Cucumber: వేసవికాలంలో కీరదోసకాయ గొప్ప వరం.. ఆరోగ్యంతో పాటు అందం కూడా!

కీర దోసకాయ వల్ల ఎన్నో రకాల ప్రయోజనాలు ఉన్నాయి అన్న విషయం మనందరికీ తెలిసిందే. కీర దోసకాయలు మనకు వేసవి కాలంలో ఎక్కువగా లభిస్తూ ఉంటాయి. ఇతర సీజన్లలో లభించినప్పటికీ వేసవికాలంలో వీటిని ఎక్కువగా తినడానికి ఇష్టపడుతూ ఉంటారు. ఈ కీర దోసకాయ కేవలం ఆరోగ్యానికి మాత్రమే కాకుండా అందానికి కూడా ఎంతో మేలు చేస్తుంది. ముఖ్యంగా ఈ కీర దోసకాయ వేసవికాలంలో ఇంకా ఎక్కువ ప్రయోజనాలను కలిగిస్తుందని చెబుతున్నారు. మరి వేసవి కాలంలో కీరదోసకాయతో ఎలాంటి ప్రయోజనాలు కలుగుతాయో ఇప్పుడు మనం తెలుసుకుందాం.. కీరదోసకాయను సలాడ్స్ రూపంలో ఎక్కువగా తీసుకుంటారు. కీరదోసకాయలో నీటి శాతం అధికంగా ఉంటుంది.

కనుక వేసవి కాలంలో దీన్ని తీసుకుంటే శరీరం డీహైడ్రేషన్ బారినపడకుండా ఉంటుందట. అలాగే శరీర వేడిని తగ్గించి శరీరానికి చల్లదనాన్ని అందిస్తుందని చెబుతున్నారు. కీరదోసకాయలో విటమిన్ సి, కె లతోపాటు పొటాషియం, మెగ్నీషియం, పీచు పదార్థం అధికంగా ఉంటుంది. ఇవి ఆరోగ్యాన్ని మెరుగుపరచడానికి సహాయపడతాయట. కీరదోసకాయలో అధిక మొత్తంలో ఉండే పీచు పదార్థం జీర్ణక్రియను మెరుగుపరుస్తుందట. అలాగే వ్యర్థాలను బయటకు పంపి పొట్ట, ప్రేగులను శుభ్రపరుస్తుందట. అలాగే మలబద్దకం సమస్యలు కూడా దూరం అవుతాయట. దీంతో ఉదర సంబంధిత సమస్యలు తగ్గి ఉదర ఆరోగ్యం మెరుగుపడుతుందట. కాబట్టి కీర దోసకాయను తినడం ఆరోగ్యానికి ఎంతో మంచిదని చెబుతున్నారు. తరచూ కీరదోసకాయను తీసుకుంటే రక్తపోటు సమస్యలు కూడా తగ్గుతాయట.

అలాగే గుండె సమస్యలు తగ్గి గుండె ఆరోగ్యం మెరుగుపడుతుందని చెబుతున్నారు. ఇది శరీరంలో కొవ్వును కరిగించి బరువు తగ్గించడానికి కూడ సహాయ పడుతుందట. కనుక బరువు తగ్గాలనుకునే వారు కీరదోసకాయను డైట్ లో చేర్చుకుంటే మంచి ఫలితాలు కనిపిస్తాయని చెబుతున్నారు. అలాగే ఇందులో ఉండే పోషకాలు శరీరంలో చక్కెర నిల్వలను తగ్గించి షుగర్‌ ను అదుపులో ఉంచుతుందట. కాబట్టి డయాబెటిస్ ఉన్నవారు కీరదోసకాయను తినడం మంచిదని చెబుతున్నారు. ఇందులోని ఔషద గుణాలు మానసిక ఒత్తిడిని తగ్గించి మనసును ప్రశాంతంగా ఉంచుతాయట. కళ్ల సమస్యలకు చక్కటి పరిష్కారంగా పనిచేస్తాయని చెబుతున్నారు. కీరదోసకాయ ముక్కలను కళ్లమీద పెట్టుకుంటే కంటికి చలువ కలుగుతుంది. అలాగే కళ్లు ఎర్రబడటం, దురద, మంట వంటి కంటి సమస్యలు తగ్గుతాయట. కీరదోసకాయను తీసుకుంటే ఆరోగ్యంతో పాటు చర్మ సౌందర్యానికి కూడా అనేక ప్రయోజనాలు కలుగుతాయట. కీరదోసకాయను తింటే చర్మం మృదువుగా మారుతుందని చెబుతున్నారు. దోసకాయ గుజ్జును ముఖానికి అప్లై చేసుకుని కొద్ది సమయం తరువాత నీటితో ముఖాన్ని శుభ్రపరుచుకుంటే చర్మానికి మంచి నిగారింపును అందుతుందట. అలాగే చర్మ కణాలలో పేరుకుపోయిన మురికిని, మృతకణాలను తొలగించి చర్మ కణాలను శుభ్రపరుస్తుందట. అలాగే చర్మానికి కావాల్సిన తేమను అందించి చర్మాన్ని తాజాగా ఉంచుతుందని చెబుతున్నారు. అందుకే వేసవికాలంలో కీర దోసకాయను తప్పనిసరిగా తీసుకోవాలని చెబుతున్నారు.