Delhi Capitals: ఢిల్లీ క్యాపిటల్స్ కెప్టెన్‌గా టీమిండియా స్టార్ ఆల్ రౌండర్?
అక్షర్ కెప్టెన్సీ రికార్డును పరిశీలిస్తే.. అతను ఇప్పటి వరకు ఐపీఎల్‌లో కెప్టెన్సీ చేయలేదు. అయినప్పటికీ అతను చాలా సీజన్లలో ఢిల్లీ క్యాపిటల్స్‌కు కీలక ఆటగాడిగా ఉన్నాడు.
- By Gopichand Published Date - 01:21 PM, Tue - 11 March 25
Delhi Capitals: ఛాంపియన్స్ ట్రోఫీ ముగిసిన తర్వాత అభిమానులు ఇప్పుడు మార్చి 22 నుండి ప్రారంభమయ్యే IPL 2025 కోసం ఎదురుచూస్తున్నారు. ఇప్పటి వరకు ఈ లీగ్‌కు పది జట్లకు తొమ్మిది జట్లు తమ కెప్టెన్‌లను ప్రకటించాయి. ఇప్పటి వరకు ఢిల్లీ క్యాపిటల్స్ (Delhi Capitals) మాత్రమే కెప్టెన్‌గా ప్రకటించలేదు. అయితే ఇప్పుడు బయటకు వస్తున్న అప్ డేట్స్ ప్రకారం కెప్టెన్ గా టీమిండియా స్టార్ ఆల్ రౌండర్ అక్షర్ పటేల్ పేరు ముందంజలో ఉంది.
కేఎల్ రాహుల్ కెప్టెన్సీని నిరాకరించాడు
‘IANS’లోని ఒక నివేదిక ప్రకారం.. కెప్టెన్ కోసం ఫ్రాంచైజీ KL రాహుల్ పేరును కూడా ప‌రిగ‌ణ‌న‌లోకి తీసుకుంది. అయితే అతను తన బ్యాటింగ్‌పై పూర్తిగా దృష్టి పెట్టాలని నిర్ణయించుకున్నాడు. దీనిపై ఇంకా ఎలాంటి అధికారిక ప్రకటన రాలేదు. కానీ త్వరలోనే ఇది జరగనుందని సమాచారం. ఐపీఎల్ 2025కి ఢిల్లీ క్యాపిటల్స్ కెప్టెన్‌గా అక్షర్ పటేల్‌ను నియమించే అవకాశం ఉంది. జట్టు కెఎల్ రాహుల్‌ను కెప్టెన్‌గా చేయమని కోరింది. అయితే అతను రాబోయే టోర్నమెంట్‌లో ఆటగాడిగా సహకారం అందించాలనుకుంటున్నాడు.
Also Read: WPL 2025 Final: మహిళల ప్రీమియర్ లీగ్ ఫైనల్ మ్యాచ్ ఎప్పుడు, ఎక్కడ జరుగుతుంది?
అక్షర్ పటేల్ IPL కెప్టెన్సీ రికార్డు
అక్షర్ కెప్టెన్సీ రికార్డును పరిశీలిస్తే.. అతను ఇప్పటి వరకు ఐపీఎల్‌లో కెప్టెన్సీ చేయలేదు. అయినప్పటికీ అతను చాలా సీజన్లలో ఢిల్లీ క్యాపిటల్స్‌కు కీలక ఆటగాడిగా ఉన్నాడు. అక్కడ అతను తన ఆల్ రౌండ్ సామర్థ్యాన్ని ప్రదర్శించాడు.
IPL 2025 కోసం ఢిల్లీ క్యాపిటల్స్ జట్టు: KL రాహుల్, హ్యారీ బ్రూక్, జేక్ ఫ్రేజర్ మెక్‌గుర్క్, కరుణ్ నాయర్, ఫాఫ్ డు ప్లెసిస్, డోనోవన్ ఫెరీరా, అక్షర్ పటేల్, సమీర్ రిజ్వీ, అశుతోష్ శర్మ, దర్శన్ నల్కండే, విప్రజ్ నిగమ్, మిచెల్ స్టార్క్, టి నటరాజన్, కుల్దీప్ యాదవ్, మోహిత్ శర్మ, దుష్మంత చమీరా.
