Tim Paine Retirement: క్రికెట్‌కు గుడ్‌బై చెప్పిన ఆస్ట్రేలియా మాజీ కెప్టెన్‌

Resizeimagesize (1280 X 720) (4)

క్వీన్స్‌లాండ్‌తో జరిగిన టాస్మానియా షెఫీల్డ్ షీల్డ్ మ్యాచ్ తర్వాత ఆస్ట్రేలియా మాజీ కెప్టెన్ టిమ్ పైన్ (Tim Paine) అంతర్జాతీయ క్రికెట్ కు రిటైర్మెంట్ (Retirement) ప్రకటించాడు. వికెట్ కీపర్ పైన్ 2018 నుండి 2021 వరకు 23 టెస్టు మ్యాచ్‌లకు ఆస్ట్రేలియాకు కెప్టెన్‌గా వ్యవహరించాడు. అతను మొత్తం 35 టెస్టు మ్యాచ్‌లు ఆడాడు. బాల్ ట్యాంపరింగ్ కుంభకోణంలో స్మిత్‌ను కెప్టెన్సీ నుంచి తప్పించడంతో 2018లో అతనికి ఆ బాధ్యతలు అప్పగించారు. 2021లో టాస్మానియా సిబ్బందికి అసభ్యకరమైన సందేశాలు పంపినట్లు ఆరోపణలు రావడంతో పైన్ కెప్టెన్సీని వదులుకోవాల్సి వచ్చింది.

పైన్ 2010లో లార్డ్స్‌లో పాకిస్థాన్‌తో తొలి టెస్టు ఆడాడు. అతను 35 టెస్టుల్లో 32.63 సగటుతో 1534 పరుగులు చేశాడు. అతని అత్యుత్తమ స్కోరు 92. వికెట్ వెనుక 157 మందిని అవుట్ చేశాడు. ఇది కాకుండా అతను ఆస్ట్రేలియా తరపున 35 ODIలు, 12 T20 ఇంటర్నేషనల్స్ కూడా ఆడాడు. గత సంవత్సరం ప్రారంభంలో క్రికెట్ ఆస్ట్రేలియా పురుష ఆటగాళ్ల కోసం కొత్త సెంట్రల్ కాంట్రాక్ట్‌ల నుండి టిమ్ పైన్‌తో సహా పలువురు ఆటగాళ్లను తొలగించింది. వీరిలో పైన్ కాకుండా ఆల్ రౌండర్ మోయిసెస్ హెన్రిక్స్, బ్యాట్స్‌మెన్ బెన్ మెక్‌డెర్మాట్ వంటి ఆటగాళ్లు ఉన్నారు.

Also Read: India vs Ireland: ఐర్లాండ్ టూర్ కు వెళ్లనున్న టీమిండియా.. మూడు మ్యాచ్‌ల టీ20 సిరీస్‌ ఆడనున్న భారత్..!

సెక్స్ స్కాండల్‌లో ప్రమేయం ఉన్నందున టిమ్ పైన్ పేరు తొలగించబడింది. సెక్స్ స్కాండల్‌లో పేరు పొందిన తర్వాత పైన్ కెప్టెన్సీకి రాజీనామా చేశాడు. క్రికెట్ నుండి నిరవధిక విరామం తీసుకున్నాడు. ఇప్పుడు పూర్తిగా రిటైరయ్యాడు. షఫీల్డ్ షీల్డ్ సిరీస్‌లో టాస్మానియాకు ప్రాతినిధ్యం వహిస్తున్న 38 ఏళ్ల పైన్ హోబర్ట్‌లో జరిగిన మ్యాచ్ డ్రా గా ముగిసింది. అనంతరం పైన్ తన రిటైర్మెంట్ నిర్ణయాన్ని ప్రకటించాడు. హోబర్ట్‌లో జన్మించిన పైన్ 2005 నుంచి అంటే 18 ఏళ్లుగా టాస్మానియాకు ప్రాతినిధ్యం వహిస్తున్నాడు.

Follow us