Maa Inti Bangaram: సమంత మా ఇంటి బంగారం ఎలా ఉందంటే..

As for Samantha, the gem of our family, she is doing...

టాలీవుడ్ మోస్ట్ సక్సెస్‌ఫుల్ కాంబినేషన్ అయిన సమంత, దర్శకురాలు నందినీ రెడ్డి కలయికలో రూపొందిన తాజా చిత్రం ‘మా ఇంటి బంగారం’ ఈ రోజు ప్రపంచవ్యాప్తంగా థియేటర్లలో విడుదలైంది. ఇప్పటికే అమెరికాతో పాటు పలు ప్రాంతాల్లో ఈ సినిమా ప్రీమియర్ షోలు ప్రదర్శితమవడంతో, సోషల్ మీడియా వేదికగా ఫస్ట్ టాక్ బయటకు వచ్చేసింది. ఈ చిత్రంలో సమంత తన అద్భుతమైన నటనతో మరోసారి వెండితెరపై మాయ చేసిందని ప్రేక్షకులు కొనియాడుతున్నారు. ముఖ్యంగా సినిమాలో ఆమె పండించిన కామెడీ టైమింగ్, ఎమోషన్స్ మరియు ఫైట్ సీక్వెన్స్‌లలో చూపించిన యాక్షన్ పర్ఫార్మెన్స్ అద్భుతంగా ఉన్నాయని టాక్ వినిపిస్తోంది. ఫ్యామిలీ ఆడియన్స్‌కు చక్కగా కనెక్ట్ అయ్యే అంశాలు పుష్కలంగా ఉండటంతో, కుటుంబ సమేతంగా హాయిగా చూడదగ్గ క్లీన్ ఎంటర్టైనర్ అని నెటిజన్లు అభిప్రాయపడుతున్నారు.

అలరించిన కామెడీ అండ్ యాక్షన్.. కాకపోతే ఆ ఒక్కటే మైనస్!

నటన పరంగా, నిర్మాణ విలువల పరంగా సినిమాకు మంచి మార్కులే పడుతున్నప్పటికీ, కథనం విషయంలో మాత్రం మిశ్రమ స్పందన వ్యక్తమవుతోంది. నందినీ రెడ్డి మార్క్ సెంటిమెంట్, వినోదం బాగానే వర్కవుట్ అయినప్పటికీ, సినిమా స్క్రీన్‌ప్లే (కథనం) చాలా నెమ్మదిగా సాగుతుండటం మైనస్‌గా మారిందని ప్రేక్షకులు చెబుతున్నారు. కథలో వచ్చే ట్విస్ట్‌లు, సీన్లు ముందే ఊహించేలా (ప్రెడిక్టబుల్‌గా) ఉండటం వల్ల సినిమా కొన్ని చోట్ల సాగదీసినట్లు అనిపిస్తుందని విశ్లేషకులు అభిప్రాయపడుతున్నారు. అయినప్పటికీ, సమంత తన భుజాలపై సినిమాను నడిపించిన తీరు, ఎమోషనల్ కనెక్టివిటీ ఆ లోపాలను కొంతవరకు కవర్ చేశాయని అంటున్నారు. ఓవరాల్‌గా పెద్దగా అంచనాలు పెట్టుకోకుండా వెళ్తే ఈ ‘బంగారం’ కచ్చితంగా అలరిస్తుందని టాక్.

Follow us