Gold Price: భారీ షాక్‌.. ల‌క్ష దాటిన బంగారం ధ‌ర‌!

Gold prices drop—a great opportunity for buyers.

Gold Price: నిత్యం హెచ్చుతగ్గులతో ఉన్న బంగారం ధరలు (Gold Price) ఈరోజు భారీగా పెరిగి కొనుగోలుదారులకు షాకిచ్చాయి. బులియన్ మార్కెట్‌లో బంగారం ధరలు కొత్త రికార్డులను సృష్టిస్తూ ఆకాశాన్ని అంటుతున్నాయి. ఈ అనూహ్య పెరుగుదల వెనుక ఉన్న కారణాలు, ప్రస్తుత మార్కెట్ పరిస్థితుల గురించి తెలుసుకుందాం!

భారీగా పెరిగిన ధరలు

ఈరోజు హైదరాబాద్ బులియన్ మార్కెట్‌లో 24 క్యారెట్ల స్వచ్ఛమైన బంగారం ధర రూ. 1,090 పెరిగి, 10 గ్రాములకు రూ. 1,01,620 కు చేరుకుంది. ఇది ఇప్పటివరకు నమోదైన అత్యధిక ధరల్లో ఒకటి. అదేవిధంగా ఆభరణాల తయారీకి ఉపయోగించే 22 క్యారెట్ల బంగారం ధర రూ. 1,000 పెరిగి, 10 గ్రాములకు రూ. 93,150గా నమోదైంది. ఈ ధరలు కేవలం హైదరాబాద్‌లోనే కాకుండా తెలుగు రాష్ట్రాలైన తెలంగాణ, ఆంధ్రప్రదేశ్‌లో కూడా దాదాపుగా ఇదే స్థాయిలో ఉన్నాయి.

బంగారం ధరలతో పాటు వెండి ధరలు కూడా పెరిగాయి. కిలో వెండి ధర రూ. 2,000 పెరిగి రూ. 1,20,000 కు చేరింది. ఈ అకస్మాత్తు పెరుగుదల బంగారం, వెండి కొనుగోలు చేయాలనుకునే వారిలో ఆందోళన కలిగించింది. పండుగలు, వివాహాల సీజన్ దగ్గర పడుతుండటంతో ఈ ధరల పెరుగుదల వినియోగదారులపై తీవ్ర ప్రభావం చూపుతుందని మార్కెట్ విశ్లేషకులు భావిస్తున్నారు.

Also Read: India Without Sponsor: స్పాన్స‌ర్ లేకుండానే ఆసియా క‌ప్‌లో ఆడ‌నున్న టీమిండియా?!

ధరల పెరుగుదలకు కారణాలు

బంగారం ధరలు పెరగడానికి అనేక అంతర్జాతీయ, దేశీయ కారణాలు ఉన్నాయి. అంతర్జాతీయంగా ఆర్థిక అనిశ్చితి, అమెరికా-చైనా మధ్య కొనసాగుతున్న వాణిజ్య యుద్ధాలు, రష్యా-ఉక్రెయిన్ సంక్షోభం వంటి భౌగోళిక రాజకీయ ఉద్రిక్తతలు పెట్టుబడిదారులను సురక్షితమైన పెట్టుబడిగా భావించే బంగారాన్ని కొనుగోలు చేసేలా ప్రోత్సహిస్తున్నాయి. అమెరికన్ డాలర్ బలహీనపడటం కూడా బంగారం ధరల పెరుగుదలకు ఒక ప్రధాన కారణం. డాలర్ విలువ తగ్గినప్పుడు, ఇతర కరెన్సీలున్న వారికి బంగారం చౌకగా లభిస్తుంది. ప్ర‌పంచవ్యాప్తంగా ముఖ్యంగా ఆసియా దేశాల్లో, పండుగలు, వివాహాల సీజన్ ప్రారంభం కావడంతో బంగారం డిమాండ్ పెరిగింది.

మరికొన్ని రోజుల్లో పండుగల సీజన్ ప్రారంభం కానుంది. ఈ సమయంలో బంగారం కొనుగోలు చేయడం ఒక సాంప్రదాయం. కానీ ఈ ధరల పెరుగుదల సామాన్య మధ్యతరగతి ప్రజలకు ఆందోళన కలిగిస్తోంది. ఇప్పటికే నిత్యావసర వస్తువుల ధరలు పెరిగిపోవడంతో, ఇప్పుడు బంగారం ధరలు కూడా పెరగడం ఆర్థికంగా మరింత భారం కానుంది.

Follow us