RCB vs GT : ఐపీఎల్ 2026 ఫైనల్ : ఆర్‌సీబీ బౌలర్ల ధాటికి కుప్పకూలిన గుజరాత్ బ్యాట్స్‌మ‌న్స్‌

IPL 2026

అహ్మదాబాద్ న‌రేంద్ర మోదీ స్టేడియంలో జరుగుతున్న ఐపీఎల్ 2026 ఫైనల్‌లో గుజరాత్ టైటాన్స్ నిర్ణీత 20 ఓవర్లలో 8 వికెట్ల నష్టానికి 155 పరుగులు చేసింది. దీంతో రాయల్ ఛాలెంజర్స్ బెంగళూరుకు 156 పరుగుల విజయలక్ష్యాన్ని నిర్దేశించింది. టాస్ ఓడి ముందుగా బ్యాటింగ్‌కు దిగిన గుజరాత్‌కు ఆదిలోనే ఎదురుదెబ్బలు తగిలాయి. ఓపెనర్లు సాయి సుదర్శన్, శుభ్‌మన్ గిల్ నిరాశపరచగా, ఆ తర్వాత వచ్చిన బ్యాటర్లు కూడా పెద్దగా రాణించలేకపోయారు. ఈ క్లిష్ట పరిస్థితుల్లో వాషింగ్టన్ సుందర్ ఒంటరి పోరాటం చేశాడు. అద్భుత అర్ధశతకంతో జట్టును గౌరవప్రదమైన స్కోరుకు చేర్చాడు. చివరి వరకు క్రీజులో నిలిచిన సుందర్ 50 పరుగులతో నాటౌట్‌గా నిలిచాడు.

గుజ‌రాత్ టైటాన్స్ టీమ్ స్కోర్ వివ‌రాలు .. సాయి సుదర్శన్ – 12, శుభ్‌మన్ గిల్ – 10, నిశాంత్ సింధు – 20, జోస్ , బట్లర్ – 19, అర్షద్ ఖాన్ – 15, రాహుల్ తెవాటియా – 7, జాసన్ హోల్డర్ – 7, రషీద్ ఖాన్ – 7, వాషింగ్టన్ సుందర్ – 50* (నాటౌట్), కగిసో రబాడా – 3* (నాటౌట్) గా రాణించారు. ఇటు రాయల్ ఛాలెంజర్స్ బెంగళూరు బౌలర్లు కట్టుదిట్టమైన బౌలింగ్‌తో గుజరాత్‌ను తక్కువ స్కోరుకే పరిమితం చేశారు. రసిక్ సలామ్ దార్ – 3 వికెట్లు, జోష్ హేజిల్‌వుడ్ – 2 వికెట్లు, భువనేశ్వర్ కుమార్ – 2 వికెట్లు, కృనాల్ పాండ్య – 1 వికెట్ తీసి గుజ‌రాత్‌ని క‌ట్టడి చేశారు. ఫైనల్ మ్యాచ్‌లో 156 పరుగుల లక్ష్యం పెద్దది కాకపోయినా, ఫైనల్ ఒత్తిడి కారణంగా ఈ లక్ష్య ఛేదన ఆసక్తికరంగా మారింది. విరాట్ కోహ్లీ, ఫిల్ సాల్ట్, రజత్ పాటిదార్ వంటి స్టార్ బ్యాటర్లతో ఆర్‌సీబీ టైటిల్ దిశగా అడుగులు వేయనుంది.

Follow us