‎Pregnancy Diet: తల్లి బిడ్డ ఆరోగ్యంగా ఉండాలంటే.. ప్రెగ్నెన్సీ టైంలో వీటిని తప్పకుండా తినాల్సిందే!

Pregnancy Diet

Pregnancy Diet: స్త్రీల గర్భవతిగా ఉన్నప్పుడు తప్పకుండా కొన్ని రకాల విషయాలను పాటించాలని చెబుతూ ఉంటారు. ముఖ్యంగా తీసుకునే ఆహారం విషయంలో తప్పకుండా జాగ్రత్త అవసరం అని చెబుతున్నారు. అలాగే ప్రెగ్నెన్సీ టైంలో ఇవి తినకూడదు, అవి తినకూడదని పెద్దలు ఎన్నో ఆంక్షలు విధిస్తుంటారు. కానీ ఈ సమయంలో కడుపులో ఉన్న బిడ్డా, తల్లీ ఆరోగ్యంగా ఉండాలంటే మాత్రం కొన్ని కూరగాయల్ని ఖచ్చితంగా తినాలట. ప్రెగ్నెన్సీ సమయంలో మంచి పోషకాహారాన్ని తినడం చాలా అవసరమని, ఎందుకంటే పోషకాలతోనే కడుపులో బిడ్డ ఆరోగ్యంగా పెరుగుతుందని చెబుతున్నారు. అందుకే గర్భిణులు రోజూ తినే ఆహారం విషయంలో ప్రత్యేక శ్రద్ధ తీసుకోవాలని ఇది గర్భిణీ స్త్రీ ఆరోగ్యానికి ఎంతో మేలు చేస్తుందని చెబుతున్నారు.
‎
‎ఆకుపచ్చని కూరగాయలు ఆరోగ్యానికి ఎంతో మేలు చేస్తాయట. ముఖ్యంగా గర్భిణులకు చాలా మంచిదని చెబుతున్నారు. కూరగాయల్లో విటమిన్ ఎ, విటమిన్ సి, విటమిన్ కె, విటమిన్ ఇ, కాల్షియం, ఫైబర్, ఫోలెట్ వంటి ఖనిజాలు పుష్కలంగా ఉంటాయి. ఇవి తల్లీ, బిడ్డ ఇద్దరినీ ఆరోగ్యంగా ఉంచడానికి సహాయపడతాయట. ముఖ్యంగా ఈ పోషకాలు పుట్టుకతో వచ్చే లోపాలను నివారించడానికి సహాయపడతాయని చెబుతున్నారు. చిలగడదుంపలను ప్రెగ్నెన్సీ సమయంలో ఖచ్చితంగా తినాలని ఆరోగ్య నిపుణులు చెబుతున్నారు. దీనిలో విటమిన్ ఎ, విటమిన్ బి, విటమిన్ సి వంటి పోషకాలు మెండుగా ఉంటాయట. ఇవి తల్లికి అవసరమైన శక్తిని అందిస్తాయట.
‎
‎అలాగే కడుపులో బిడ్డ ఆరోగ్యంగా ఎదగడానికి కూడా సహాయపడతాయని చెబుతున్నారు. ఈ చిలగడదుంపలో ఉండే ఫోలెట్ శిశువు మెదడు అభివృద్ధికి సహాయపడుతుందట. అలాగే పుట్టుకతో వచ్చే లోపాలను నివారించేందుకు తోడ్పడుతుందని దీనిలో ఉండే బీటా కెరోటిన్ శరీరంలో విటమిన్ ఎ గా మారి శిశువు కళ్లను ఆరోగ్యంగా ఉంచుతుందని చెబుతున్నారు. బీట్‌రూట్‌లో కూడా పోషకాలు మెండుగా ఉంటాయి. దీనిలో ఉండే విటమిన్లు, ఫైబర్ లు రోగనిరోధక శక్తిని పెంచడానికి సహాయపడతాయట. బీట్ రూట్ లో ఐరన్ ఎక్కువగా ఉంటుంది. ఇది హిమోగ్లోబిన్ ను పెంచుతుందట. అలాగే అనిమియా వచ్చే ప్రమాదాన్ని తగ్గిస్తుందని, దీనిలో ఉండే ఫోలెట్ శిశువు మెడదు, స్పైనల్ కార్డ్ అభివృద్ధికి సహాయపడుతుందని చెబుతున్నారు.
‎అంతేకాదు దీనిలో ఉండే నైట్రేట్ గర్భిణులకు హైబీపీని తగ్గిస్తుందట.
‎
‎బీట్ రూట్ ను తింటే రక్తం శుద్ధి అవుతుందట. ట్యాక్సిన్స్ బయటకు పోతాయని, దీనిలో ఉండే ఫైబర్ కంటెంట్ గర్భిణులకు మలబద్దకం సమస్య నుంచి బయటపడేస్తుందని చెప్తున్నారు. క్యాప్సికం కూడా గర్భిణుల ఆరోగ్యానికి చాలా మంచిదట. దీనిలో ఉండే ఫైబర్ కంటెంట్ జీర్ణవ్యవస్థను సక్రమంగా పనిచేయడానికి సహాయపడుతుందట. ఇది మలబద్దకం సమస్యను తగ్గించడానికి కూడా సహాయపడుతుందని, దీనిలో ఉండే విటమిన్ విటమిన్ సి రోగనిరోధక శక్తిని పెంచడానికి సహాయపడుతుందని చెబుతున్నారు. ‎అలాగే శరీరంలో ఐరన్ శోషణకు సహాయపడుతుందట. అలాగే ఫోలెట్ శిశువు మెదడు, నరాల వ్యవస్థ అభివృద్ధికి సహాయపడుతుందట. ఈ కూరగాయలో ఉండే ఐరన్, పొటాషియం, కాల్షియం ఎముకల్ని బలంగా ఉంచడానికి శిశువు ఎదుగుదలకు తోడ్పడుతాయని, రక్తహీనత సమస్య కూడా తగ్గితుందని చెబుతున్నారు. అలాగే బ్రోకలీ కూడా గర్భిణులకు చాలా మంచిదట. దీనిలో విటమిన్ సి, విటమిన్ కె, ఫోలెట్ వంటి ఎన్నో రకాల పోషకాలు మెండుగా ఉంటాయని ఇవి తల్లీ, బిడ్డను ఆరోగ్యంగా ఉంచేందుకు సహాయపడతాయని ఆరోగ్య నిపుణులు చెబుతున్నారు.

Follow us