JP Nadda’s rally: జేపీ నడ్డా ‘శాంతియాత్ర’కు అనుమతి నిరాకరణ

తెలంగాణ రాష్ట్ర అధ్యక్షుడు బండి సంజయ్‌ అరెస్టును నిరసిస్తూ బీజేపీ జాతీయ అధ్యక్షుడు జేపీ నడ్డా ఆధ్వర్యంలో ఎల్‌బీ స్టేడియం నుంచి లిబర్టీ క్రాస్‌ రోడ్స్‌ వరకు తలపెట్టిన ‘శాంతి యాత్ర’కు తెలంగాణ పోలీసులు అనుమతి నిరాకరించారు. ఈ మధ్యాహ్నం నడ్డా హైదరాబాద్‌కు చేరుకోనున్నారు. ఘట్‌కేసర్‌ సమీపంలోని అన్నోజిగూడలో జరిగే సభలో ఆయన పాల్గొంటారు. సమావేశం అనంతరం లిబర్టీ నుంచి ఎల్బీ స్టేడియం వరకు క్యాండిల్ లైట్ ర్యాలీ నిర్వహించాలని జేపీ నడ్డా ప్లాన్ చేశారు.

రాష్ట్రంలో కోవిడ్‌-19 పరిస్థితుల దృష్ట్యా ర్యాలీలు, సమావేశాలకు ఎలాంటి అనుమతులు ఇవ్వబోమని డీసీపీ దీప్తి చందన తెలిపారు. బీజేపీ ఎమ్మెల్యే రఘునందన్‌రావు హైదరాబాద్‌కు వెళ్తుండగా పోలీసులు అదుపులోకి తీసుకున్నారు. అయితే అనుమతి ఉన్నా లేకున్నా ర్యాలీ చేపడతామని బీజేపీ నేతలు తెలిపారు. టీఆర్‌ఎస్ కార్యక్రమాలకు పోలీసులు అనుమతి ఇస్తున్నారని, అయితే సభలు, ర్యాలీలు నిర్వహించకుండా ప్రతిపక్షాలను అడ్డుకుంటున్నారని ఆరోపించారు. ప్రభుత్వం, పోలీసుల నిరంకుశ వైఖరిని ఖండించారు. మరోవైపు కరీంనగర్‌ జిల్లా కోర్టులో సంజయ్‌ బెయిల్‌ పిటిషన్‌ దాఖలు చేశారు