Norovirus: ప్ర‌పంచాన్ని వ‌ణికిస్తున్న మ‌రో వైర‌స్‌.. దీని ల‌క్ష‌ణాలు ఇవే!

Norovirus

Norovirus: నోరోవైరస్ చాలా వేగంగా వ్యాపిస్తుంది. సెంటర్ ఆఫ్ డిసీజ్ కంట్రోల్ అండ్ ప్రివెన్షన్ నివేదిక ప్రకారం.. డిసెంబర్ మొదటి వారంలో యునైటెడ్ స్టేట్స్‌లోని అనేక ప్రాంతాల్లో ఈ వైరస్ (Norovirus) కొత్త కేసులు నమోదయ్యాయి. కేవలం డిసెంబ‌ర్ నెల‌లోనే 91 నోరోవైరస్ కేసులు నమోదయ్యాయి. ఇదే సమయంలో నవంబర్ చివరి వారంలో 69 కేసులు నమోదయ్యాయి. ఈ నోరోవైరస్ కేసులు ఏడాది పొడవునా న‌మోదైన‌ట్లు అధికారులు తెలిపారు. అయితే శీతాకాలంలో ఈ వైర‌స్ కేసులు వేగంగా పెరిగాయి. నోరోవైరస్ లక్షణాలు, దాని నివారణ చర్యల గురించి ఇప్పుడు తెలుసుకుందాం.

నోరోవైరస్ వ్యాధి అంటే ఏమిటి?

నోరోవైరస్ అనేది ఒక అంటు వైరస్. ఇది చాలా వేగంగా వ్యాపిస్తుంది. ఈ వైరస్‌ను స్టొమక్ ఫ్లూ లేదా స్టొమక్ బగ్ అంటారు. ఈ వైరస్‌ను గ్యాస్ట్రోఎంటెరిటిస్ అని కూడా అంటారు. క్లీవ్‌ల్యాండ్ క్లినిక్ ప్రకారం.. నోరోవైరస్ వ్యాప్తి మొదటిసారిగా 1968లో ఒహియోలోని నార్వాక్‌లోని పాఠశాలలో వ్యాపించింది. దీనిని నార్వాక్ వైరస్ అని కూడా అంటారు. ఈ వైరస్ సోకిన వ్యక్తిని తాకితే ఈ వైర‌స్‌ వ్యాపిస్తుంది.

Also Read: Rohit Sharma: రోహిత్ శ‌ర్మ‌ సిడ్నీ టెస్టులో ఆడతాడా లేదా? గౌతమ్ గంభీర్ స్పంద‌న ఇదే!

నోరోవైరస్ లక్షణాలు

నోరోవైరస్ సోకిన వ్య‌క్తిని ప్ర‌త్య‌క్షంగా తాకిన‌ప్పుడు సుమారు 2 నుండి 48 గంటల తర్వాత ప్రభావం చూపుతుంది. నోరోవైరస్‌లో అతిసారం, కడుపు నొప్పి, వాంతులు మొదలైన సాధారణ లక్షణాలు వ్యక్తిలో కనిపిస్తాయి. ఈ లక్షణాలు వైర‌స్ సోకిన వ్యక్తిలో 3 రోజుల వరకు ఉంటాయి. ఈ వైర‌స్‌కు అనేక ఇతర లక్షణాలు కూడా ఉన్నాయి. కడుపు నొప్పి లేదా తిమ్మిరి, నీళ్ల విరేచనాలు, తేలికపాటి జ్వరం, కండరాల నొప్పి కూడా ఈ వైర‌స్‌కు కార‌ణ‌మని వైద్యులు చెబుతున్నారు.

నోరోవైరస్ సోకకుండా ఉండాలంటే?

• కలుషితమైన ఉపరితలం లేదా వస్తువుల‌ను తాకిన‌ తర్వాత చేతులను పూర్తిగా శుభ్రం చేసుకోండి. కలుషిత నీరు, ఆహారం తీసుకోవద్దు.
• అనారోగ్యంతో ఉన్న వ్యక్తుల ద‌గ్గ‌ర‌కు వెళ్ల‌డం మానుకోండి. ఇన్ఫెక్షన్ సోకిన వ్యక్తి దగ్గరకు వెళ్లే ముందు మీ నోటిని మాస్క్‌తో కప్పుకోండి.
• మీ చేతులను సబ్బుతో శుభ్రం చేసుకోండి.

Follow us