Ghee Warm Water: గోరువెచ్చని నీళ్లలో నెయ్యి కలుపుకుని తాగడం వల్ల కలిగే అద్భుతమైన ప్రయోజనాలు ఇవే!

నెయ్యి ఆరోగ్యానికి ఎంతో మేలు చేస్తుంది అన్న విషయం మనందరికీ తెలిసిందే. నెయ్యిని తరచుగా తీసుకోవడం వల్ల ఎన్నో రకాల ఆరోగ్య ప్రయోజనాలను పొందవచ్చు. నెయ్యిని ఎన్నో రకాల వంటల్లో కూడా ఉపయోగిస్తూ ఉంటారు. స్వీట్ల తయారీలో కూడా ఉపయోగిస్తూ ఉంటారు. కొందరు నెయ్యి ని ఇష్టంగా తింటే మరికొందరు మాత్రం నెయ్యి తింటే బరువు పెరుగుతారని ఫ్యాట్ పెరుగుతుందని నెయ్యికి దూరంగా ఉంటారు. కాగా నెయ్యిలో ఆరోగ్యకరమైన కొవ్వు, కొవ్వు ఆమ్లాలు, విటమిన్ ఎ, విటమిన్ డి, విటమిన్ ఇ, విటమిన్ కె ఉన్నాయి. మరి నెయ్యి తినడం వల్ల ఎలాంటి ప్రయోజనాలు కలుగుతాయి అన్న విషయానికొస్తే.. నెయ్యితో బరువు తగ్గడంతో పాటు అనేక ప్రయోజనాలను పొందవచ్చు. అందుకే చాలామంది నెయ్యిని ఉపయోగిస్తారు.

ఇకపోతే ఉదయాన్నే పరగడుపున గోరువెచ్చని నీటిలో చెంచానికి కలుపుకొని తాగితే ఏం జరుగుతుందో ఇప్పుడు మనం తెలుసుకుందాం.. నెయ్యిలో క్యాలరీలు ఎక్కువగా ఉన్నప్పటికీ, దానిని పరిమిత పరిమాణంలో తీసుకుంటే అది బరువు తగ్గడంలో సహాయపడుతుంది. వేడి నీటితో నెయ్యి తీసుకోవడం వల్ల కొవ్వు జీవక్రియ పెరుగుతుంది. ఆకలిని తగ్గిస్తుంది. ఇది బరువు నిర్వహణలో ముఖ్యమైన అంశంగా మారుతుందని చెబుతున్నారు. అలాగే నెయ్యిలో బ్యూట్రిక్ యాసిడ్ ఉంటుంది. ఇది చిన్న గొలుసు కొవ్వు ఆమ్లం. ఇది ఆరోగ్యకరమైన గట్ లైనింగ్‌ను ప్రోత్సహిస్తుంది. జీర్ణ ఎంజైమ్‌ ల ఉత్పత్తికి మద్దతునిస్తుంది. గోరువెచ్చని నీటితో నెయ్యిని సేవించినప్పుడు ఇది జీర్ణవ్యవస్థను ఉపశమనం చేస్తుంది. అలాగే జీర్ణక్రియను సాఫీగా చేసి మలబద్ధకాన్ని నివారిస్తుందని చెబుతున్నారు.

కాగా యాంటీ ఆక్సిడెంట్లు, విటమిన్ ఇ పుష్కలంగా ఉన్న నెయ్యి చర్మం స్థితిస్థాపకత, తేమను పెంచుతుంది. వేడి నీళ్లతో కలిపి తీసుకోవడం వల్ల మొటిమలు, డల్‌నెస్‌ ని తగ్గించే టాక్సిన్‌ లు బయటకు వెళ్లిపోతాయి, అంటే చర్మం పరోక్ష ప్రయోజనాలను పొందుతుందట. నెయ్యి ఆరోగ్యకరమైన కొవ్వుకు గొప్ప మూలం. ఇది బంధన కణజాలాలకు పోషణ, వాపును తగ్గిస్తుంది. గోరువెచ్చని నీటితో కలిపినప్పుడు, ఇది కీళ్ల వశ్యతను నిర్వహించడానికి సహాయపడుతుంది. ఆర్థరైటిస్ లక్షణాలను తగ్గిస్తుంది. నెయ్యి బ్యూట్రిక్ యాసిడ్ పేగు ఆరోగ్యానికి మద్దతు ఇస్తుంది. ఇది బలమైన రోగనిరోధక శక్తితో ప్రత్యక్ష సంబంధం కలిగి ఉంటుంది. వేడి నీరు దాని పోషకాలతో పాటు సమతుల్య గట్ మైక్రోబయోమ్‌ను ప్రోత్సహిస్తుంది తద్వారా రోగనిరోధక శక్తిని పెంచుతుందని చెబుతున్నారు.