Earthqauke: మయన్మార్లో మరోసారి భూకంపం.. పరుగులు తీసిన జనం!
భారత కాలమానం ప్రకారం ఉదయం 6:30 గంటల ప్రాంతంలో ప్రజలు నిద్రలో ఉన్న సమయంలో భూకంపం సంభవించింది. భూకంప కేంద్రం భూమికింద 70 కిలోమీటర్ల లోతులో ఉన్నట్లు గుర్తించారు.
- Author : Gopichand
Date : 14-12-2024 - 9:58 IST
Published By : Hashtagu Telugu Desk
Earthqauke: భూ ప్రకంపనలతో మరోసారి భూమి కంపించింది. ఈరోజు ఉదయం మయన్మార్లో బలమైన భూకంపం (Earthqauke) సంభవించింది. దీని తీవ్రత రిక్టర్ స్కేలుపై 4.2గా నమోదైంది. భారత కాలమానం ప్రకారం ఉదయం 6:30 గంటల ప్రాంతంలో ప్రజలు నిద్రలో ఉన్న సమయంలో భూకంపం సంభవించింది. భూకంప కేంద్రం భూమికింద 70 కిలోమీటర్ల లోతులో ఉన్నట్లు గుర్తించారు. భూకంపం కారణంగా ఎలాంటి ప్రాణ, ఆస్తి నష్టం జరిగినట్లు సమాచారం లేకపోయినా ప్రజల్లో భయాందోళన వాతావరణం నెలకొంది. అక్టోబర్ నెలలో కూడా 5.3 తీవ్రతతో సంభవించిన భూకంపం మయన్మార్లో భయాందోళనలకు గురి చేసింది. ఈ ఏడాది ఇప్పటి వరకు మయన్మార్లో ప్రతి నెలా భూకంపాలు వస్తూనే ఉన్నాయి. అందువల్ల ప్రజలు అప్రమత్తంగా ఉండాలని ఆ దేశ భూకంప కేంద్రం ఇప్పటికే హెచ్చరించింది.
Also Read: Four Type Schools : ఏపీలో ఇక నాలుగు రకాల ప్రభుత్వ స్కూల్స్.. జరగబోయే మార్పులివీ
ఢిల్లీలో తీవ్రమైన చలిగాలులు
దేశ రాజధాని ప్రస్తుతం తీవ్రమైన చలిగాలుల్లో చిక్కుకుంది. గత 5 రోజులుగా శీతల గాలులు ఉష్ణోగ్రతలు పడిపోయాయి. సీజన్లో అత్యంత శీతలమైన రోజు డిసెంబర్ 12వ తేదీ గురువారం నమోదైంది. ఆ రోజు కనిష్ట ఉష్ణోగ్రత 4.5 డిగ్రీలు. గత 5 రోజులుగా 4 నుంచి 7 డిగ్రీల మధ్య ఉష్ణోగ్రతలు నమోదవుతున్నాయి. నిన్న 9 డిగ్రీల కనిష్ట ఉష్ణోగ్రత నమోదు చేయడం ద్వారా చలి తీవ్రత తగ్గింది. అయితే చలిగాలుల కారణంగా ఢిల్లీలోని వివిధ ప్రాంతాల్లో ప్రతిరోజూ గరిష్ట ఉష్ణోగ్రత మైనస్ 2 డిగ్రీలు తగ్గుతోంది.
భారత వాతావరణ విభాగం (IMD) ప్రకారం.. పర్వతాల నుండి వీచే మంచు గాలుల కారణంగా ఢిల్లీ-NCRలో పొడి మంచు ఉంది. డిసెంబర్ 20 వరకు పరిస్థితి ఇలాగే ఉంటుంది. ఉదయం, సాయంత్రం దట్టమైన పొగమంచు వ్యాపించవచ్చు.
ఈరోజు 14 డిసెంబర్ 2024న ఢిల్లీలో గరిష్ట ఉష్ణోగ్రత 19.15 డిగ్రీల సెల్సియస్. ఈ రోజు కనిష్ట, గరిష్ట ఉష్ణోగ్రతలు 7.05 డిగ్రీల సెల్సియస్, 23.29 డిగ్రీల సెల్సియస్గా ఉండే అవకాశం ఉంది. గాలిలో 15% తేమ ఉంది. గాలి వేగం గంటకు 15 కి.మీ. సూర్యుడు ఉదయం 7:05కి ఉదయించి సాయంత్రం 5:25కి అస్తమిస్తాడు. శుక్రవారం గరిష్ట ఉష్ణోగ్రత 22.8 డిగ్రీలు, కనిష్ట ఉష్ణోగ్రత 9 డిగ్రీలుగా నమోదైంది.
Follow us
