Jasprit Bumrah: ఇంగ్లాండ్‌తో టెస్టు సిరీస్‌.. బుమ్రాపై బిగ్ అప్డేట్ ఇచ్చిన టీమిండియా!

Jasprit Bumrah

Jasprit Bumrah: భారత్- ఇంగ్లండ్ మధ్య టెస్ట్ సిరీస్ జూన్ 20 నుంచి ప్రారంభం కానుంది. ఈ సిరీస్ ముందు గురువారం భారత జట్టు ప్రధాన కోచ్ గౌతమ్ గంభీర్, కొత్త టెస్ట్ కెప్టెన్ శుభ్‌మన్ గిల్ ఒక పత్రికా సమావేశం నిర్వహించారు. ఈ సమావేశంలో వారు జస్ప్రీత్ బుమ్రా (Jasprit Bumrah) వర్క్‌లోడ్ మేనేజ్‌మెంట్ గురించి కూడా మాట్లాడారు. సిరీస్ ముందు జస్ప్రీత్ బుమ్రా ఇంగ్లండ్‌తో జరిగే 5 టెస్ట్ మ్యాచ్‌లను ఆడలేరనే ఊహాగానాలు బలంగా వినిపించాయి. ఈ ప్రశ్నపై గౌతమ్ గంభీర్ ఇచ్చిన సమాధానం మిమ్మల్ని ఆశ్చర్యపరుస్తుంది.

మొదట శుభ్‌మన్ గిల్‌ను జస్ప్రీత్ బుమ్రా వర్క్‌లోడ్ మేనేజ్‌మెంట్ గురించి అడిగారు. కెప్టెన్ గిల్ ఇలా అన్నాడు. మా వద్ద సిరీస్ కోసం సుమారు 10 మంది బౌలర్లు ఉన్నారు. జస్ప్రీత్ బుమ్రా జట్టు కోసం ఆడినప్పుడు అది చాలా గొప్ప విషయం. కానీ మా వద్ద బుమ్రా లేనప్పుడు అతని లోటును భర్తీ చేయగల బౌలర్లు ఉన్నారని పేర్కొన్నాడు.

Also Read: Kia Plant: కియా ప్లాంట్ నుంచి 1,008 ఇంజన్‌లు చోరీ.. వీటి విలువ ఎంతో తెలుసా?

గౌతమ్ గంభీర్ ఏమి చెప్పారు?

బుమ్రా ఇంగ్లండ్‌తో ఎన్ని టెస్ట్ మ్యాచ్‌లు ఆడతారనే ప్రశ్న అడిగినప్పుడు గౌతమ్ గంభీర్ ఇలా అన్నారు. జస్ప్రీత్ బుమ్రా ఏ టెస్ట్ మ్యాచ్‌లు ఆడతారనే విషయంపై మేము ఇంకా ఎలాంటి నిర్ణయం తీసుకోలేదు. ఇది మ్యాచ్‌ల ఫలితాలపై కూడా ఆధారపడి ఉంటుందని అన్నారు.

జస్ప్రీత్ బుమ్రా టెస్ట్ కెప్టెన్సీ కోసం అతని పేరు ముందుకు వచ్చినప్పటి నుంచి చర్చలో ఉన్నారు. వర్క్‌లోడ్ మేనేజ్‌మెంట్ కారణంగా అతను టెస్ట్ కెప్టెన్సీ రేసు నుంచి కూడా వైదొలిగారు. ఈ వర్క్‌లోడ్ మేనేజ్‌మెంట్ కారణంగానే అతను ఇంగ్లండ్‌తో జరిగే 3 లేదా 4 టెస్ట్ మ్యాచ్‌లలో మాత్రమే ఆడవచ్చని తెలుస్తోంది.

ఇంగ్లండ్ పర్యటనలో మహమ్మద్ షమీ లేనందున బుమ్రా ప్లేయింగ్ ఎలెవన్‌లో ఉండటం చాలా ముఖ్యం. అందువల్ల బుమ్రా ప్రాముఖ్యత ఎంతో ఎక్కువగా ఉంటుంది. బుమ్రా ఇప్పటి వరకు 45 టెస్ట్ మ్యాచ్‌లలో 205 వికెట్లు తీశారు. టెస్ట్ క్రికెట్ చరిత్రలో అత్యంత వేగంగా 200 వికెట్లు పూర్తి చేసిన వేగవంతమైన బౌలర్లలో అతను ఒకరు.

Follow us