Gold And Silver Rate: భారీగా పెరిగిన బంగారం, వెండి ధ‌ర‌లు.. ఎంతంటే?

Gold And Silver Rate

Gold And Silver Rate: హోలీకి ముందు బంగారం, వెండి ధరలు (Gold And Silver Rate) భారీగా పెరిగాయి. గురువారం (మార్చి 13) హోలికా దహన్ రోజున బంగారం ధరలు ఆల్ టైమ్ గరిష్ట స్థాయి రూ. 86,875కి చేరుకోగా, వెండి ధరలు ఈరోజు పెరుగుదలతో ప్రారంభమైనప్పటికీ తరువాత తగ్గాయి. ఈ వార్త‌ రాసే సమయానికి బంగారం ధరలు రూ. 86,850 వద్ద ట్రేడ్ అవుతుండగా, వెండి కిలో ధ‌ర రూ. 99,400 వద్ద ట్రేడవుతున్నాయి. అంతర్జాతీయ మార్కెట్‌లో బంగారం ఫ్యూచర్స్ ధరలు పెరుగుతుండగా, వెండి ధరలు బలహీనంగా ట్రేడ్ అవుతున్నాయి.

బంగారం ధరలు పెరుగుదలతో ప్రారంభమయ్యాయి. మల్టీ కమోడిటీ ఎక్స్ఛేంజ్ (MCX)లో బంగారం బెంచ్‌మార్క్ ఏప్రిల్ కాంట్రాక్ట్ ఈరోజు రూ.130 పెరిగి రూ.86,816 వద్ద ప్రారంభమైంది. క్రితం ముగింపు ధర రూ.86,686. ఈ వార్త‌ రాసే సమయానికి ఈ ఒప్పందం రూ.169 పెరుగుదలతో రూ.86,855 వద్ద ట్రేడవుతోంది. ఈ సమయంలో రూ.86,792 వద్ద రోజు గరిష్టాన్ని తాకగా, రూ.86,975 వద్ద కనిష్ట స్థాయిని తాకింది. ఈరోజు గోల్డ్ ఫ్యూచర్స్ అత్యధికంగా రూ.86,875ను తాకింది.

Also Read: KL Rahul: కేఎల్ రాహుల్ తండ్రి అయ్యాడా? నిజ‌మిదే!

వెండి ఫ్యూచర్స్ ధరలు కూడా భారీగా ప్రారంభమయ్యాయి. MCXలో వెండి బెంచ్‌మార్క్ మార్చి కాంట్రాక్ట్ రూ. 5 పెరుగుదలతో రూ. 99,481 వద్ద ప్రారంభమైంది. క్రితం ముగింపు ధర రూ.99,476. అయితే వార్త‌ రాసే సమయానికి ఈ ఒప్పందం రూ. 59 పతనంతో రూ. 99,417 వద్ద ట్రేడవుతోంది. ఈ సమయంలో రూ.99,481 వద్ద రోజు గరిష్టాన్ని తాకగా, రూ.99,227 వద్ద కనిష్ట స్థాయిని తాకింది. గత సంవత్సరం వెండి ధర కిలోకు రూ. 1,00081 వద్ద అత్యధిక స్థాయికి చేరుకుంది.

నేటి బంగారం ధ‌ర‌లు

గురువారం బంగారం ధ‌ర‌లు పెరిగాయి. గురువారం 22 క్యారెట్ల 10గ్రాముల బంగారం ధ‌ర‌ రూ.700, రూ.760 (24 క్యారెట్స్ 10గ్రా)పెరిగింది. పెరిగిన త‌ర్వాత హైదరాబాద్, విజయవాడ, విశాఖపట్టణంలో 10 గ్రాముల 22 క్యారెట్ల గోల్డ్ రేటు రూ. 81,200 వద్ద, 24 క్యారెట్ల బంగారం ధర రూ. 88,500 వద్ద ఉన్నాయి. వెండి ధరలు గరిష్టంగా రూ.1,000 పెరిగింది. దీంతో నేడు కేజీ సిల్వర్ రేటు రూ.1,10,000 చేరింది.

Follow us