New Tata Cars: టాటా నుంచి రూ.5 లక్షలకే కారు!
ఇప్పటివరకు వచ్చిన సమాచారం ప్రకారం కొత్త టియాగోలో కాస్మెటిక్ మార్పులు కనిపించనున్నాయి. దీని ముందు వైపు, వెనుక లుక్‌లో మార్పులు చేయవచ్చని సమాచారం.
- By Gopichand Published Date - 08:09 PM, Tue - 3 December 24
New Tata Cars: టాటా మోటార్స్ (New Tata Cars) భారతదేశంలో టియాగో హ్యాచ్‌బ్యాక్‌ను విడుదల చేయబోతున్నట్లు ధృవీకరించింది. కొత్త మోడల్స్ ప్రస్తుతం పరీక్షించబడుతున్నాయి. ఈసారి టియాగోలో అనేక పెనుమార్పులు వచ్చే అవకాశం ఉంది. నివేదికల ప్రకారం..కొత్త మోడల్‌ను వచ్చే ఏడాది ఎప్పుడైనా విడుదల చేయవచ్చు. కొత్త టియాగో రాకతో మారుతి స్విఫ్ట్ నుండి సెలెరియోకు గట్టి పోటీ ఎదురుకావచ్చు. టాటా టియాగోను చివరిగా అప్‌డేట్ చేసింది 2020 సంవత్సరంలో.. అప్పటి నుండి ఇప్పటి వరకు దానిలో ఎటువంటి మార్పు చేయలేదు.
కొత్త టాటా టియాగోలో ప్రత్యేకత ఏమిటి?
ఇప్పటివరకు వచ్చిన సమాచారం ప్రకారం కొత్త టియాగోలో కాస్మెటిక్ మార్పులు కనిపించనున్నాయి. దీని ముందు వైపు, వెనుక లుక్‌లో మార్పులు చేయవచ్చని సమాచారం. ఇందులో కొత్త గ్రిల్, కొత్త బానెట్, కొత్త బంపర్ కనిపించాయి. అలాగే కొత్త ఎల్‌ఈడీ హెడ్‌లైట్లు, టెయిల్‌లైట్లు కూడా ఇందులో ఉంటాయి. కొత్త ఇంటీరియర్ దీని డిజైన్ కూడా భిన్నంగా ఉంటుంది. రోజువారీ ఉపయోగంలో మీకు ఉపయోగకరంగా ఉండే కారు అన్ని ముఖ్యమైన ఫీచర్లు ఉండ‌నున్నాయి. ప్రస్తుత టియాగో ధర రూ.5 లక్షల నుంచి ప్రారంభమవుతుంది. ఇటువంటి పరిస్థితిలో కొత్త మోడల్ ధరలో ఎటువంటి మార్పు ఉండ‌ద‌ని తెలుస్తోంది. కొత్త మోడల్ ధర కూడా రూ.5 లక్షల నుంచి మొదలవుతుంది.
ఇంజిన్- పవర్
కొత్త టియాగో ఒక ఇంజన్, CNG ఎంపికను పొందుతుంది. దీని పెట్రోల్ ఇంజన్ 1199cc ఇంజిన్‌గా ఉంటుంది. ఇది 5 స్పీడ్ మ్యాన్యువల్ ఆటోమేటిక్, మాన్యువల్ ట్రాన్స్‌మిషన్‌తో లభిస్తుంది. టియాగో మైలేజ్ వేరియంట్, ఇంధన రకాన్ని బట్టి లీటరుకు 19 నుండి 20 కి.మీ వస్తుంది. టియాగో 5 సీట్ల 4 సిలిండర్ కారు, పొడవు 3765 (మిమీ), వెడల్పు 1677 (మిమీ), వీల్‌బేస్ 2400 (మిమీ). కొత్త మోడల్‌లో కూడా అదే ఇంజన్ ఉపయోగించబడుతుందని భావిస్తున్నారు.
మారుతి సెలెరియోతో పోటీ పడనుంది
కొత్త టాటా టియాగో మారుతి సుజుకి సెలెరియోతో నేరుగా పోటీపడుతుంది. ఇంజన్ గురించి మాట్లాడుకుంటే.. సెలెరియోలో 1.0 లీటర్ K10C పెట్రోల్ ఇంజన్ ఉంది. ఇది 65hp పవర్, 89Nm టార్క్ ఉత్పత్తి చేస్తుంది. ఈ ఇంజన్ 5 స్పీడ్ మ్యాన్యువల్, AMT గేర్‌బాక్స్‌తో వస్తుంది. ఇది తన విభాగంలో అత్యధిక మైలేజీని అందిస్తుంది. ఈ కారు ఒక లీటర్‌లో 26కిలోమీటర్ల మైలేజీని ఇస్తుంది. ఈ కారు ధర రూ.5.36 లక్షల నుంచి ప్రారంభమవుతుంది. ఇప్పుడు టాటా టియాగో కొత్త అవతార్‌లో వస్తే కస్టమర్లు ఎంతవరకు ఇష్టపడతారో చూడాలి.
