ఊడిపోయిన జుట్టును అమ్ముతున్నారా? తస్మాత్ జాగ్రత్త!

Selling Hair

Selling Hair: మన వీధుల్లో సైకిళ్లపై తిరుగుతూ, ఊడిపోయిన జుట్టును తీసుకుని దానికి బదులుగా పాత్రలు లేదా జీలకర్ర ఇచ్చే వారిని మనం తరచుగా చూస్తుంటాం. ఒకవేళ మీ ఇంట్లో ఎవరైనా ఇలా జుట్టును దాచి అమ్ముతుంటే వెంటనే వారిని హెచ్చరించండి. దీని వెనుక ఉన్న జ్యోతిష్య, ఆరోగ్య, ధార్మిక కారణాలు ఇవే.

జ్యోతిష్య శాస్త్రం ప్రకారం

జ్యోతిష్య శాస్త్రం ప్రకారం జుట్టును అమ్మడం చాలా అశుభం. ఒక వ్యక్తి ఆభా శక్తి వారి జుట్టులో ఉంటుంది. దీని ద్వారా వశీకరణ వంటి ప్రక్రియలు చేసే అవకాశం ఉంది. వేద జ్యోతిష్యం ప్రకారం.. జుట్టు చంద్రుడు, శుక్రుడితో సంబంధం కలిగి ఉంటుంది. జుట్టును అమ్మడం వల్ల ఈ రెండు గ్రహాల స్థితి బలహీనపడి, అదృష్టం తగ్గిపోవడమే కాకుండా జీవితంలో అనేక సమస్యలు ఎదురవుతాయి.

Also Read: సచిన్ వరల్డ్ రికార్డుపై కన్నేసిన విరాట్ కోహ్లీ.. మరో 3 సెంచరీలు చేస్తే చరిత్రే!

తాంత్రిక భయాలు

చాలా సందర్భాలలో తాంత్రికులు తమ శక్తులను పెంచుకోవడానికి లేదా క్షుద్ర పూజల (తాంత్రిక సిద్ధుల) కోసం ఈ జుట్టును ఉపయోగిస్తారని నమ్ముతారు. దీనివల్ల ఆ వ్యక్తిపై ప్రతికూల ప్రభావం పడే అవకాశం ఉంది.

ధార్మిక పండితుల అభిప్రాయాలు

ధార్మిక పండితుల ప్ర‌కారం.. జుట్టును అమ్మే మహిళలు ఆలోచించాలి. వీటిని కొనేవారు తాంత్రిక క్రియల కోసం ఉపయోగించవచ్చు. దీనివల్ల నయం కాని అనారోగ్య సమస్యలు, మానసిక, శారీరక ఒత్తిడికి గురయ్యే ప్రమాదం ఉంది. హిందూ సంప్రదాయాల ప్రకారం జుట్టును అమ్మి డబ్బు సంపాదించడం నిషిద్ధం. హిందూ ధర్మమే కాదు, ఇస్లాం ధర్మంలో కూడా జుట్టును అమ్మడం ‘హరామ్’ (నిషిద్ధం) గా పరిగణించబడుతుంది. ఒకవేళ తెలియక ఇప్పటికే జుట్టును అమ్మి డబ్బు సంపాదించి ఉంటే, ఆ డబ్బును లెక్కించి దానికి సమానమైన మొత్తాన్ని పేదలకు దానం చేయాలని ఆయన సూచించారు. జుట్టు అమ్మడం వల్ల మంత్రతంత్రాలకు చిక్కుకునే అవకాశం ఉందని, అది జీవితాన్నే నాశనం చేస్తుందని హెచ్చరిస్తున్నారు.

Follow us