Suicide Blast: ఇస్లామాబాద్లో ఆత్మాహుతి దాడి.. పోలీస్ మృతి
ఇస్లామాబాద్లోని 1-10/4 సెక్టార్లో శుక్రవారం జరిగిన ఆత్మాహుతి పేలుడు (Blast)లో ఒక పోలీసు మరణించాడు. నలుగురు పోలీసు అధికారులు, ఇద్దరు పౌరులతో సహా కనీసం ఆరుగురు గాయపడ్డారు. సంఘటనా స్థలంలో పెద్ద సంఖ్యలో పోలీసు సిబ్బంది ఉన్న వాహనం మండుతున్న శిధిలాల ఫోటోలు సోషల్ మీడియాలో వైరల్ అవుతున్నాయి.
- Author : Gopichand
Date : 23-12-2022 - 2:10 IST
Published By : Hashtagu Telugu Desk
ఇస్లామాబాద్లోని 1-10/4 సెక్టార్లో శుక్రవారం జరిగిన ఆత్మాహుతి పేలుడు (Blast)లో ఒక పోలీసు మరణించాడు. నలుగురు పోలీసు అధికారులు, ఇద్దరు పౌరులతో సహా కనీసం ఆరుగురు గాయపడ్డారు. సంఘటనా స్థలంలో పెద్ద సంఖ్యలో పోలీసు సిబ్బంది.. వాహనం మండుతున్న శిధిలాల ఫోటోలు సోషల్ మీడియాలో వైరల్ అవుతున్నాయి. సంఘటన జరిగినప్పుడు పోలీసు అధికారులు స్నాప్ చెకింగ్ నిర్వహిస్తున్నారని ఇస్లామాబాద్ పోలీసులు ట్విట్టర్లో తెలిపారు.
పాకిస్థాన్లోని ఇస్లామాబాద్లో ఆత్మాహుతి దాడి జరిగింది. ఈ ఘటనలో ఒక పోలీస్ ప్రాణాలు కోల్పోగా.. ఆరుగురు తీవ్రంగా గాయపడ్డారు. వాహనాల తనిఖీ చేస్తుండగా ఓ కార్ పోలీసులకు అనుమానాస్పదంగా కనిపించింది. వెంటనే ఆ కారును ఆపి చెక్ చేసేందుకు ప్రయత్నించారు. ఇంతలో అందులోని డ్రైవర్ ఆత్మాహుతి దాడికి పాల్పడ్డాడు. గాయపడ్డ ఆరుగురిలో నలుగురు పోలీసులు కాగా.. ఇద్దరు సాధారణ పౌరులున్నారు. “మేం చెకింగ్ చేస్తున్న సమయంలో ఈ కారు అనుమానాస్పదంగా కనిపించింది. ఆఫీసర్స్ ఆ కారును ఆపిన మరుక్షణమే డ్రైవర్ ఆత్మాహుతి దాడికి పాల్పడ్డాడు. ఓ పోలీస్ మృతి చెందాడు” అని ఇస్లామాబాద్ పోలీస్ ట్విటర్ హ్యాండిల్లో పోస్ట్ చేశారు
Follow us
