Toll Tax Update: టోల్ ట్యాక్స్ విష‌యంలో మోదీ ప్ర‌భుత్వం సంచ‌ల‌న నిర్ణ‌యం

Kumbh Mela

Toll Tax Update: టోల్ ట్యాక్స్ (Toll Tax Update) విషయంలో మోదీ సర్కార్ సంచలన నిర్ణయం తీసుకుంది. కేంద్ర రోడ్డు, రవాణా మంత్రిత్వ శాఖ టోల్ పన్నుకు సంబంధించి కొత్త నిబంధనలను రూపొందించింది. ఇప్పుడు గ్లోబల్ నావిగేషన్ శాటిలైట్ సిస్టమ్‌ను ఉపయోగించే ప్రైవేట్ వాహన డ్రైవర్లు టోల్ ట్యాక్స్ చెల్లించాల్సిన అవసరం లేదు. అలాగే వారు 20 కి.మీ లోపు టోల్ రోడ్డును ఉపయోగిస్తే ఎలాంటి పన్ను చెల్లించాల్సిన అవసరం ఉండదు. దీంతో పాటు దేశ వ్యాప్తంగా నిబంధనలను అమలు చేయనున్నారు.

రవాణా మంత్రిత్వ శాఖ జారీ చేసిన నోటిఫికేషన్ ప్రకారం.. ప్రైవేట్ వాహన యజమానులు రోజుకు హైవేలు, ఎక్స్‌ప్రెస్‌వేలలో 20 కిలోమీటర్ల వరకు ప్రయాణించడానికి ఎటువంటి పన్ను చెల్లించాల్సిన అవసరం లేదు. అయితే GNSS సిస్టమ్ నడుస్తున్న వాహనాలకు ఈ మినహాయింపు అందుబాటులో ఉంటుంది. ప్రైవేట్ వాహన డ్రైవర్లు 20 కిలోమీటర్ల కంటే ఎక్కువ దూరం ప్రయాణిస్తే వాస్తవ దూరం ఆధారంగా మాత్రమే టోల్ వసూలు చేయ‌నున్నారు.

Also Read: Tax Free Bike: ప‌న్ను ర‌హిత బైక్‌గా రాయ‌ల్ ఎన్‌ఫీల్డ్ న‌యా బైక్‌.. కేవ‌లం వారికి మాత్ర‌మే!

ప్రభుత్వం GNSSని అమలు చేసింది

కొన్ని రోజుల క్రితం రోడ్డు రవాణా మంత్రిత్వ శాఖ ఫాస్టాగ్‌తో పాటు గ్లోబల్ నావిగేషన్ శాటిలైట్ సిస్టమ్ ఆధారంగా టోల్ విధానాన్ని అమలు చేసిందని మ‌న‌కు తెలిసిందే. ఈ వ్యవస్థ మొత్తం దేశంలో ఉపయోగించబడనప్పటికీ ప్రస్తుతం ప్రభుత్వ పైలట్ ప్రాజెక్ట్‌గా ఇది కర్ణాటకలోని జాతీయ రహదారి 275లోని బెంగళూరు-మైసూర్ విభాగంలో, హర్యానాలోని జాతీయ రహదారి 709 పానిపట్-హిసార్ రహదారిపై అమలు చేస్తున్నారు. వాటి నివేదిక ఆధారంగా ప్రభుత్వం దేశంలోని ఇతర రహదారులపై కూడా గ్లోబల్ నావిగేషన్ శాటిలైట్ సిస్టమ్‌ను అమలు చేయనుంది.

మ‌రోవైపు ప్రధానమంత్రి ఆవాస్ యోజన అర్బన్ 2.0 కింద, 1 కోటి కుటుంబాలు 5 సంవత్సరాలలో ప్రయోజనాలను పొందనున్నాయి. దీని కింద 1 కోటి పట్టణ పేద, మధ్యతరగతి కుటుంబాలకు పట్టణ ప్రాంతాల్లో ఇళ్లు నిర్మించడానికి, కొనుగోలు చేయడానికి లేదా అద్దెకు తీసుకోవడానికి ప్రభుత్వం ప్రయోజనాలను అందిస్తుంది. ప్రధానమంత్రి ఆవాస్ యోజన కింద 2.30 లక్షల కోట్ల రూపాయల విలువైన ప్రభుత్వ సహాయం అందించబడుతుంది.

Follow us