Dwayne Bravo: టీ20 క్రికెట్‌కు రిటైర్మెంట్ ప్ర‌క‌టించిన డ్వేన్ బ్రావో..!
బ్రావో అంతర్జాతీయ టీ20 కెరీర్ చాలా అద్భుతంగా సాగింది. 578 మ్యాచ్‌ల్లో 630 వికెట్లు తీశాడు. టీ20 కెరీర్‌లో అత్యధిక వికెట్లు తీసిన టాప్ బౌలర్‌గా నిలిచాడు.
- By Gopichand Published Date - 11:56 PM, Sat - 31 August 24
Dwayne Bravo: వెస్టిండీస్ ఆల్‌రౌండర్ డ్వేన్ బ్రావో (Dwayne Bravo) శనివారం టీ-20 క్రికెట్‌కు రిటైర్మెంట్ ప్రకటించాడు. బ్రావో వయసు 40 ఏళ్లు. ఇన్‌స్టాగ్రామ్‌లో ఒక కథనాన్ని పంచుకోవడం ద్వారా అతను తన రిటైర్మెంట్‌ను ప్రకటించాడు. బ్రావో CPLని ట్యాగ్ చేసి.. ది లాస్ట్ సాంగ్ అని రాశాడు. మీ ప్రేమ, మద్దతుకు ధన్యవాదాలు అని కూడా తెలిపాడు. కరేబియన్ ప్రీమియర్ లీగ్ (CPL) 2024 సీజన్ తన చివరి టోర్నమెంట్ అని బ్రావో చెప్పాడు.
CSKకి 4 టైటిల్స్ అందించ‌డంలో కీల‌క పాత్ర
బ్రావో IPLలో చెన్నై సూపర్ కింగ్స్ (CSK)లో భాగంగా ఉన్నాడు. అతను ఫ్రాంచైజీతో నాలుగు టైటిల్స్ గెలుచుకున్నాడు. అంతకుముందు బ్రావో 2023 సీజన్‌కు ముందు IPL నుండి రిటైర్ అయ్యాడు. కాగా 2021లో యూఏఈలో జరిగిన టీ20 ప్రపంచకప్ తర్వాత అంతర్జాతీయ క్రికెట్‌కు రిటైర్మెంట్ ప్రకటించాడు. అతను 2024 T20 ప్రపంచ కప్‌లో ఆఫ్ఘనిస్తాన్‌కు బౌలింగ్ సలహాదారుగా ఉన్నాడు. ఈసారి అఫ్గాన్‌ జట్టు సెమీఫైనల్‌కు చేరుకుంది. బ్రావో కూడా వెస్టిండీస్‌కు రెండు ప్రపంచకప్ టైటిల్స్ అందించాడు.
Also Read: Paralympics 2024: రుబీనాకు కాంస్యం.. భారత్‌ ఖాతాలో మరో పతకం
ట్రిన్‌బాగో నైట్ రైడర్స్ తరఫున బ్రావో ఆడనున్నాడు
డ్వేన్ బ్రావో CPL 2024లో ట్రిన్‌బాగో నైట్ రైడర్స్ జట్టులో భాగం. ఆ జట్టు తొలి మ్యాచ్ ఆదివారం సెయింట్ కిట్స్ అండ్ నెవిస్ పేట్రియాట్స్‌తో జరగనుంది. విశేషమేమిటంటే.. అతను సీపీఎల్‌లో రెండు జట్లకు ఆడాడు. అందులో ఒకటి సెయింట్ కిట్స్ అండ్ నెవిస్ పేట్రియాట్స్. ఇప్పుడు రిటైర్‌మెంట్‌కు ముందు అతని ఆటను అభిమానులు చూడగలరు. అతని CPL కెరీర్ గురించి మాట్లాడుకుంటే.. బ్రావో 103 మ్యాచ్‌లలో 74 ఇన్నింగ్స్‌లలో 1155 పరుగులు చేశాడు. బౌలింగ్‌లో 94 ఇన్నింగ్స్‌లలో 128 వికెట్లు తీశాడు. CSKతో పాటు అతను IPLలో గుజరాత్ లయన్స్, ముంబై ఇండియన్స్ తరపున కూడా ఆడాడు.
అంతర్జాతీయ కెరీర్
బ్రావో అంతర్జాతీయ టీ20 కెరీర్ చాలా అద్భుతంగా సాగింది. 578 మ్యాచ్‌ల్లో 630 వికెట్లు తీశాడు. టీ20 కెరీర్‌లో అత్యధిక వికెట్లు తీసిన టాప్ బౌలర్‌గా నిలిచాడు. అతను బ్యాటింగ్‌తో 6,970 పరుగులు కూడా చేశాడు. ట్రినిడాడ్‌లోని శాంటా క్రూజ్‌లో జన్మించిన బ్రావో 2004లో ఇంగ్లండ్‌తో జరిగిన టెస్టులో అంతర్జాతీయ అరంగేట్రం చేశాడు. అతను 2010లో తన చివరి టెస్టు, 2014లో చివరి ODI, 2021లో చివరి T20 ఇంటర్నేషనల్ ఆడాడు.
We’re now on WhatsApp. Click to Join.
