భారతదేశంలో వేగంగా విస్తరిస్తున్న క్యాన్సర్ రకాలు.. వైద్యులు చెబుతున్న షాకింగ్ నిజాలు!

Saree Cancer

Cancers: క్యాన్సర్ ఒక భయంకరమైన వ్యాధి. దీనివల్ల ప్రతి ఏటా ప్రపంచవ్యాప్తంగా లక్షలాది మంది ప్రాణాలు కోల్పోతున్నారు. గత కొన్ని ఏళ్లుగా భారతదేశంలో కూడా ఈ వ్యాధి వ్యాప్తి గణనీయంగా పెరిగింది. సమాచారం ప్రకారం.. క్యాన్సర్ కేవలం 5 లేదా 10 రకాలు మాత్రమే కాదు.. 200 కంటే ఎక్కువ రకాలు ఉన్నాయి. ఈ వ్యాధి ఎంత ప్రమాదకరమంటే దీని ప్రారంభ లక్షణాలు స్పష్టంగా కనిపించవు. లక్షణాలు బయటపడే సమయానికి పరిస్థితి చేజారిపోతుంది. అందుకే భారతదేశంలో ఏయే క్యాన్సర్లు వేగంగా విస్తరిస్తున్నాయి? ఎందుకు? అనే విషయాలు తెలుసుకోవడం చాలా ముఖ్యం.

ఏ క్యాన్సర్ అత్యధికంగా వ్యాపిస్తోంది?

భారతదేశంలో ప్రస్తుతం వేగంగా విస్తరిస్తున్న 5 ప్రధాన క్యాన్సర్ల గురించి, వాటి వెనుక ఉన్న కారణాలను ఇప్పుడు తెలుసుకుందాం.

బ్రెస్ట్ క్యాన్సర్

ప్రస్తుతం భారతదేశంలో బ్రెస్ట్ క్యాన్సర్ మొదటి స్థానంలో ఉంది. కొన్ని ఏళ్ల క్రితం వరకు మహిళల్లో సర్వైకల్ క్యాన్సర్ (గర్భాశయ ముఖద్వార క్యాన్సర్) ఎక్కువగా ఉండేది. కానీ ఇప్పుడు ఆ స్థానాన్ని బ్రెస్ట్ క్యాన్సర్ ఆక్రమించింది. షాకింగ్ విషయం ఏంటంటే ఇది మహిళలతో పాటు పురుషులలో కూడా వేగంగా పెరుగుతోంది.

Also Read: ఇంగ్లాండ్ అద్భుత విజయం.. సెమీఫైనల్‌కు హ్యారీ బ్రూక్ సేన, పాకిస్థాన్‌కు చుక్కెదురు!

నోటి క్యాన్సర్ (Oral Cancer)

రెండో స్థానంలో నోటి క్యాన్సర్ ఉంది. ఇది ప్రధానంగా ధూమపానం, గుట్కా, పాన్, పొగాకు ఉత్పత్తులను సేవించడం వల్ల వస్తుంది.

సర్వైకల్ క్యాన్సర్ (Cervical Cancer)

ఇది ప్రధానంగా ‘హ్యూమన్ పాపిల్లోమా వైరస్’ (HPV) సంక్రమణ వల్ల వస్తుంది. అసురక్షిత శృంగారం, క్రమం తప్పకుండా వైద్య పరీక్షలు చేయించుకోకపోవడం వల్ల దీని ముప్పు పెరుగుతుంది.

ఊపిరితిత్తుల క్యాన్సర్ (Lungs Cancer)

ధూమపానం, పొగాకు సేవనం, వాయు కాలుష్యం, విషపూరిత రసాయనాల మధ్య ఎక్కువ కాలం గడపడం వల్ల ఈ క్యాన్సర్ బారిన పడుతున్నారు.

కోలన్ క్యాన్సర్ (Colon Cancer)

వేగంగా విస్తరిస్తున్న క్యాన్సర్లలో ఇది ఐదో స్థానంలో ఉంది. ఇది పెద్ద పేగు చివరి భాగంలో వస్తుంది.

ఈ విషయాలను గుర్తుంచుకోండి

పైన పేర్కొన్న అన్ని క్యాన్సర్ల నుండి ప్రాణాలను కాపాడుకోవాలంటే క్రమం తప్పకుండా హెల్త్ చెకప్ చేయించుకోవడం ఒక్కటే మార్గం. శరీరంలో కనిపించే చిన్నపాటి మార్పులను కూడా నిర్లక్ష్యం చేయకుండా వెంటనే డాక్టరును సంప్రదించాలి. చాలా మంది చిన్న చిన్న సమస్యలే కదా అని వదిలేస్తారు. అది చివరికి క్యాన్సర్‌గా మారుతుంది. సకాలంలో గుర్తిస్తే చికిత్స సాధ్యమవుతుంది. కానీ ఆలస్యమైతే ప్రాణాలకే ప్రమాదం.

Follow us