PM Modi : అప్పుడు సర్దార్ పటేల్ మాట విని ఉంటే 76 ఏళ్లుగా ఉగ్రదాడులు ఉండేవి కాదు : ప్రధాని మోడీ

PM Modi : ప్రధాని నరేంద్ర మోడీ మంగళవారం గుజరాత్‌ పర్యటనలో కీలక వ్యాఖ్యలు చేశారు. రెండు రోజుల పర్యటనలో భాగంగా పలు అభివృద్ధి ప్రాజెక్టులకు శంకుస్థాపన చేసిన మోడీ, అనంతరం జరిగిన బహిరంగ సభలో మాట్లాడారు. ఈ సందర్భంగా పాకిస్తాన్‌ ప్రోత్సాహంతో జరిగే ఉగ్రవాద చర్యలు, వాటిపై భారత్‌ ఎలా స్పందిస్తోందో గురించి ఆయన తీవ్రంగా స్పందించారు. పాకిస్తాన్ ఉగ్రవాదాన్ని ఓ వ్యూహాత్మక యుద్ధం రూపంగా వాడుకుంటోంది. అది ఇప్పటికీ మారలేదు. అక్కడి ప్రభుత్వ అధికారులు, సైన్యం కూడా ఉగ్రవాదులకు గౌరవం చూపే స్థితిలో ఉన్నారు. ఇది ఉగ్రవాదం పరోక్ష యుద్ధం కాదని, అది ఏ దేశ యుద్ధ వ్యూహమేనని స్పష్టంగా చాటుతోంది. అలాంటి యత్నాలపై భారత్‌ ఇకపై కఠినంగా స్పందిస్తుంది. శాంతిని కోరుకునే దేశంగా మేము ఉండాలనుకుంటాం. కానీ, మౌనంగా ఉండే పరిస్థితి ఇక లేదు అని మోడీ హితవు పలికారు.

Read Also: Tata Motors : టాటా హారియర్ EV అనౌన్స్మెంట్ ముందు రోడ్డు పై ప్రయోగం

అంతేకాదు, ఉగ్రవాదం మూలాలను చర్చించేందుకు మోడీ 1947లో దేశ విభజన తర్వాతి పరిణామాలను గుర్తు చేశారు. ఆ విభజన తరువాత అదే రోజు రాత్రి కశ్మీర్‌పై తొలి ఉగ్రదాడి జరిగింది. ఆయుధాలతో వచ్చిన మూకలు పాక్‌ సహకారంతో కశ్మీర్‌లోకి చొరబడ్డాయి. అప్పుడు దేశ తొలి హోం మంత్రి సర్దార్ వల్లభాయ్ పటేల్ ఇచ్చిన సలహా పాటించి ఉంటే వారిని అప్పుడే తరిమికొట్టివుంటే, ఆక్రమిత కశ్మీర్‌ను తిరిగి స్వాధీనం చేసుకుని ఉంటే భారత్‌లో ఉగ్రదాడుల పరంపరే మొదలయ్యేది కాదు అని ఆయన వివరించారు.

అప్పటి ప్రభుత్వ నాయకత్వం వల్లభాయ్‌ పటేల్‌ మాటను వినకపోవడం వల్లే ఈ రోజు కూడా ఉగ్రవాదం బాధల్ని భరించాల్సి వస్తోందని ప్రధాని ఆవేదన వ్యక్తం చేశారు. పహల్గాం ఘటన దీన్ని మరింత స్పష్టంగా చూపింది. పర్యాటకులు, యాత్రికులు, పౌరులే లక్ష్యంగా ఉగ్రదాడులు జరగడం దురదృష్టకరం అని మోడీ పేర్కొన్నారు. ఈ సందర్భంలో ‘ఆపరేషన్ సిందూర్’ అనే తాజా చర్యను ఆయన ప్రస్తావించారు. ఇది సరిహద్దుల వద్ద ఉగ్రవాద శిబిరాలను లక్ష్యంగా చేసుకుని చేపట్టిన సైనిక చర్యగా పేర్కొనవచ్చు. భారత్‌ శాంతిని కోరుకుంటోంది. కానీ, అది బలహీనత కాదు. ఎవరైనా దేశ భద్రతను పరీక్షిస్తే, దేశం ప్రబలమైన ప్రతిస్పందన ఇస్తుంది అని ప్రధాని స్పష్టం చేశారు.

Read Also: Kavitha : ‘సింగరేణి జాగృతి’ పేరుతో కవిత కమిటీ ఏర్పాటు