Maha Kumbh 2025: మ‌హా కుంభ‌మేళాకు పెరుగుతున్న భ‌క్తుల ర‌ద్దీ.. ప్రత్యేక ఏర్పాట్లు చేసిన అధికారులు

Maha Kumbh 2025: నేడు మహా కుంభ‌మేళా (Maha Kumbh 2025) 44వ రోజు. మహాకుంభ జాతర రేపు అంటే ఫిబ్రవరి 26న ముగుస్తుంది. ఇలాంటి పరిస్థితుల్లో ఫిబ్రవరి 26న జరగనున్న మహాశివరాత్రి స్నానానికి అధికార యంత్రాంగం సన్నాహాలు ప్రారంభించింది. రేపు మహాశివరాత్రి నాడు, మహాకుంభమేళా ప్రాంతంలో కొత్త ట్రాఫిక్ ప్లాన్ అమలులో ఉండనుంది. ఈ రోజు ఉదయం 8 గంటల నుండి ఫిబ్రవరి 27వ తేదీ ఉదయం 8 గంటల వరకు ఫెయిర్ ఏరియాలోకి అడ్మినిస్ట్రేటివ్, మెడికల్ వాహనాలు మినహా అన్ని వాహనాల ప్రవేశంపై నిషేధం ఉంటుంది.

ఉత్తరప్రదేశ్‌లోని ప్రయాగ్‌రాజ్‌లో జరుగుతున్న మహాకుంభ్‌కు బీజేపీ మాజీ నేత నూపుర్ శర్మ చేరుకున్నారు. ఈ సందర్భంగా ఆమె త్రివేణి సంగమంలో పుణ్యస్నానం చేశారు. మహాకుంభం సందర్భంగా త్రివేణి సంగమం వద్ద పుణ్యస్నానం చేసేందుకు పెద్ద సంఖ్యలో భక్తులు ప్రయాగ్‌రాజ్‌కు చేరుకుంటున్నారు. ఈరోజు మధ్యాహ్నం 12 గంటల వరకు మొత్తం 68.31 లక్షల మంది భక్తులు మహాకుంభస్నానం చేశారు.

Also Read: 8th Pay Commission Impact: కేంద్ర ప్ర‌భుత్వ ఉద్యోగుల‌కు మోదీ స‌ర్కార్ శుభ‌వార్త‌.. జీతం 100% పెర‌గ‌నుందా?

మహాకుంభమేళాలో ఉదయం 8 గంటల వరకు 31.61 లక్షల మంది భక్తులు సంగమంలో స్నానాలు చేశారు. జాతరలో భక్తుల రద్దీ నిరంతరం పెరుగుతోంది. రేపు మహా కుంభమేళా చివరి రోజు కావడంతో ఈరోజు, రేపు భారీగా జనం వచ్చే అవకాశం ఉంది. ఈరోజు ప్రయాగ్‌రాజ్‌లో జరుగుతున్న మహాకుంభానికి దాదాపు 18 మంది వీవీఐపీ అతిథులు రానున్నారు.

దేవతల దేవుడైన మహాదేవుని (శివుడు) భక్తులకు మహాశివరాత్రి పండుగకు ప్రత్యేక ప్రాముఖ్యత ఉంది. ఉపవాసంతో పాటు శివుని పూజించే రోజు. 2025 సంవత్సరంలో మహాశివరాత్రి పండుగను రేపు అంటే ఫిబ్రవరి 26న జరుపుకుంటారు. జ్యోతిషశాస్త్ర కోణం నుండి.. మహాశివరాత్రి రోజు చాలా ప్రత్యేకమైనది. ఎందుకంటే ఈ రోజున అనేక శుభ యోగాలు ఏర్పడుతున్నాయి.

ఫిబ్రవరి 24న గ్రహాల సేనాధిపతి అంటే కుజుడు దిశలో కదులుతాడు. అంగారకుడి కదలిక మారినప్పుడల్లా అది వ్యక్తి ధైర్యం, శక్తి, బలం మొదలైనవాటిని ప్రభావితం చేస్తుంది. ఫిబ్రవరి 24న కుజుడు ప్రత్యక్షంగా మారడం వల్ల కొన్ని రాశుల వారికి ఎక్కువ ప్రయోజనం కలుగుతుంది. వేద క్యాలెండర్ ప్రకారం మహాశివరాత్రికి రెండు రోజుల ముందు అంటే 24 ఫిబ్రవరి 2025న అంగారకుడు ప్రత్యక్షమవుతాడు. సోమవారం ఉదయం 7.27 గంటలకు కుజుడు ప్రత్యక్షం.