Brij Bhushan Singh: బ్రిజ్ భూషణ్ శరణ్ సింగ్‌కు స‌మాజ్‌వాది పార్టీ టికెట్ ఇస్తుందా..? క్లారిటీ వ‌చ్చేసింది..!
భారతీయ జనతా పార్టీ (BJP) లోక్‌సభ ఎన్నికలకు 195 మంది అభ్యర్థుల పేర్లను తొలి జాబితాలో ప్రకటించింది. కైసర్గంజ్ ఎంపీ బ్రిజ్భూషణ్ శరణ్ సింగ్ (Brij Bhushan Singh) పేరును బీజేపీ తొలి జాబితాలో చేర్చలేదు.
- By Gopichand Published Date - 11:45 AM, Tue - 12 March 24
Brij Bhushan Singh: భారతీయ జనతా పార్టీ (BJP) లోక్‌సభ ఎన్నికలకు 195 మంది అభ్యర్థుల పేర్లను తొలి జాబితాలో ప్రకటించింది. ఇప్పుడు రెండో జాబితా విడుదల చేసేందుకు పార్టీ సిద్ధమైంది. తొలి జాబితాలో ఉత్తరప్రదేశ్‌ నుంచి 51 మంది అభ్యర్థుల పేర్లను బీజేపీ ప్రకటించింది. ఆ పార్టీ చాలా మంది అనుభవజ్ఞుల పేర్లను జాబితాలో చేర్చింది. అదే సమయంలో పలువురు సిట్టింగ్ ఎంపీల టిక్కెట్లకు కూడా కత్తెర పడింది.
కైసర్గంజ్ ఎంపీ బ్రిజ్భూషణ్ శరణ్ సింగ్ (Brij Bhushan Singh) పేరును బీజేపీ తొలి జాబితాలో చేర్చలేదు. కాగా.. ఎస్పీ నుంచి బ్రిజ్ భూషణ్ సింగ్‌కు టిక్కెట్‌ దక్కుతుందన్న చర్చలపై ఎస్పీ అధినేత అఖిలేష్ యాదవ్ భార్య డింపుల్‌ స్పందన వెలుగులోకి వచ్చింది. సమాజ్‌వాదీ పార్టీ టిక్కెట్‌పై బ్రిజ్ భూషణ్ శరణ్ పోటీ చేస్తారన్న ప్రశ్నకు అందులో వాస్తవం లేదని ఆమె అన్నారు.
టికెట్ ఇచ్చే విషయమై అఖిలేష్ స్పందించారు
అంతకుముందు మీడియా అడిగిన ప్రశ్నకు అఖిలేష్ యాదవ్ సమాధానమిస్తూ.. బీజేపీ ఎంపీలు తనతో కాంటాక్ట్‌లో లేరని, అయితే మీరు (మీడియా) చెబితే తప్పకుండా టికెట్ ఇస్తామని చెప్పారు. అలాంటి పరిస్థితి వస్తే జర్నలిస్టు మాటలను అంగీకరిస్తామ‌న్నారు.
కైసర్గంజ్ నుంచి అభ్యర్థిని ప్రకటించలేదు
బీజేపీ తొలి జాబితాలో బ్రిజ్భూషణ్ శరణ్‌సింగ్‌ పేరు లేకపోయినా.. కైసర్గంజ్ లోక్‌సభ స్థానం నుంచి ఎవరినీ అభ్యర్థిగా నిలబెట్టలేదు. మూలాధారాలను విశ్వసిస్తే.. అతని టికెట్ బిజెపి క‌ట్ చేసింద‌ని స‌మాచారం. అయితే బ్రిజ్ భూషణ్ స్థానంలో పార్టీ అతని భార్య కేతకీ దేవి లేదా కుమారుడు ప్రతీక్ భూషణ్ సింగ్‌ను కైసర్గంజ్ నుండి పోటీకి దింపవచ్చు.
We’re now on WhatsApp : Click to Join
మహిళా రెజ్లర్లు ఆరోపణలు చేశారు
బీజేపీ ఎంపీ బ్రిజ్ భూషణ్‌పై మహిళా రెజ్లర్లు లైంగిక వేధింపులకు పాల్పడ్డారని ఆరోపిస్తూ ఆయనపై ఉద్యమం కూడా చేపట్టారు. ఇది బీజేపీకి చాలా అవమానాన్ని తెచ్చిపెట్టింది. మరోవైపు బీజేపీ రెండో జాబితాలో కూడా ఆయన పేరు ఉండదనే ఊహాగానాలు వినిపిస్తున్నాయి.
