Elon Musk Wealth: ఎలాన్ మస్క్ సంపదలో భారీ క్షీణత.. ఒక్కరోజే 18.4 బిలియన్ డాలర్ల సంపద ఆవిరి..!

Your Tweets Vs Musk Plan

Elon Musk Wealth: ప్రపంచంలోని అత్యంత సంపన్న వ్యక్తి ఎలాన్ మస్క్ సంపద (Elon Musk Wealth)లో భారీ క్షీణత కనిపిస్తుంది. ప్రపంచంలోని రెండవ అత్యంత సంపన్న వ్యక్తి, ఎలాన్ మస్క్ మధ్య సంపదలో వ్యత్యాసం గణనీయంగా తగ్గింది. గురువారం ఒక్కరోజే ఎలాన్ మస్క్ సంపద 20.3 బిలియన్ డాలర్ల మేర పడిపోయింది. తర్వాత కొంత కోలుకుంది. ఫోర్బ్స్ రియల్ టైమ్ బిలియనీర్ జాబితా ప్రకారం.. ఎలాన్ మస్క్ సంపద గురువారం నాడు 18.4 బిలియన్ డాలర్లు లేదా 7.16 శాతం పడిపోయింది. ఈ పెద్ద పతనం తర్వాత టెస్లా CEO మొత్తం ఆస్తులు $ 238.4 బిలియన్లకు చేరింది.

అదే సమయంలో ప్రపంచంలోని రెండవ అత్యంత సంపన్న వ్యక్తి అయిన బెర్నార్డ్ ఆర్నాల్ట్ సంపద $ 952 మిలియన్లు పెరిగింది. అతని మొత్తం సంపద $ 235.2 బిలియన్లకు చేరుకుంది. అంటే ఇప్పుడు ఎలాన్ మస్క్, బెర్నార్డ్ ఆర్నాల్ట్ సంపద మధ్య వ్యత్యాసం కేవలం 3.2 బిలియన్ డాలర్లు మాత్రమే ఉంది.

ఎలాన్ మస్క్ ఆస్తి ఎందుకు పడిపోయింది..?

ఎలాన్ మస్క్ కంపెనీ టెస్లా ఇంక్. హెచ్చరిక తర్వాత కూడా టెస్లా షేర్లు దాని ఎలక్ట్రిక్ వాహనాల ధరలను తగ్గించే అవకాశం కారణంగా పెద్ద పతనాన్ని చవిచూశాయి. దీని కారణంగా గురువారం ఎలోన్ మస్క్ సంపద $ 18.4 బిలియన్లు తగ్గింది. దీని కారణంగా మస్క్, బెర్నార్డ్ ఆర్నాల్ట్ సంపదలో వ్యత్యాసం తగ్గింది. బ్లూమ్‌బెర్గ్ బిలియనీర్ ఇండెక్స్ ప్రకారం.. మస్క్ నికర విలువ ఇప్పటికీ ఆర్నాల్ట్ కంటే చాలా ఎక్కువ.

జూన్‌లో ప్రపంచంలోనే అత్యంత సంపన్నుడిగా నిలిచారు

చాలా కాలంగా ఫ్యాషన్ కంపెనీ LVMH చైర్మన్ బెర్నార్డ్ ఆర్నాల్ట్ ప్రపంచంలోని అత్యంత ధనవంతుడి కుర్చీపై ఉన్నారు. కానీ జూన్‌లో ఎలాన్ మస్క్ సంపద పెరిగి ఆర్నాల్ట్ సంపద క్షీణించినప్పుడు మస్క్ ప్రపంచంలోనే అత్యంత ధనవంతుడయ్యాడు. ఈ సంవత్సరం ఇప్పటివరకు మస్క్ తన సంపదకు $118 బిలియన్లను జోడించారు. అదే సమయంలో బెర్నార్డ్ ఆర్నాల్ట్ ఈ సంవత్సరం $ 40.7 బిలియన్లను సంపాదించాడు.

Also Read: 22 Species In ICU : వేగంగా అంతరించిపోతున్న 22 జంతువులు, పక్షులు, జలచరాలివే

ఈ బిలియనీర్ల సంపద కూడా పడిపోయింది

మస్క్ మాత్రమే కాదు గురువారం మరికొందరు బిలియనీర్ల సంపదలో క్షీణత కనిపించింది. అమెజాన్ ఇంక్‌కి చెందిన జెఫ్ బెజోస్, ఒరాకిల్ కార్పొరేషన్‌కు చెందిన లారీ ఎల్లిసన్, మైక్రోసాఫ్ట్ కార్పొరేషన్ మాజీ సిఇఒ స్టీవ్ బాల్మెర్, మెటా ప్లాట్‌ఫారమ్‌ల మార్క్ జుకర్‌బర్గ్, ఆల్ఫాబెట్ ఇంక్ లారీ పేజ్, సెర్గీ బ్రిన్‌ల నికర విలువ కూడా క్షీణించింది.

ముఖేష్ అంబానీ, గౌతమ్ అదానీల నికర విలువ

ముఖేష్ అంబానీ సంపద గురువారం నాడు 7.6 బిలియన్ డాలర్లు క్షీణించింది. దీని కారణంగా అతని మొత్తం ఆస్తులు $ 93.6 బిలియన్లకు చేరింది. అతను ప్రపంచంలోని 13వ అత్యంత సంపన్న వ్యక్తి. గౌతమ్ అదానీ ప్రపంచంలోని 24వ అత్యంత సంపన్న వ్యక్తి. అతని మొత్తం ఆస్తులు $ 51.9 బిలియన్లు.

Follow us