మంచు మ‌నోజ్ మూవీలో రామ్ చ‌ర‌ణ్‌.. నిజ‌మేనా?

Manchu Manoj

• పాన్ ఇండియా మూవీతో వ‌స్తున్న మంచు మ‌నోజ్‌
• డేవిడ్ రెడ్డి మూవీలో రామ్ చ‌ర‌ణ్ పాత్ర‌పై క్లారిటీ

Manchu Manoj: మంచు మనోజ్ తన సెకండ్ ఇన్నింగ్స్‌లో భాగంగా నటిస్తున్న అత్యంత ప్రతిష్టాత్మక చిత్రం ‘డేవిడ్ రెడ్డి’. సుదీర్ఘ విరామం తర్వాత మనోజ్ పూర్తి స్థాయి యాక్షన్ మోడ్‌లో కనిపిస్తుండటంతో ఈ సినిమాపై భారీ అంచనాలు నెలకొన్నాయి. ఈ క్రమంలో సినిమా గ్లింప్స్ విడుదల వేడుకలో మనోజ్ చేసిన వ్యాఖ్యలు ఇప్పుడు టాలీవుడ్‌లో హాట్ టాపిక్ అయ్యాయి.

రామ్ చరణ్ పాత్ర‌పై క్లారిటీ

గత కొద్ది రోజులుగా సోషల్ మీడియాలో ‘డేవిడ్ రెడ్డి’ చిత్రంలో గ్లోబల్ స్టార్ రామ్ చరణ్ ఒక కీలకమైన అతిథి పాత్రలో కనిపిస్తారనే వార్తలు జోరుగా వినిపించాయి. మంచు మనోజ్, రామ్ చరణ్ మధ్య ఉన్న వ్యక్తిగత స్నేహం కారణంగా చరణ్ ఈ సినిమాలో భాగం అవుతున్నారని ఫ్యాన్స్ భావించారు. అయితే మనోజ్ ఈ వార్తలను ఖచ్చితంగా ఖండించారు. “చరణ్ నా ప్రాణ స్నేహితుడు, కానీ ఈ సినిమాతో ఆయనకు ఎలాంటి సంబంధం లేదు. ఆయన ఇందులో నటించడం లేదు. దయచేసి అధికారిక ప్రకటన వచ్చే వరకు ఇలాంటి పుకార్లను నమ్మవద్దు” అని ఆయన స్పష్టం చేశారు.

Also Read: ‎శీతాకాలంలో చల్లని నీరు తాగుతున్నారా.. అయితే మీరు ప్రమాదంలో పడ్డట్టే!

That dialogue 🥵

Yeh British nahi.. David Reddy hainn 🔥
Manchu manoj annaaa is backkk 👌 he's looking soo good man 🥵#DavidReddypic.twitter.com/U92GXowv3k

— Pranav #RCB ❤️ (@AreyHo69) December 17, 2025

ఆకట్టుకుంటున్న గ్లింప్స్

తాజాగా విడుదలైన ‘డేవిడ్ రెడ్డి’ గ్లింప్స్ సినిమా స్థాయిని ఒక్కసారిగా పెంచేసింది. ఇందులో మంచు మనోజ్ మేకోవర్, ఆయన బాడీ లాంగ్వేజ్ మునుపటి కంటే చాలా పవర్‌ఫుల్‌గా ఉన్నాయి. ముఖ్యంగా హై-వోల్టేజ్ యాక్షన్ సీక్వెన్స్‌లు, ఇంటెన్స్ విజువల్స్ సినిమా రఫ్ అండ్ టఫ్ లుక్‌ను ప్రతిబింబిస్తున్నాయి. మ్యూజిక్, సినిమాటోగ్రఫీ సినిమా మూడ్‌ను ఎలివేట్ చేస్తున్నాయి. ఒక సామాన్యుడు వ్యవస్థను ఎదిరించి ‘డేవిడ్ రెడ్డి’గా ఎలా మారాడు అనే కథాంశంతో ఈ చిత్రం రూపొందుతున్నట్లు గ్లింప్స్ చూస్తే అర్థమవుతోంది.

చాలా కాలం తర్వాత మనోజ్ మళ్ళీ కెమెరా ముందుకు రావడంతో అభిమానులు సంతోషం వ్య‌క్తం చేస్తున్నారు. ఈ చిత్రానికి హ‌నుమా రెడ్డి దర్శకత్వం వహిస్తున్నారు. మంచు మనోజ్ బాడీ లాంగ్వేజ్‌కు సరిపోయే పక్కా కమర్షియల్, యాక్షన్ ఎలిమెంట్స్‌తో ఈ స్క్రిప్ట్‌ను సిద్ధం చేసినట్లు తెలుస్తోంది. ప్రస్తుతం ఈ సినిమా చిత్రీకరణ శరవేగంగా జరుగుతోంది.

Follow us