Bomb Threat : మరోసారి తిరుపతిలో బాంబు బెదిరింపులు.. 9 హోటల్స్లో తనిఖీలు
Bomb Threat : గత కొన్ని రోజులుగా ఈ బాంబు బెదిరింపులు పోలీసులకు పెద్ద తలనొప్పిగా మారాయి. ఇప్పటికే పలు సందర్భాల్లో బాంబు బెదిరింపు ఇమెయిల్స్ అందుకున్న పోలీసులు, విస్తృతంగా తనిఖీలు జరుపుతున్నారు. అయితే, ఎక్కడా పేలుడు పదార్థాలు లభించకపోవడంతో వారికి కొంత ఊపిరి లభించినట్లు తెలుస్తోంది.
- Author : Kavya Krishna
Date : 30-10-2024 - 10:45 IST
Published By : Hashtagu Telugu Desk
Bomb Threat : ప్రఖ్యాత పర్యాటక పుణ్యక్షేత్రం తిరుపతిలో, ఇటీవల జరిగిన బాంబు బెదిరింపులు ప్రజలలో, అలాగే అధికారులు, పోలీసులలో తీవ్ర ఆందోళనను కలిగిస్తున్నాయి. గత కొన్ని రోజులుగా ఈ బాంబు బెదిరింపులు పోలీసులకు పెద్ద తలనొప్పిగా మారాయి. ఇప్పటికే పలు సందర్భాల్లో బాంబు బెదిరింపు ఇమెయిల్స్ అందుకున్న పోలీసులు, విస్తృతంగా తనిఖీలు జరుపుతున్నారు. అయితే, ఎక్కడా పేలుడు పదార్థాలు లభించకపోవడంతో వారికి కొంత ఊపిరి లభించినట్లు తెలుస్తోంది.
Military Theatre Commands : మన దేశానికి మూడు మిలిటరీ థియేటర్ కమాండ్లు.. ఎలా పనిచేస్తాయి ?
తాజాగా, తిరుపతిలోని తొమ్మిది హోటల్స్కు బాంబు బెదిరింపులు రావడం అందరికీ తీవ్ర కలతను కలిగించింది. మంగళవారం రాత్రి 9.30 గంటల డి అర్థరాత్రి వరకూ ఈ హోటల్స్కు బెదిరింపు ఇమెయిల్స్ వచ్చాయి. ఈసారి, భయమేసిన దాడులు చేసినట్లు కాకుండా, గ్యాస్, వాటర్ పైపులైన్లు , మరుగునీటి పైపులలో పేలుడు పదార్థాలు ఉంచినట్లు మెయిల్స్ వచ్చాయి. తిరుపతిలోని కొన్ని ప్రముఖ హోటల్స్, వీటిలో తాజ్, బ్లిస్, మినర్వా, చక్రి, పాయ్, వైశ్రాయ్, రీనెస్టు, గోల్డెన్ దులిఫ్, రమీ గెస్ట్లో లైన్ తదితర హోటల్స్ ఈ బెదిరింపులకు గురయ్యాయి.
ఈ సమాచారం అందుకోగానే, డీఎస్పీ వెంకట నారాయణ పర్యవేక్షణలో పోలీసులు, డాగ్, బాంబ్ స్క్వాడ్ బృందాలతో కలిసి హోటల్స్లో విస్తృతంగా తనిఖీలు నిర్వహించారు. అయితే, ఎక్కడా పేలుడు పదార్థాలు దొరకకపోవడంతో వారు కొంత నిశ్చింతగా ఉన్నారు. ఈ ఫేక్ బెదిరింపులు పోలీసు యంత్రాంగానికి మరింత ఒత్తిడిని కలిగిస్తున్నాయి. ఈ బెదిరింపు ఇమెయిల్స్ ఎవరు పంపుతున్నారు, అవి ఎక్కడి నుంచి వస్తున్నాయో అన్న విషయంపై పోలీసులు సీరియస్గా దర్యాప్తు జరుపుతున్నారు. ఇటువంటి పరిస్థితులు ప్రజలలో భయాన్ని కలిగించడంతో పాటు, పర్యాటకులపై కూడా ప్రతికూల ప్రభావం చూపుతున్నాయి. ఈ నేపథ్యంలో, అధికారులు ప్రజలకు మోసగాళ్ల ఇమెయిల్స్పై జాగ్రత్తగా ఉండాలని సూచిస్తున్నారు , భద్రతా చర్యలను మరింత కట్టుదిట్టం చేయాలని యత్నిస్తున్నారు.
Follow us
