Curd Side Effects: పెరుగు మితిమీరి తింటే.. ఈ సైడ్ ఎఫెక్ట్స్ వస్తాయ్ జాగ్రత్త..!

మీకు కూడా పెరుగు (Curd) అంటే చాలా ఇష్టమా? అలా అని దాన్ని అతిగా తినొద్దు. రోజూ ఒక కప్పు కంటే ఎక్కువ పెరుగును తినడం వల్ల కలిగే కొన్ని సైడ్ ఎఫెక్ట్స్ గురించి ఈ రోజు మనం తెలుసుకోబోతున్నాం. వాటి గురించి తెలుసుకొని అలర్ట్ అవుదాం..!

■ తినడానికి బెస్ట్ టైం మధ్యాహ్నం

పెరుగు తినడానికి ఉత్తమ సమయం మధ్యాహ్నం.  పెరుగులో ఏదైనా కలిపి తినడానికి బదులుగా, సాదాగా తినడానికి ప్రయత్నించండి.  పెరుగు తినడం వల్ల శరీరానికి మేలు జరుగుతుంది. ఇందులో విటమిన్ బి6, రైబోఫ్లావిన్, ప్రొటీన్, కాల్షియం, విటమిన్ B-2, విటమిన్ B12, పొటాషియం, మెగ్నీషియం వంటి అనేక పోషకాలు పుష్కలంగా ఉంటాయి.కానీ పెరుగును అధికంగా తినడం ఆరోగ్యానికి హానికరం. ఆ సమస్యల గురించి వివరంగా తెలుసుకుందాం.

■ మలబద్ధకం

మీ జీర్ణవ్యవస్థ బలహీనంగా ఉంటే.. ప్రతిరోజూ పెరుగు తినకూడదని అంటారు. జీర్ణవ్యవస్థ సరిగ్గా పని చేయని పరిస్థితుల్లో పెరుగు అతిగా తింటే మలబద్ధకం సమస్య వస్తుంది. ప్రతిరోజూ ఒక కప్పు కంటే ఎక్కువ పెరుగును తీసుకున్నా మలబద్ధకం ప్రాబ్లమ్ చుట్టుముడుతుంది.

■ కడుపు ఉబ్బరం

పెరుగులో లాక్టోస్ ఉంటుంది. లాక్టోస్ అలర్జీ ఉన్నవాళ్లు పెరుగును తింటే కొన్ని హెల్త్ ప్రాబ్లమ్స్ వస్తాయి. లాక్టోస్ అనేది ఒక రకమైన మిల్క్ షుగర్. ఇది మన శరీరంలో ఉండే లాక్టేజ్ ఎంజైమ్ సహాయంతో జీర్ణమవుతుంది.  శరీరంలో లాక్టేజ్ ఎంజైమ్ లోపం ఉన్నప్పుడు లాక్టోస్ సులభంగా జీర్ణం కాదు. ఫలితంగా శరీరంలో ఉబ్బరం, గ్యాస్ సమస్య పెరగడం కూడా ప్రారంభమవుతుంది.

■ బరువు పెరుగుతుంది

పెరుగులో కొవ్వు మోతాదు ఎక్కువ. అందుకే అధికంగా తీసుకోవడం వల్ల మీ బరువు కూడా పెరుగుతుంది. మీరు బయటి నుంచి పెరుగు కొనుగోలు చేస్తుంటే.. కొవ్వు, కేలరీలు ఉన్న పెరుగుకు బదులుగా ప్రోటీన్ ఉన్న పెరుగును కొనండి. ఇది చాలా బెస్ట్.

■ మోకాళ్ల నొప్పి

పెరుగులో అధిక మోతాదులో సంతృప్త కొవ్వు, అధునాతన గ్లైకేషన్ ఉంటాయి. దీని కారణంగా మన ఎముకల సాంద్రత తగ్గడం ప్రారంభమవుతుంది. దీని కారణంగా మోకాలి నొప్పి సమస్య కూడా పెరుగుతుంది. అటువంటి పరిస్థితిలో ఆర్థరైటిస్ ఉన్న రోగులు పెరుగు వినియోగాన్ని తగ్గించాలి. ఇది వారి మోకాలి
నొప్పిని మరింత పెంచుతుంది.

■ పెరుగు గురించి ఆయుర్వేదం ఏం చెబుతోంది..?

★ చలికాలంలో పెరుగు తినకూడదని ఆయుర్వేదంలో చెప్పబడింది.
★ పెరుగు చలువ చేసే పదార్థం.
★ వాతావరణం చల్లగా ఉండే టైంలో పెరుగు తింటే దగ్గు లేదా జలుబును ఎదుర్కోవలసి ఉంటుంది.
★ పెరుగు కఫ దోషాన్ని పెంచుతుంది. ఫలితంగా ఉబ్బసం, సైనస్ రద్దీ, శ్వాసకోశ సమస్యలతో బాధపడేవారికి ఇబ్బంది కలిగిస్తుంది.  శరీరంలో మంటను కూడా ప్రేరేపిస్తుంది.