India: అమెరికాకు భారత్ భారీ షాక్.. దెబ్బ అదుర్స్ అనేలా కీలక నిర్ణయం!
అమెరికాకు పోస్టల్ సేవలను నిలిపివేయడానికి ప్రధాన కారణం 50 శాతం టారిఫ్‌ల భారం. జూలై 30న అమెరికా ప్రభుత్వం భారత్‌పై టారిఫ్‌లు విధించింది.
- By Gopichand Published Date - 05:35 PM, Sat - 23 August 25
India: డొనాల్డ్ ట్రంప్ కొత్త టారిఫ్‌ల నేపథ్యంలో భారతదేశం (India) ఒక కీలక నిర్ణయం తీసుకుంది. ఆగస్టు 25 నుండి అమెరికాకు పోస్టల్ సేవలను నిలిపివేసింది. అమెరికా కస్టమ్స్ నిబంధనలలో మార్పుల కారణంగా ఈ నిర్ణయం తీసుకున్నట్లు తపాలా శాఖ శనివారం ప్రకటించింది. ఈ మార్పులు ఈ నెల చివరి నుండి అమలులోకి వస్తాయి.
పోస్టల్ సేవలపై టారిఫ్‌లు
తపాలా శాఖ తెలిపిన వివరాల ప్రకారం.. ఆగస్టు 29 నుండి అమెరికాకు వెళ్లే అన్ని అంతర్జాతీయ పోస్టల్ వస్తువులపై, వాటి విలువతో సంబంధం లేకుండా, దేశ-నిర్దిష్ట అంతర్జాతీయ అత్యవసర ఆర్థిక శక్తి చట్టం (IEEPA) టారిఫ్ ప్రకారం కస్టమ్స్ సుంకం విధించబడుతుంది. అయితే $100 వరకు విలువ గల బహుమతులపై ఈ టారిఫ్ వర్తించదు.
అమెరికా ప్రభుత్వం జూలై 30న ఎగ్జిక్యూటివ్ ఆర్డర్ నెం. 14324 ను జారీ చేసింది. దీని ప్రకారం.. ఆగస్టు 29 నుండి అమల్లోకి వచ్చేలా $800 వరకు విలువ గల వస్తువులకు ఉన్న డ్యూటీ-ఫ్రీ మినహాయింపును రద్దు చేశారు. దీనివల్ల ఇప్పుడు ఏ విలువ గల పోస్టల్ వస్తువులైనా కస్టమ్స్ సుంకం పరిధిలోకి వస్తాయి. ఇది భారతదేశం నుండి అమెరికాకు పోస్టల్ సేవలను పంపించే వారికి పెద్ద సమస్యగా మారింది.
Also Read: Union Minister Rajnath Singh: సెప్టెంబర్ 17న తెలంగాణకు కేంద్ర మంత్రి రాజ్ నాథ్ సింగ్!
పంపగల వస్తువులు
సమాచార మంత్రిత్వ శాఖ తెలిపిన ప్రకారం.. ఆగస్టు 25 నుండి అమెరికాకు అన్ని రకాల పోస్టల్ వస్తువుల బుకింగ్ తాత్కాలికంగా నిలిపివేయబడుతుంది. అయితే ఉత్తరాలు, పత్రాలు, $100 వరకు విలువ గల బహుమతులను మాత్రం పంపవచ్చు. కానీ దీనికి అమెరికా కస్టమ్స్, సరిహద్దు భద్రత (CBP), అలాగే యునైటెడ్ స్టేట్స్ పోస్టల్ సర్వీస్ (USPS) నుండి NOC (No Objection Certificate) తప్పనిసరి.
టారిఫ్‌ల భారం వల్ల నిర్ణయం
అమెరికాకు పోస్టల్ సేవలను నిలిపివేయడానికి ప్రధాన కారణం 50 శాతం టారిఫ్‌ల భారం. జూలై 30న అమెరికా ప్రభుత్వం భారత్‌పై టారిఫ్‌లు విధించింది. మొదట 25 శాతం టారిఫ్ విధించగా.. తరువాత అదనంగా మరో 25 శాతం టారిఫ్ విధించింది. ఈ టారిఫ్‌ల భారం పెరిగిపోవడంతో పోస్టల్ సేవలను నిలిపివేయక తప్పలేదని భారత్ పేర్కొంది.
