Tamil Nadu Train Accident: తమిళనాడు శివారులో ఘోర రైలు ప్రమాదం.. గూడ్స్ రైలును ఢీకొట్టిన ఎక్స్ప్రెస్
సమాచారం మేరకు రైలు మైసూరు నుంచి పెరంబూర్ మీదుగా బీహార్లోని దర్భంగాకు వెళ్తోంది. ఇంతలో తిరువళ్లూరు సమీపంలోని కవరప్పెట్టై రైల్వే స్టేషన్లో నిలబడి ఉన్న గూడ్స్ రైలును రైలు ఢీకొట్టింది.
- Author : Gopichand
Date : 11-10-2024 - 11:06 IST
Published By : Hashtagu Telugu Desk
Tamil Nadu Train Accident: తమిళనాడులో శుక్రవారం రాత్రి రైలు ప్రమాదం జరిగింది. బీహార్ వెళ్తున్న బాగ్మతి ఎక్స్ప్రెస్ గూడ్స్ రైలును (Tamil Nadu Train Accident) ఢీకొట్టింది. ఆ తర్వాత రైలులోని ఆరు కోచ్లు పట్టాలు తప్పాయి. ఢీకొనడం వల్ల రైలులోని కొన్ని కోచ్లు మంటల్లో చిక్కుకున్నాయి. ఈ ప్రమాదంలో కొంతమంది ప్రయాణికులు గాయపడే అవకాశం ఉందని రైళ్లలోని ప్రయాణికులు ఆందోళన వ్యక్తం చేస్తున్నారు.
సమాచారం మేరకు రైలు మైసూరు నుంచి పెరంబూర్ మీదుగా బీహార్లోని దర్భంగాకు వెళ్తోంది. ఇంతలో తిరువళ్లూరు సమీపంలోని కవరప్పెట్టై రైల్వే స్టేషన్లో నిలబడి ఉన్న గూడ్స్ రైలును రైలు ఢీకొట్టింది. ప్రమాద సమాచారం అందిన వెంటనే రైల్వే అధికారులు ప్రమాద స్థలానికి చేరుకున్నారు. ప్రమాదం తర్వాత సహాయక చర్యలు కూడా ప్రారంభమయ్యాయి. ప్రమాద స్థలానికి అంబులెన్స్లు, ఎన్డిఆర్ఎఫ్ బృందాలను కూడా పంపించారు.
Also Read: Divvala Madhuri : దివ్వెల మాధురిపై పోలీసులు కేసు.. ఎందుకంటే..!
తమిళనాడులో రైలు ప్రమాదం.. ఆగి ఉన్న గూడ్స్ రైలును 100 KM వేగంతో ఢీకొట్టిన భాగమతి సూపర్ ఫాస్ట్ ఎక్స్ప్రెస్ https://t.co/LMf0ffQlLO pic.twitter.com/Dw6QRdWKPV
— Telugu Scribe (@TeluguScribe) October 11, 2024
రైలు ప్రమాదంపై దక్షిణ రైల్వే మరిన్ని వివరాలను తెలియజేస్తూ..మైసూర్ నుండి దర్భంగా వెళ్తున్న రైలు నంబర్ 12578 (MYS-DBG) ఆరు కోచ్లు రాత్రి 20.30 గంటల సమయంలో గూడ్స్ రైలును ఢీకొనడంతో పట్టాలు తప్పాయి. ఎలాంటి ప్రాణనష్టం జరిగినట్లు సమాచారం లేదు. కొంతమందికి గాయాలయ్యాయి. చెన్నై సెంట్రల్ నుంచి మెడికల్ రిలీఫ్ వ్యాన్లు, రెస్క్యూ టీంలు బయలుదేరాయి.
అంతకుముందు బీహార్లోని కతిహార్లో గురువారం రాత్రి రైలు ప్రమాదం జరిగింది. న్యూ జల్పాయిగురి నుంచి కతిహార్ వెళ్తున్న గూడ్స్ రైలులోని ఒక బోగీ సుధాని-బరసోయ్ స్టేషన్ మధ్య పట్టాలు తప్పింది. ఈ క్రమంలో ఒక లైన్లో గంటల తరబడి రైళ్ల రాకపోకలు నిలిచిపోయాయి.
భారీగా ప్రాణ నష్టం?
తమిళనాడులోని చెన్నై శివారులో రైలు ప్రమాదం చోటుచేసుకుంది. తిరువళ్లూరు సమీపంలోని కావరిపెట్టై వద్ద ఆగి ఉన్న గూడ్సు రైలును ఎక్స్ప్రెస్ రైలు ఢీకొట్టింది. ఈ ఘటనలో రెండు బోగీల నుంచి మంటలు వచ్చిన విషయం తెలిసిందే. నాలుగు ఏసీ బోగీలు పట్టాలు తప్పాయి. ఈ ప్రమాదంలో ఎక్స్ప్రెస్ 110 కిలోమీటర్ల వేగంతో గూడ్స్ ట్రైన్ని ఢీకొట్టింది. భారీగా ప్రాణ నష్టం జరిగినట్లు సమాచారం. పూర్తి వివరాలు తెలియాల్సి ఉంది.
Follow us
