War 2 : ఈరోజు థియేటర్లలో మారణహోమం జరుగుతుంది.. ‘వార్‌2’పై ఎన్టీఆర్ ఇంట్రెస్టింగ్ ట్వీట్‌

War 2 : పాన్ ఇండియా స్థాయిలో భారీ అంచనాల నడుమ తెరకెక్కిన భారీ యాక్షన్ థ్రిల్లర్ ‘వార్ 2’ ఈరోజు ప్రపంచవ్యాప్తంగా గ్రాండ్‌గా విడుదలైంది. బాలీవుడ్ యాక్షన్ స్పెషలిస్ట్ ఆయాన్ ముఖర్జీ దర్శకత్వంలో తెరకెక్కిన ఈ సినిమాలో తొలిసారి తెలుగు హీరో ఎన్టీఆర్ బాలీవుడ్‌కు పరిచయమవుతుండగా, హృతిక్ రోషన్ తెలుగు ప్రేక్షకుల దృష్టిని ఆకర్షించేందుకు సిద్ధమయ్యారు. ఈ సినిమా మేకింగ్‌లోనూ, మార్కెటింగ్‌లోనూ అసాధారణ స్థాయిలో కృషి చేశారని చెబుతున్నారు. భారీ యాక్షన్ సన్నివేశాలు, వాస్తవానికి దగ్గరగా ఉండే కథా నిర్మాణం, అద్భుతమైన కెమెరా వర్క్‌తో ‘వార్ 2’ ప్రేక్షకుల్లో పెద్ద ఎక్సైట్మెంట్ కలిగించింది.

ఈ సందర్బంగా ఎన్టీఆర్ సోషల్ మీడియాలో తన అభిమానులతో ఒక సందేశం పంచుకున్నారు. ఆయన చేసిన ట్వీట్‌ ఇలా ఉంది. “ఇది యుద్ధం! ఇవాళ థియేటర్లలో మారణహోమం జరుగుతుంది. వార్ 2 పట్ల నాకు ఎంతో గర్వంగా ఉంది. మీ అభిప్రాయాలను తెలుసుకోవడానికి ఆసక్తిగా ఎదురుచూస్తున్నాను. మీ దగ్గర ఉన్న థియేటర్లలో టిక్కెట్లు బుక్ చేసుకోండి ” అని ట్వీట్ చేశారు. ఈ ట్వీట్‌తో పాటు ఎన్టీఆర్ ఫ్యాన్స్ సంబరాల్లో మునిగిపోయారు. సోషల్ మీడియా మొత్తం “కొడుతున్నాం అన్నా!”, “జై ఎన్టీఆర్!” అంటూ సందేశాలతో నిండిపోయింది. ఆయన్ను బాలీవుడ్‌లో చూసేందుకు ఉత్తర భారతీయ ప్రేక్షకులు కూడా ఎంతో ఆసక్తిగా ఎదురుచూస్తున్నారు.

ఇక, హృతిక్ రోషన్ విషయానికి వస్తే, ఆయనకు తెలుగు ప్రేక్షకులలో ఇప్పటికే మంచి ఫ్యాన్ బేస్ ఉన్నా, ఈ సినిమా ద్వారా మరింతగా దగ్గరవుతారని అంచనాలు ఉన్నాయి. ఎన్టీఆర్, హృతిక్ ల కాంబినేషన్ ప్రేక్షకులకు విపరీతమైన విజువల్ ట్రీట్‌ను అందించబోతుందని ట్రైలర్‌లు, ప్రమోషనల్ కంటెంట్ ఇప్పటికే హింట్ ఇచ్చేశాయి. ఈ చిత్రంలో హీరోయిన్‌గా కియారా అద్వానీ నటించగా, యశ్ రాజ్ ఫిలింస్ నిర్మాణ సంస్థ ఈ సినిమాను నిర్మించింది. బాలీవుడ్ టాప్ ప్రొడ్యూసర్ ఆదిత్య చోప్రా ఈ ప్రాజెక్టును అత్యంత ప్రతిష్టాత్మకంగా తీసుకున్నారు. ‘వార్’ ఫ్రాంచైజీకి ఇది రెండో భాగం కావడంతో, తొలి భాగాన్ని మించి ఊహించని మలుపులతో ప్రేక్షకులను అలరించబోతున్నట్లు చిత్ర బృందం వెల్లడించింది. ఇప్పటికే దేశవ్యాప్తంగా ఓపెనింగ్స్ సూపర్ హిట్ టాక్తో సాగుతున్న ఈ సినిమా, పాన్ ఇండియా బాక్సాఫీస్‌ను షేక్ చేయబోతుందని ట్రేడ్ వర్గాలు భావిస్తున్నాయి. మరి కొన్ని గంటల్లో ఈ భారీ యుద్ధం ఎలా సాగిందో స్పష్టమవుతుంది. ప్రేక్షకుల స్పందనతో పాటు రివ్యూలు, కలెక్షన్లు ఎలాంటి సంచలనం సృష్టిస్తాయో చూడాలి.

THIS IS WAR 🔥🚨 There will be CARNAGE in theatres today. Proud of #War2 and can’t wait to see your reactions to this entertainer. Only in cinemas near you in Hindi, Telugu & Tamil. 

Book your tickets now! https://t.co/5uc5EmwumW | https://t.co/lXCDuadpTC @ihrithik… pic.twitter.com/QSIry9JRN9

— Jr NTR (@tarak9999) August 13, 2025