LPG Cylinder Price: పండ‌గ‌కు ముందు బ్యాడ్ న్యూస్‌.. భారీగా పెరిగిన సిలిండ‌ర్ ధ‌ర‌లు..!

LPG Price Hike

LPG Cylinder Price: నవరాత్రులకు ముందు దేశప్రజలకు బిగ్ షాక్ తగిలింది. ఈరోజు అంటే అక్టోబర్ 1 నుంచి వాణిజ్య గ్యాస్ సిలిండర్ల ధరలు (LPG Cylinder Price) మరింత పెరిగాయి. 19 కిలోల సిలిండర్ ధర రూ.50 పెరిగింది. 14 కిలోల సిలిండర్ ధరల్లో ఎలాంటి మార్పు లేదు. ఇంతకుముందు ఆగస్టు, సెప్టెంబర్ నెలల్లో కూడా వాణిజ్య సిలిండర్ల ధరలు పెరిగాయని మన‌కు తెలిసిందే. వ‌రుస‌గా రూ. 8.5, రూ.39 ధరలు పెరిగాయి. ఇప్పుడు వరుసగా రెండో నెలలో వాణిజ్య సిలిండర్ల ధరలు పెరిగాయి.

నేటి నుంచి సిలిండర్ ధరలు ఇవే

ఈ ఉదయం ఇండియన్ ఆయిల్ విడుదల చేసిన తాజా ధల‌ర ప్రకారం.. అక్టోబర్ 1 నుండి ఇండియ‌న్‌ కంపెనీకి చెందిన 19 కిలోల కమర్షియల్ సిలిండర్ ఢిల్లీలో రూ.1691.50 నుంచి ఇప్పుడు రూ.1740కి అందుబాటులోకి వ‌చ్చింది. 14 కిలోల సిలిండర్ రూ.803కే లభ్యం కానుంది. ముంబైలో కమర్షియల్ సిలిండర్ ఇప్పుడు రూ.1692.50కి, డొమెస్టిక్ సిలిండర్ రూ.802.50కి మాత్రమే అందుబాటులో ఉంది. కోల్‌కతాలో వాణిజ్య సిలిండర్ ధర ఇప్పుడు రూ. 1850.50 కాగా డొమెస్టిక్ సిలిండర్ రూ. 829కి మాత్రమే అందుబాటులో ఉంటుంది. చెన్నైలో ఇకపై కమర్షియల్ సిలిండర్ రూ.1903కి, డొమెస్టిక్ సిలిండర్ రూ.818.50కి అందుబాటులో ఉంటుంది.

Also Read: Cardamom Benefits : క్యాన్సర్‌తో సహా ఈ 6 వ్యాధులను నివారించడానికి ఏలకులు తినండి

జూలై తర్వాత ధరలు నిరంతరం పెరుగుతూనే ఉన్నాయి

దేశంలో వరుసగా మూడో నెలలో 19 కిలోల కమర్షియల్ సిలిండర్ ధరను పెంచింది. జూలైలో కమర్షియల్ సిలిండర్ ధర రూ.30 తగ్గగా, ఆ తర్వాత నెల ఆగస్టులో కమర్షియల్ సిలిండర్ ధర రూ.8.50 పెంచి షాక్ ఇచ్చింది. దీని తర్వాత సెప్టెంబర్ నెలలో వాణిజ్య సిలిండర్ ధర మళ్లీ రూ.39 పెరిగింది. అక్టోబరు నెలలో పండుగల సీజన్‌ కాగా. అక్టోబరు నెలలో మరోసారి కమర్షియల్‌ సిలిండర్ల ధర రూ.50 పెరిగింది. ఒకవైపు 19 కేజీల కమర్షియల్ గ్యాస్ సిలిండర్ల ధరల్లో నిరంతర మార్పులు జరుగుతుండగా మరోవైపు ఆయిల్ మార్కెటింగ్ కంపెనీలు డొమెస్టిక్ గ్యాస్ సిలిండర్ల (ఎల్పీజీ సిలిండర్ ధర) ధరలను చాలా కాలంగా యథాతథంగా ఉంచాయి.

Follow us