Lamborghini: లంబోర్గిని సూపర్ ఎస్‌యూవీ కార్.. ధర తెలిస్తే నోరెళ్ళ బెట్టాల్సిందే ?

ఇటాలియన్ సూపర్ స్పోర్ట్స్ లగ్జరీ కార్ల తయారీ దిగ్గజం లంబోర్గినీ మార్కెట్ లో ఏ రేంజ్ లో డిమాండ్ ఉందో మనందరికీ తెలిసిందే. వినియోగదారులు ఎక్కువ శాతం మంది ఈ లంబోర్గినీ లగ్జరి కార్లను కొనుగోలు చేయడానికి ఆసక్తిని చూపిస్తున్నారు. దేశవ్యాప్తంగా లంబోర్గిని కార్ల వినియోగదారుల సంఖ్య కూడా అంతకంతకు పెరుగుతోంది. దీంతో లంబోర్గిని కార్ల తయారీ సంస్థ ఎప్పటికప్పుడు మార్కెట్లోకి కొత్త కొత్త మోడల్స్​ను విడుదల చేస్తూ కస్టమర్ ల దృష్టిని ఆకర్షిస్తోంది. ఇది ఇలా ఉంటే తాజాగా లంబోర్గిని సంస్థ భారత మార్కెట్ లోకి ఊరూస్‌ పెర్ఫార్మెంటే ఎస్‌యూవీ కార్ ని పరిచయం చేసింది.

ఇండియాలో దీని ప్రారంభ ధర రూ.4.22 కోట్లు ఎక్స్‌షోరూంగా ఉంది. కాగా తాజాగా విడుదల చేసిన ఈ కారు స్టాండర్ట్‌ ఎస్యూవీ కంటే దాదాపు రూ. 1.12 కోట్లు అధికం. ఈ కారును అంతర్జాతీయ మార్కెట్​ లో ఈ ఏడాది ఆగస్టులో లాంచ్​ చేయగా,తాజాగా గురువారం రోజున ఈ కారుని ఇండియాలోకి తీసుకొచ్చింది లంబోర్ఘిని సంస్థ. ఈ కారు ని ప్రపంచంలోనే అత్యంత వేగవంతమైన ఎస్​యూవీ Urus Performante అని లంబోర్ఘిని చెబుతోంది. ఈ కొత్త మోడల్​ డిజైన్​, ఇంటీరియర్​ రిచ్​ లుక్​ను ఇస్తాయి. ఫ్రంట్​ బంపర్​, కార్బన్​ ఫైబర్​ స్ప్లిట్టర్​, బ్లాకడ్​ ఔట్​ ఎయిర్​ ఇంటేక్​ వెంట్స్​ సరికొత్తగా కనిపిస్తున్నాయి.

ఫ్రంట్​, రేర్​ వీల్స్​ని 16ఎంఎం వెడల్పుగా చేసింది లంబోర్ఘిని. ఎత్తును 20ఎంఎం పెంచింది. రేర్​ బంపర్​ని కూడా రీడిజైన్​ చేసింది లంబోర్ఘిని. ఈ కారు గంటకు 100 కిలోమీటర్ల వేగాన్ని 3.3 సెకన్లలోనే చేరుకోగలదు. ఈ కారు గరిష్ట వేగం గంటకు 306 కిలోమీటర్లు. భారత్‌ లో బ్రాండ్‌ వృద్ధిని పెంచడంలో, కొత్త మార్కెట్ లను తెరవడంలో ఊరూస్‌ కీలకపాత్ర పోషించిందని లం­బోర్గినీ ఇండియా హెడ్‌ అగర్వాల్‌ తాజాగా వెల్లడించారు.