్లు తెలుస్తోంది. అతను హఠాత్తుగా జట్టును వీడడానికి ఖచ్చితమైన కారణం స్పష్టంగా తెలియరాలేదు. అయితే న్యూజిలాండ్‌కు చెందిన ఈ ఆల్‌రౌండర్‌కు గాయం అయినట్లు భావిస్తున్నారు. ఈ విషయంపై భారత క్రికెట్ నియంత్రణ మండలి (BCCI) త్వరలో అధికారిక ప్రకటన చేయవచ్చు.

ఫిలిప్స్ గాయంపై గుజరాత్ టైటాన్స్ ఒక ప్రకటన విడుదల చేసింది. అతను త్వరగా కోలుకోవాలని కోరుకుంటున్నట్లు తెలిపింది. జట్టు తమ ఎక్స్ ఖాతాలో ఇలా పేర్కొంది. “గుజరాత్ టైటాన్స్ గ్లెన్ ఫిలిప్స్ త్వరగా కోలుకోవాలని కోరుకుంటుంది.” అని రాసుకొచ్చింది.

చాంపియన్స్ ట్రోఫీలో ఫిలిప్స్ అద్భుత ప్రదర్శన

28 ఏళ్ల ఈ ఆల్‌రౌండర్ ఇటీవల జరిగిన చాంపియన్స్ ట్రోఫీలో న్యూజిలాండ్ తరఫున అద్భుతంగా రాణించిన ఆటగాళ్లలో ఒకడు. తన ఫిట్‌నెస్, అథ్లెటిక్ సామర్థ్యంతో పాకిస్తాన్, దుబాయ్‌లలో జరిగిన చాంపియన్స్ ట్రోఫీ సమయంలో కొన్ని అద్భుతమైన క్యాచ్‌లను అందుకున్నాడు. ఏప్రిల్ 6, 2025న సన్‌రైజర్స్ హైదరాబాద్‌తో జరిగిన మ్యాచ్‌లో ఫీల్డింగ్ చేస్తున్నప్పుడు అతనికి గాయం తగిలినట్లు తెలుస్తోంది.

Also Read: Passport Rule: పాస్‌పోర్ట్ విషయంలో భార్యాభర్తలకు కొత్త నియమం.. ఇకపై మ్యారేజ్ సర్టిఫికేట్ అవసరం లేదు!

ఈ సీజన్‌లో ఒక్క మ్యాచ్ కూడా ఆడని ఫిలిప్స్

ఈ సీజన్‌లో ఫిలిప్స్ టైటాన్స్ తరఫున ఒక్క మ్యాచ్‌లో కూడా ఆడలేదు. ఫ్రాంచైజీ అతని స్థానంలో ప్రత్యామ్నాయ ఆటగాడిని ఎంచుకుంటుందా లేదా అనేది ఇంకా స్పష్టంగా తెలియలేదు. శుభ్‌మన్ గిల్ నాయకత్వంలోని ఈ జట్టు శనివారం లక్నో సూపర్ జెయింట్స్‌తో మ్యాచ్ ఆడనుంది. ప్రస్తుతం జట్టు ఐదు మ్యాచ్‌లలో నాలుగు విజయాలతో పాయింట్స్ టేబుల్‌లో మొదటి స్థానంలో ఉంది.

గ్లెన్ ఫిలిప్స్ ఏప్రిల్ 6, 2025న సన్‌రైజర్స్ హైదరాబాద్‌తో జరిగిన మ్యాచ్‌లో సబ్‌స్టిట్యూట్ ఫీల్డర్‌గా వచ్చినప్పుడు గాయపడ్డాడు. అతను ఫీల్డింగ్ సమయంలో గాయానికి గురై మైదానం వీడవలసి వచ్చింది. గుజరాత్ టైటాన్స్ ఇంకా అధికారికంగా రీప్లేస్‌మెంట్ ఆటగాడిని ప్రకటించలేదు.

Follow us