Prime Minister: కర్ణాటక, మహారాష్ట్రలో ప్రధాని పర్యటన.. రూ .49,000 కోట్ల అభివృద్ధి ప‌నుల‌కు శ్రీకారం
ప్రధాని నరేంద్ర మోదీ (Prime Minister Modi) గురువారం మహారాష్ట్ర, కర్ణాటకలలో పర్యటించనున్నారు. ఈ సందర్భంగా కోట్లాది విలువైన ప్రాజెక్టులను ప్రారంభించనున్నారు. మహారాష్ట్రలో మౌలిక సదుపాయాలు, పట్టణ ప్రయాణ సౌలభ్యం, ఆరోగ్య రంగానికి సంబంధించిన రూ. 38,000 కోట్ల విలువైన ప్రాజెక్టులకు ప్రధానమంత్రి ప్రారంభోత్సవం, శంకుస్థాపన చేస్తారు.
- By Gopichand Published Date - 10:19 AM, Thu - 19 January 23
ప్రధాని నరేంద్ర మోదీ (Prime Minister Modi) గురువారం మహారాష్ట్ర, కర్ణాటకలలో పర్యటించనున్నారు. ఈ సందర్భంగా కోట్లాది విలువైన ప్రాజెక్టులను ప్రారంభించనున్నారు. మహారాష్ట్రలో మౌలిక సదుపాయాలు, పట్టణ ప్రయాణ సౌలభ్యం, ఆరోగ్య రంగానికి సంబంధించిన రూ. 38,000 కోట్ల విలువైన ప్రాజెక్టులకు ప్రధానమంత్రి ప్రారంభోత్సవం, శంకుస్థాపన చేస్తారు. అదే సమయంలో కర్ణాటకలో రూ.10,800 కోట్లకు పైగా విలువైన ప్రాజెక్టులను ప్రారంభించనున్నారు. దాదాపు రూ.12,600 కోట్ల వ్యయంతో మహారాష్ట్రలోని ముంబై మెట్రో రైలు లైన్లు 2ఎ, 7ను ప్రధాని జాతికి అంకితం చేయనున్నారు. ఈ లైన్లకు 2015లో ప్రధాని మోదీ పునాది రాయి వేశారు. బాంద్రా కుర్లా కాంప్లెక్స్‌లోని ఎమ్‌ఎమ్‌ఆర్‌డిఎ గ్రౌండ్స్‌లో జరిగే కార్యక్రమంలో ఏడు మురుగునీటి శుద్ధి ప్లాంట్లు, రోడ్డు ప్రాజెక్టు, ఛత్రపతి శివాజీ మహారాజ్ టెర్మినస్ పునరాభివృద్ధికి కూడా ప్రధాన మంత్రి శంకుస్థాపన చేస్తారు.
ప్రధానమంత్రి ముంబై పర్యటన సందర్భంగా బాంద్రా కుర్లా కాంప్లెక్స్ (BKC), పరిసర ప్రాంతాల్లో విమాన కార్యకలాపాలు నిలిపివేయబడతాయి. గురువారం ఇక్కడి ఎమ్మార్డీఏ మైదానంలో జరిగే కార్యక్రమానికి ప్రధాని హాజరవుతారు. ఈ సమయంలో డ్రోన్లు, పారాగ్లైడింగ్ వంటి కార్యకలాపాలను కూడా అనుమతించబోమని పోలీసులు తెలిపారు. BKC, అంధేరి, మేఘ్‌వాడి,యు జోగేశ్వరి అనే నాలుగు పోలీసు స్టేషన్‌ల పరిధిలో డ్రోన్లు, పారాగ్లైడర్లు, రిమోట్‌గా నియంత్రించబడే మైక్రో-లైట్ ఎయిర్‌క్రాఫ్ట్‌ల వినియోగంతో సహా ఫ్లయింగ్ కార్యకలాపాలు గురువారం మధ్యాహ్నాం నుండి అనుమతించబడతాయని ముంబై పోలీసులు తెలిపారు. డ్రోన్లు, పారాగ్లైడర్లు, రిమోట్‌తో నిర్వహించబడే తేలికపాటి విమానాలను ఉపయోగించి ఉగ్రవాదులు లేదా సంఘ వ్యతిరేక వ్యక్తులు దాడులకు పాల్పడవచ్చని, అందుకే అలాంటి ఎగిరే కార్యకలాపాలపై నిషేధం విధించినట్లు ఆర్డర్ పేర్కొంది.
Also Read: Accident: ఘోర రోడ్డు ప్రమాదం.. 9 మంది మృతి
మధ్యాహ్నం 12 గంటలకు కర్ణాటకలోని యాద్‌గిరి జిల్లాలోని కోడెకల్‌లో ప్రధానమంత్రి జాతీయ రహదారి అభివృద్ధి ప్రాజెక్టుతో పాటు సాగునీరు, తాగునీటికి సంబంధించిన వివిధ అభివృద్ధి ప్రాజెక్టులకు ప్రధాని మోదీ శంకుస్థాపన చేసి, ప్రారంభోత్సవం చేస్తారు. అనంతరం మధ్యాహ్నం 2.15 గంటలకు కల్బుర్గి జిల్లాలోని మల్ఖేడ్‌కు మోదీ చేరుకుంటారు. ఇటీవల కర్ణాటకలో ప్రధాని పర్యటించడం ఇది రెండోసారి. బీకేసీలో జరిగే ప్రధానమంత్రి కార్యక్రమానికి పెద్ద సంఖ్యలో వీఐపీలు హాజరయ్యే అవకాశం ఉన్నందున భద్రతను కట్టుదిట్టం చేసినట్లు ముంబై పోలీసు అధికారి తెలిపారు.
