India-China: అమెరికాకు చైనాతో చెక్ పెట్ట‌నున్న భార‌త్‌!

India-China

India-China: అమెరికా అధ్యక్షుడు డొనాల్డ్ ట్రంప్ భారత్‌పై 50 శాతం సుంకాలు విధించిన నేపథ్యంలో కేంద్రంలోని మోదీ ప్రభుత్వం కూడా దౌత్యపరమైన వ్యూహాలతో ప్రతిస్పందించడానికి సిద్ధమవుతోంది. ఈ క్రమంలో కోవిడ్-19 మహమ్మారి కారణంగా నిలిచిపోయిన భారత్-చైనా (India-China) మధ్య నేరుగా విమాన సర్వీసులను తిరిగి ప్రారంభించాలని ప్రభుత్వం యోచిస్తోంది. ఇది రెండు దేశాల మధ్య దౌత్య సంబంధాలు మెరుగుపడుతున్నాయనడానికి ఒక సంకేతంగా నిలుస్తుంది.

చైనాకు నేరుగా విమాన సర్వీసులు తిరిగి ప్రారంభం

రాయిటర్స్ నివేదిక ప్రకారం.. భారత ప్రభుత్వం ఎయిర్ ఇండియా, ఇండిగో వంటి విమానయాన సంస్థలను చైనాకు విమాన సర్వీసులను ప్రారంభించడానికి సిద్ధంగా ఉండాలని సూచించింది. ఈ సర్వీసులు వచ్చే నెల నుండి ఆకస్మికంగా ప్రారంభమయ్యే అవకాశం ఉంది. కోవిడ్-19 మహమ్మారికి ముందు భారత్-చైనా మధ్య నేరుగా విమాన సర్వీసులు నడిచేవి. కానీ మహమ్మారి తర్వాత అవి నిలిచిపోయాయి. ఇప్పుడు ప్రయాణీకులు హాంకాంగ్, సింగపూర్ వంటి ప్రదేశాల మీదుగా వెళ్ళవలసి వస్తోంది. దీని వల్ల ప్రయాణ సమయం, ఖర్చులు పెరుగుతున్నాయి. నేరుగా విమాన సర్వీసులు తిరిగి ప్రారంభమైతే ప్రయాణం సులభంగా, చవకగా మారుతుంది.

Also Read: Schools: భారీ వ‌ర్ష సూచ‌న‌.. పాఠ‌శాల‌ల‌కు సెల‌వు ప్ర‌క‌టించాల‌ని ప్ర‌భుత్వానికి సూచ‌న‌!

ప్రధాని మోదీ చైనా పర్యటన- దౌత్య సంభాషణలు

ప్రధానమంత్రి నరేంద్ర మోదీ ఆగస్టు 28న చైనాలోని తియాంజిన్‌కు వెళ్లనున్నారు. అక్కడ ఆయన షాంఘై సహకార సంస్థ (SCO) శిఖరాగ్ర సమావేశంలో పాల్గొంటారు. 2018 తర్వాత మోదీ చైనాకు వెళ్లడం ఇదే మొదటిసారి. ఈ పర్యటనలో ఆయన చైనా అధ్యక్షుడు షీ జిన్‌పింగ్‌తో ద్వైపాక్షిక సమావేశం నిర్వహించే అవకాశం ఉంది. 2020లో గల్వాన్ లోయలో జరిగిన సరిహద్దు ఘర్షణ తర్వాత ఇరు దేశాల మధ్య సంబంధాలు ఉద్రిక్తంగా మారాయి. ఈ సమావేశం ఆ ఉద్రిక్తతలను తగ్గించి, సంబంధాలను మెరుగుపరచడానికి దోహదపడుతుందని భావిస్తున్నారు.

భారత్-చైనా సంబంధాల చరిత్ర

జూన్ 2020లో గల్వాన్ లోయలో జరిగిన ఘర్షణల తర్వాత, భారత్-చైనా సరిహద్దులో సైనిక బలగాల సంఖ్య పెరిగింది. అనేక రౌండ్ల చర్చలు జరిగినప్పటికీ పలు సమస్యలు ఇంకా పరిష్కారం కాలేదు. సరిహద్దు వివాదంతో పాటు కోవిడ్ సమయంలో చైనా పెట్టుబడులపై నిషేధం, దిగుమతులపై కఠిన తనిఖీలు వంటి చర్యలు ఇరు దేశాల మధ్య వ్యాపార, ప్రజల మధ్య సంబంధాలను ప్రభావితం చేశాయి. ఇప్పుడు, విమాన సర్వీసులు తిరిగి ప్రారంభం కావడం.. మోదీ పర్యటన ఈ సంబంధాలలో సానుకూల మార్పులకు దారితీస్తాయని ఆశిస్తున్నారు.

Follow us