Coconut Oil: కొబ్బరి నూనెని ఇలా కూడా వాడోచ్చు..
కొబ్బరి నూనె అందరికీ అందుబాటులో ఉంటుంది. ఈ కొబ్బరినూనెలో ఎన్నో ప్రత్యేక గుణాలు ఉంటాయి.
- By Maheswara Rao Nadella Published Date - 07:13 PM, Thu - 1 December 22
డీప్ కండీషన్:
గోరువెచ్చని కొబ్బరినూనెని షాంపూ చేసే ముందు రాసి మసాజ్ చేయడం మంచిది. ఇది మీ జుట్టు పొడి బారడం, చివర్లు చిట్లడం, ఎండవల్ల కలిగే ఇబ్బందులని దూరం చేస్తుంది.
బాడీ మాయిశ్చరైజర్:
కొబ్బరినూనె స్కిన్ హైడ్రేట్, మాయిశ్చర్గా ఉంచేందుకు వాడొచ్చు. దీని వాడడం వల్ల చర్మం పొడిబారే సమస్య తగ్గుతుంది. అయితే కొంతమంది దీనిని ముఖానికి వాడతారు. ఇది రికమండెడ్ కాదని చెబుతున్నారు నిపుణులు. కొంతమంది చర్మతత్వానికి ఇది పడకపోవచ్చు.
మేకప్ రిమూవర్:
కొబ్బరినూనెని మేకప్ తీసేయడానికి వాడొచ్చు. ఇందులోని ఇంప్యూరిటీస్ మేకప్ పార్టికల్స్ని చర్మం నుంచి తీసేస్తాయి. అదే విధంగా చర్మంపై ఓ లేయర్ని ఏర్పరుస్తాయి.
జుట్టు పొడిబారడం:
చాలా మంది జుట్టు పొడిబారి నిర్జీవంగా మారుతుంది. అలాంటి సమస్యకి కొబ్బరి నూనె చక్కని పరిష్కారం చూపుతుంది. 3 నుంచి 5 టేబుల్ స్పూన్ల కొబ్బరినూనెలో 15 నుంచి 20 చుక్కల రోజ్మేరీ ఆయిల్ వేయాలి. దీనిని బాగా మిక్స్ చేసి స్కాల్ప్, హెయిర్ రూట్స్కి బాగా అప్లై చేసి మసాజ్ చేయండి. షవర్ క్యాప్ పెట్టుకోండి. ఓ గంట తర్వాత మైల్డ్ షాంపూ చేయండి. ఇది జుట్టుని పట్టుకుచ్చులా మారుస్తుందని డా గితిక మిట్టల్ గుప్తా, ఆస్తేటిక్ ఫిజిషియన్, ఎమ్డి ఇసాక్ లుక్సె చెబుతున్నారు.
ఫ్రిజినెస్ దూరం:
కొన్ని సార్లు జుట్టు ఫ్రీజీగా మారుతుంది. చూడ్డానికి అస్సలు బాగోదు. అలాంటి టైమ్లో కొద్దిగా కొబ్బరి నూనెని అరచేతుల్లో వేసి బాగా రబ్ చేసి ఫ్రిజీగా ఉన్న జుట్టుకి మసాజ్ చేస్తే బలంగా మారతాయి.
బాడీ స్క్రబ్:
కొబ్బరినూనెని బాడీ స్క్రబ్లా కూడా వాడొచ్చు. ఇందుకోసం మీ స్క్రబ్లో కొద్దిగా కొబ్బరినూనెని చేర్చి బాగా కలిపి స్క్రబ్ చేయండి. దీంతో స్క్రబ్ వల్ల వచ్చే ఇరిటేషన్ వంటి సమస్యలు ఉండవు.
చుండ్రు దూరం:
కొబ్బరిలో యాంటీ ఇన్ఫ్లమేటరీ గుణాలు ఉంటాయి. ఇవి జుట్టులోని చుండ్రుని దూరం చేసేందుకు సాయపడతాయి.
షేవింగ్కి ముందు, తర్వాత:
చాలా మంది షేవింగ్ చేస్తుంటారు. అప్పుడు ముందు తర్వాత కొద్దిగా కొబ్బరి నూనె తీసుకుని అప్లై చేయడం వల్ల చర్మం హైడ్రేటెడ్గా ఉంటుంది. అయితే ముందు రాసేటప్పుడు మరీ ఎక్కువగా రాయకూడదు. చర్మం జారి ప్రమాదం జరిగే అవకాశం ఉందని గుర్తుపెట్టుకోండి.
లిప్ స్క్రబ్:
చాలా మంది పెదాలు పగిలి నిర్జీవంగా కనిపిస్తాయి. అలాంటప్పుడు కొబ్బరినూనెని స్క్రబ్లా పెదాలపై రాయొచ్చు. దీని వల్ల మీ పెదాలు సాఫ్ట్గా తేనెలూరినట్లుగా ఉంటాయి. దీనిని రెగ్యులర్గా రాస్తుంటే లిప్బామ్ కూడా అవసరం లేదు.
Related News
Green Banana: అరటిపండు, అరటికాయ ఈ రెండింటిలో ఆరోగ్యానికి ఏది మంచిదో తెలుసా?
అరటిపండు వల్ల ఎన్నో రకాల ప్రయోజనాలు ఉన్నాయి అన్న విషయం మనందరికీ తెలిసిందే. ఈ అరటి పండ్లు మనకు ఏడాది పొడవునా లభిస్తూ ఉంటాయి. చిన్న పిల్లల నుంచి పెద్దవారి వరకు ప్రతి ఒక్కరు కూడా అరటి పండుని ఇష్టంగా తింటూ ఉంటారు. అయితే అరటిపండు, పచ్చి అరటికాయ ఈ రెండిటిలో ఆరోగ్యానికి ఏది మంచిది అన్న విషయం మనలో చాలామందికి తెలియదు. ఈ విషయం పై ఒక్కొక్కరు ఒక్కో అభిప్రాయం చెబుతూ ఉంటారు. మరి ఈ […]